心聲翻譯
2014/07/03 09:17:33
網誌分類:
經濟
在facebookStatus寫「病了……」，其實心底裏是說：「哎呀，真係好病呀，如果有人Like吓我實會快啲好啫。」
原文：「想哭。愛我的別問原因。」心聲：「喂呀！聽唔聽到呀！我話我想喊呀！仲唔快啲Comment問我點解？冇人性㗎你哋！」原文：「陽光。微風。一杯微苦的咖啡。就是。最好的。星期天。」心聲：「杯吸不千奴成四十幾銀，唔Post上網炫富咪蝕？」
原文：「流汗的感覺真好。燃燒吧！——FeelingProud」心聲：「真心，我真係覺得我好Man好大隻囉。」
原文：「一個人的晚餐。」心聲：「見唔見呀，我Single呀！溝我啦！」
原文：「有心嘅每日都係情人節，Iluvubb。」心聲：「見唔見呀，我有拖拍呀！（但係你都可以溝我……Hehe）」原文：「出走，是為了看清楚這世界。」心聲：「我又去旅行啦，幾威。」
開始有點明白在facebook那些瘋狂Post旅行相，幾乎天天喝星巴克咖啡，在健身室邊舉鐵、跑步，邊自拍，又或是經常將男朋友掛在口邊、戀愛大過天的人的心態。
這些年來，有了社交平台，人人都患上「分享上癮症」，看到甚麼、發生甚麼事都要先拍照，再在社交網絡分享。
筆者是個CDRom，極少在網上分享近照或個人感受，只喜歡瀏覽朋友們的最新消息，現在有了這一套「facebookStatus心聲翻譯表」，終於能真正理解背後的意義。
靳門抽射
靳清松
回應
(0)
我要發表
好提議