仔仔講嬰文

佢第一句係: AR, AR, AR!

第二句係: 好驚~ (仔仔出世後, 唔知醫生定姑娘抱佢俾我, 仔仔真係好似話好驚)

第三句: 係呀! (我問佢係咪話好驚, 佢話係呀)

跟住仲有時聽到:

OK!

唔要! (飲奶粉時)

R~ (之後我話, S, T, U, V, W...)

L! (之後我話, M, N, O, P...)

佢哭既時候會叫媽... 又奇怪地哭住叫HURRAY~

有次一起身見到我就講HANG ON...

有三次聽到佢叫 女麻 女麻, 仲要係第一次嚮佢 女麻 女麻 屋企, 第二次係第二日喎。

只聽過一次叫爸。

佢依家成日話WHO, 我就跟住講WHERE WHEN WHY HOW WHICH...

佢講A, 當然同佢講B, C, D...

佢講UT, 我唱PHONICS歌: UT UMBRELLA UT UT UT :)

佢想飲奶會話AI, 講漏左N音~

4個月時講UNCOO, 依家4個半月啦!!! 又食手, 又拎隔尿墊食, 蓋住個頭, 睇少一陣都唔得。

又因為仔仔睇少一陣都唔得,

屋企D保鮮紙用得極快!!

因為呢, 食食下野佢就醒, 又要去睇佢囉, 有時一日用四五張。

最慘係燒餅, 一早起身煲湯俾我, 等我有肉食有湯飲, 有時仲煲埋飯俾我, 我只需要陪仔仔, 餵佢飲奶, 同佢玩, 不過都好花精神既。

我覺得「沒女大翻身」既TOBY好似我... 都係嚮屋企做少奶 ^0^

弊, 今期既沒女阿怡又好似我, 唔願返工架喎...

我都係好典型既沒女啦... 冇工開, 唔識煮食, 份份工都做唔夠一年, 做新抱只係兼職所以就可以過一年... 做老婆呢, 同做老闆一樣, 唔係打工, 係老公做呀四... 所以咪可以長長久久囉。

依家就係咁姐, 但係, 第日仔仔搵學校, 做功課, 溫書, 學英文, 學畫畫, 學電腦, 我樣樣都教到佢喎, 所以我唔需要覺得自己係沒女既, 呵呵... =.=