《特囧》孖寶大派笑彈 雨僑︰忍笑最辛苦
2015/08/17 08:41:16 網誌分類: 生活
| 若然你鍾意睇喜劇，那絕不能錯過即將上映的動作喜劇《猛龍特囧》，單是掟上網的Trailer已笑到肚痛，身兼導演、編劇、男主角的胡耀輝（Mark）跟鄭中基Ronald是一對歡喜冤家，亙窒互寸的對白抵死又過癮，雨僑笑言跟這對oddcouple演戲，腦筋轉慢點都會出事，「接得到落去會好興奮，Ronald成日爆肚改對白，如攪肚痛會話『咕嚕嚕！』，Mark又會接句『你鮍鮍聲去bubu蕉！』，咬住條婣都要忍笑，真係好辛苦！」 說起oddcouple的動作警匪片，最經典莫過於《神勇雙響炮》、《咖哩辣椒》，《猛龍特囧》找鄭中基搭胡耀輝上陣，一肥一瘦的外形已夠好笑，胡耀輝說：「這是我第二部自編自導自演的作品，戲中Ronald是在美國哈林區長大的黑人鎆底，成日會中英夾雜，而我就係成日以為自己好靚仔又想做明星的肥仔，因參加《中國好男兒》活動期間目擊香港首富個仔撞死人不顧而去的案件，為出庭作證而被人追殺。」選港男那段玩得幾盡，翻版古天樂、翻版黃曉明任玩唔嬲，讓人拍案叫絕。 即場爆肚度笑位 常說演喜劇要夠放才好玩，睇Trailer見胡耀輝那「孟子良」造型浮誇惹笑，令人留下深刻印象，胡耀輝說：「作為演員我係合格的，其實我有份演都係拜鄭中基所賜，佢話明我演肥仔那角色先會接部戲，我心諗係咪整蠱我呢？但我又唔識佢，無理由整蠱我，結果大家一拍即合，記得有場三頁紙對白的戲可以一take完成，雖然劇本出自我手，但好多時都唔及佢熟讀劇本，大家去到現場會度些對白或笑位給群聚演員，務求每個角色都有戲。」難得可跟兩大笑匠合作，雨僑笑言最難係忍笑，她說：「他們轉數快，如果接到落去會好興奮，比如Ronald會將一些字眼改了，有幕講佢好肚痛，劇本寫佢攪肚痛，佢就話『我咕嚕嚕呀！』Mark就好快接一句『好啦，你鮍鮍聲去bubu蕉！』這些我都未聽過，唯有咬住條婣都要忍笑。」 放棄做女神 演員要懂豁出去才能成功，看雨僑這次便知，懶理辛苦建立的女神形象，主動戴上近千度的遠視眼鏡埋位，在鏡頭前跌跌撞撞，怪咖得令人咋舌，胡耀輝澄清說：「唔係我心理變態大整蠱，你睇我生得咁四正，個妹係絕世靚女就無謂啦！又唔係話要核突醜樣，只係衣覑colourful好卡通，成日會做些好蠢好笨的事，雨僑選了對連行步路都唔穩的圓底鞋，令效果更突出，仲要食定暈浪丸至埋位，好醒。」雨僑坦言在角色設計花盡心思，她說：「這是我第一部喜劇，最重要的笑位都有落在自己身上，所以花了很多時間去揣摩，那副遠視眼鏡戴起來雙眼會放大，睇落好搞笑但會暈、睇唔到№，所以成日會撞埋牆，埋位前要記實走位，我飾演阿Mark妹妹，係一個將會失明的女孩，他參加比賽除要滿足自己的明星慾外，亦要為我搵錢醫對眼，同時我亦暗戀Ronald好多年，由於造型幾醜，被拒絕亦好正常。」 主角慘被虐打 這部動作喜劇找來世界級自由搏擊冠軍的內地演員楊建平飾演大反派，收order要虐打式招呼三位主角，爆肌激戰堅夠刺激，鄭中基被打到飛起，雨僑更被掌摑兼擊中頭頂見暈，她說：「最深刻係上海地盤那場，我要被蒙眼綁手吊在八樓半空，企出竹棚一刻真係驚，拍攝時沒綁安全帶，但阿Mark畏高都照拍，所以都頂硬上。」胡耀輝在旁補充說：「一定要介紹張馳，戲中飾演我的朋友，為救我而壯烈犧牲；而楊健平係世界級MMA冠軍，肌肉勁到嚇死人，因我要佢赤裸上身打沙包，因無覑鞋，初時發唔到力，後來掌握到個力後，連個沙包都打爛埋，我當時好驚，因當晚就要同佢對打，雨僑都唔覺意被打中，我就中面。」 主持：黃柏高 統籌：林永匡 協力：彭燕燕 攝影：張詠森 化妝：Lisa.C@Lisa.CMakeupArt（雨僑） 髮型：VincentLau@PrivateI（雨僑） Outfit：howaNdwhaTfromDuier（雨僑） 場地提供：稻‧拉麵 |
 | |
| |
 | |
| |
 | |
| |
 | |
| |
回應 (0)
我要發表
