在家千日好

俗語有云, 在家千日好, 出外半朝難ｏ

去旅行, 日日提心吊膽, 驚乜？驚D証件漏低在酒店啦, 帶出街又驚遇扒手啦, 放在袋中又驚連袋都被人搶埋啦ｏ唉！唯有用個掛在胸前的掛袋將証件放好, 貼身收藏！但咁一泥就好唔舒服, 好似有個護心鏡咁, 行到出汗, 底衫濕佐就更難頂！你話係咪出外半朝難ｏ

日日防扒手, 防賊, 己是習以為常, 加上坐車, 舟車勞頓, 真係小D體力都不能勝任也ｏ跟住肥仔領隊一話, 今次行皇宮, 起碼要两個鐘, 唉！ 真係想死也, 其實有乜咁好睇, 最頂癮D後宮佳麗都死鬼晒啦, D寶物連影相都唔俾, 睇乜都吖！行成两個鐘, 又冇得坐（驚D古物椅斕渦！）你話死唔死！唔行又唔得！苦差也！（去賭塲吖！十個鐘都嫌少呀！都唔知D行程點設計？）

一唔係晨早去行公園, 影花影樹, 边有咁好閒情吖, 返上旅遊車嘆冷氣好過啦！最惨情見老妻猛買D旅遊垃圾！（明信片呀, 紀念品呀, 小飾物呀！一番到香港放埋, 就永不超生, 睇之無用, 棄之可惜ｏ）但人人樂此不疲！其中最傷係有個黄太！唉！黄SIR真苦命也！（不過唔買旅遊垃圾, 去到景點影完相, 都唔知做乜？）

衣食住行, 都𣎴及在家舒服, 真係攞苦泥辛, 人係咁賤格, 玩完返泥, 才知真係在家千日好也, 要等D痛苦記憶消失, 先會再去囉！