開戲撐港女演員 杜汶澤捧阿Sa做實力派
2014/06/23 11:13:31 網誌分類: 娛樂
| 早前因反服貿事件與內地網民開火，而遭內地封殺的杜汶澤，其實對電影一直好有Heart，早前更開埋電影公司，以「GoLocal」支持本土製作為目標，跟衛視電影台合作，初步計劃阿澤三年內會監製五套電影。頭炮的《雛妓》更搵來阿Sa（蔡卓妍）配任達華，探討泰國雛妓問題。杜汶澤開戲，點名用本地女演員，他堅持：「既然話係本土電影，梗係要用香港的優秀女演員，阿Sa做了咁多年係時候大個女，可以獨當一面去演一部代表作了。」 主持︰黃柏高 統籌︰林永匡 協力︰袁東亮、林書鉉 今年是衛視電影台（StarChineseMovies）成立20周年的大日子，衛視電影台一直支持華語電影，最新Project更是與英皇電影及杜汶澤攜手打造多部以寫實題材的港產片，力撐本土精神文化。FoxInternationalChannels中文電影及娛樂節目頻道高級副總裁嚴嘉念（Cora）透露，去年落實與杜汶澤及英皇的GoLocal合作，還有參與投資卓韻芝首次執導的《爆3俏嬌娃》和今年初拍攝的《全力扣殺》等。 買版權變投資拍戲 嚴嘉念︰「所有港產片，華語電影，由拍攝時衛視已開始傾購買版權問題，依家去埋台灣，片種更豐富。為何由購買版權變為投資拍戲？就與國內電影蓬勃有關，好多電影公司北上發展，港產片漸變為中港合拍片，為顧及內地龐大市場，電影必需要加入迎合內地的元素，最明顯是運用內地演員，而其實香港電影有它的特色，所以當初與阿澤傾到合作理念，他滿腔熱誠希望炮製純本地創作、以香港為主要市場的電影，就一拍即合。」 阿Sa拯救雛妓 杜汶澤︰「當初想搵人投資拍一些入不到內地市場的電影，於是就搞間公司，行動代號係『GoLocal』，先拍五部，首部作品不容有失，咁啱早兩年我做LibertyAsia大使，開始接觸第三世界國家，知道有好多小朋友被壓逼成為奴隸，甚至妓女，就希望拍部戲正視這個問題。於是就搵阿Sa飾演女記者，如何在泰國一個有80萬雛妓的城市內拯救其中一個，而男主角就係任達華，係一部寫實加愛情的電影。」 人性化講粗口 杜汶澤監製的《雛妓》，找來志同道合的邱禮濤執導。杜汶澤其後監製的電影，據了解有意搵好友兼同樣好戲的薛凱琪和吳君如擔演。阿澤說：「中港合拍片搞到香港的優秀女演員無得做，好似阿Sa，做了Twins咁耐，佢大個女了，有真實年齡的一面，如《雛妓》中情緒爆發時，阿Sa都會講粗口，亦會有性愛場面，因為這些都是人性，佢係時候真正去演一部戲，做番自己。」 首部作品等杜汶澤放完六月大假回港埋尾就完成，現階段阿澤正努力籌備第二和第三個劇本，成年無得唞，阿澤說：「依家研究緊一個印度人在港生活的電影，印度電影興旺，在港票房又唔差，我讀書時有好多印度籍同學講廣東話仲好過我，但他們長時間被忽略，應該有部屬於他們的寫實片。好似陳果部《紅Van》咁hit，咪就係本土文化囉，其實的士、巴士都可以拍㗎！」Cora亦贊同只要是有特色題材，絕對支持。 黃柏高 |
 | |
| |
 | |
| |
 | |
| |
 | |
 | |
| |
 | |
| |
 | |
| |
| |
回應 (0)
我要發表
