相人之術（額如覆肝）

有所謂頭尖額窄, 就冇釐貴板, 額主少年運道, 額如覆肝則為佳ｏ何謂覆肝, 你去街市買個豬肝, 反轉向上一放, 如有此額, 主少年運順遂, 讀書聰明, 又得父蔭ｏ

其實人的面相, 主要分為三亭, 上亭主少年運道, 中亭主壯年運, 下亭主晚年運道, 所謂下巴兜兜, 晚景就無憂！趙是！

所謂相由心生, 一個開朗之人, 當無愁苦之面容, 一個健康之人, 定然充滿生機, 可以斷言ｏ所謂入門休問榮枯事, 一看顏容便得知, 連孟子教人睇人都有言, 如果一個人目光堅定, 乃正人君子, 如閃爍不定, 則可能是陰險小人也ｏ君不見, 有D人講嘢, 不敢正眼望住人, 多數係講緊大話也ｏ

其實上亭主少年運, 額上為腦, 少年人能早年多D學習, 有讀書的天份, 自不然行好運矣ｏ一早出咗去做童工, 挨到死吓死吓, 個樣都唔慌好咗啦！

你睇吓壽星公個額凸晒出泥, 就知靚額乃腦大的外殼, 所以普通人只要額如覆肝, 已经夠晒, 唔駛好似壽星公咁鬼誇張嘅ｏ而頭又尖, 額又窄, 主其人學習能力低, 又冇乜腦, 試問一個咁嘅人, 又點可以發呢？所以話佢冇D貴格都冇乜錯矣！

長相影响了成就ｏ信焉！