旅遊奇譚（二）

旅遊團的導遊（或叫領隊）帶着一團人出去玩, 而各圄友又係佢衣食父母, 得罪𣎴得, 於是往往就各出奇謀,希望能大家合作完成一次成功的旅程ｏ

有D好橋D, 就大家玩得開心D, 有D唔識做, 就大家反晒面ｏ有D團友不守時,人人等佢等到嬲, 話極都唔聽, 唔等又唔得ｏ結果有D領隊咪等佢地到時, 叫全團人鼓掌, 等佢地知衰ｏ有次有個領隊特登帶咗D團友去第二處, 然後再返泥接佢, , 嚇死佢班遲到鬼！（以為買甩佢地！）大快人心！

今次黄SIR去西葡, 有日参觀古城, 領隊SIMON就話有位老前輩講（唔關佢事！）呢處曾經有位團友迷失咗, 揾唔番, 在八年後再遇番, 己经在古城結婚生子矣！（黄SIR梗知佢吹水呃人啦！）不過如此一來, 大家就規規矩矩唔敢亂走矣！

又有一次旅行, 個領隊大講今晚住果間酒店有鬼, 有團人試過在房中的鏡, 睇倒果個唔係自己（好得人驚！）, 於是有四個細路女話, 四人同房至敢瞓ｏ（咁一來, 又省咗一間房錢了, 幾好橋！）

旅行真係好多趣事, 單身男女就更加多奇遇, 黃SIR後生時都好鬼鍾意旅行, 識吓人, 吹吓水, 真係好頂癮嫁！