旅遊之樂

雖然黃SIR講咗好多旅遊D負面嘢, 但旅遊話晒都幾好玩嘅ｏ 未見過的風光, 文物, 都會令人大開眼界也ｏ 所謂讀萬卷書, 不如行萬里路, 一個人識見廣D, 做人都唔會咁執着, 睇吓人地點生活, 都會學倒好多嘢嫁ｏ好似黄SIR咁, 返到香港見番D靚師妹們, 就更加惜緣啦！

今次去完西葡, 我先知香港幾可愛ｏ物價平成一半, 在西葡飲罐可樂, 要成二十文港紙, 一𥖁水又成二十皮, 如果唔買, 就只有飲水喉水！香港就乜都有, 华洋美食, 真係任揀唔嬲, 在西班牙, 去食隻西班牙烤乳豬, 要坐五小時車, 真係怕怕也！（𣎴過又真係幾好食！算見識過了, 人一世, 物一世, 老襯都要做一次啦！淨係講泥吹吓水, 都值回票價啦ｏ）

至於參加此類旅行團, 有度好, 日日玩成十幾小時, 冇時間你諗三諗四, 如果有乜壓力,有乜鬼嘢唔開心,  都可以暫時忘記啦！日日玩到倦到死, 边得閒再諗嘢吖？所以有乜心事, 一個人走鬼咗去參加此類長線旅行團, 包你乜痛苦都冇晒！（因為眼前的痛苦, 如去揾洗手間呀, 防扒手呀, 執行李呀, 己經夠你煩矣ｏ）得鬼閒諗嘢乎？

人的痛苦, 好多時都係諗得太多, 又係自已覺得自已太重要, 在一團人中, 你不守紀律,你𣎴忍讓,  就被眾人唾棄, 仲敢自視過高乎？去旅行, 學做人, 都好有教育意義嫁！各位！

所以大冢應該久不久, 都要去吓旅行, 充吓電嫁！