旅遊奇譚（三）

講開旅遊苦樂, 真係欲罷不能也ｏ71年, 第一次有錢去旅行, 参加了一次台灣環島十天團, 真係快活過神仙也ｏ第一次坐飛機, 第一次食飛機餐, 全部餐具攞走晒, 留為紀念！星航D救生衣都攞埋！以前坐飛機真好！可以（立）晒D可以（立）嘅嘢做紀念！而家（立）嘅嘢被發覺, 反而要買！哼！（以前坐飛機好威嫁馬！）

在台灣環貫公路中途, 有處什么什么（阿似係亞里山啩）山, 早上起身, 云海居然在腳下, 如在仙境, 晨早去觀日出, 朝陽如火, 成隻鴨蛋般在云海中一跳出來, 真係終生難忘也, 果團D團友個個都年青, 有男有女, 又玩得, 一試難忘ｏ

其後開始東南亞旅遊, 菲律賓, 泰國, 馬來西亞之旅, 七十年代, 千零文玩成八九日, 爽到死！

到了日本開放, （好似九十年代, 日本衰退才放寬簽証, 我才去！）日本也有很多嘢玩, 不過一諗起南京大屠殺, 國仇家恨（超伯仲有好多軍票！如果可以索償, 立即有身家爭！）, 就冇晒興趣！看來黃SIR都尚算愛家愛國之人也ｏ

又試過參加一次十天行歐洲七國遊, 行完差D數唔倒去過边畿度 （瑞士啦！德國, 法國啦, 荷籣啦, 比利時啦, 英國啦, 意大利啦！）

當然係只到過D大城市, 如倫敦, 阿姆斯特丹, 法蘭克福, 巴黎之類啦！意大利去過羅馬噴泉, 凡締岡, 威尼斯, 都幾正！咁玩法, 連走馬看花都談不上, 叫做去過影張相, 到此一遊而已！又係走難式旅行團！試過都怕怕ｏ

𣎴過生仔姑娘醉酒佬！唉！最近咪又一次去走難式西葡之旅！