我武維揚（九）

學武之人來自各行各業, 其中最普偏是當差, 尤其是雜差CID, 因為捉賊, 分分鐘要同人肉搏也, 好多時見做戲, D差佬叫個賊咪走, 企定定俾佢拉, 現實生活, D賊边有咁好相與呀？

也有在房署, 寮仔部工作的公職人員上嚟學, 原來拆人間屋, 好大劑ｏ尤其是撞着有D潮州冷, 惡到死！又不可理喻, 分分揸把刀追斬你！所以有D武功底子, 都冇咁易領嘢也！

有D做貨櫃車司機, 揸住架車四圍去, 分分鐘同人爭執, 一言不合, 就大打出手, 所以又要學D功夫旁身ｏ

不過黃SIR學功夫, 就真正係強身健體, 連鋤強扶弱都冇做過ｏ（因黃SIR頗為怕事, 通常只會 鋤…..弱 扶…..強, 走精便！見人弱就鋤佢一嘢ｏ見人强就立即較腳！不吃眼前虧！趙是！）, 除暴安良更加談不上, 一見暴力, 我就怕怕,（如果唔係怕見血, 我早早做咗黃綠醫生啦！）通常我, 第一安嘅, 就係自己（我就係…..良啦！）

黃SIR學咗成身功夫, 從來冇用過, 又懶練！整整吓, 而家只識講, 唔識打矣！

學功夫的好處除了強身健體之外, 對一個人的自信心培養也是很有功效的ｏ（而家我學乜都叻過人, 就是這個原故！）