死於無聊

人有時會無無聊聊, 做出來的事, 如果要求佢解釋, 佢都唔知點講至好, 有時是越描越黑, 越解釋就越多誤會ｏ

曾經有段港聞, 講一個健身痴, 在家中, 把雙腳鎖在家中橫樑倒吊練習, 竟然因自己無力解下, 至腦充血而死！（如果可以問米, 請教吓呢位仁兄點解咁死傻, 玩死咗自已, 相信佢都幾尷尬！）\

又曾經有位髮型師學徒, 一個人在髮型屋, 用條繩綁住自已, 搞得两搞, 纏住條頸, 氣絕身亡！真係無無聊聊, 玩死咗自己ｏ

曾經聽過一個故事（好似係套戲）, 有個女人請了一位男仕回家（普通朋友！）,女主人入了厨房ｏ這位男仕就無無聊聊四圍參觀, 又無無聊聊進入了女主人的睡房, 發現女主人的床西斜, 佢就貪得意躺在床上, 想睇吓太陽幾時至消失！

誰知此時女主人的丈夫, 返到家中, 進入睡房換衫, 見到條懵炳！大吃一驚！

懵炳立即跳起身, 解釋話, 如果我而家講俾你知, 我躺在你床, 係等日落！你會唔會信呢？

人生有時的際遇, 尷尬之處, 真有如此懵炳！

正如黄SIR有時得罪D靚師妹, 其實D行為, 同呢位懵炳差不多！無無聊聊之事, 要我解釋, 都不知從何說起？ 講咗, 都唔知你地會唔會信！吓？