南非經濟低迷 蘭特破底
2015/12/15 10:11:39
網誌分類:
經濟
當然另一重災區在新興市場，很多新興市場國家股市匯市同樣重創，例如明年舉辦奧運會的巴西，股市就由高位總共跌去13000點或22%，而其貨幣亦跌至歷史低位，準備明年現場看奧運的旅客就有福了。有些國家更慘，環球經濟復甦動力慢自然令股市受壓，再加上油價下跌及美元急升，其中韓國就在油價急跌的基礎上股匯雙殺，韓圜亦跌至兩個月的低位，不過最大件事都係想講講南非。
南非總統JacobZuma換走財政部長NhlanhlaNene，接任人係國會議員DavidVanRooyen。南非係黃金生產大國，全球金價低迷令當地生產商叫苦連天，因當地生產商係全球入而生產成本最高。南非經濟唔好都唔係今日先知，例如第三季國內經濟增長GDP只得可憐既0.7%，而南非犯罪率多亦是人所共知，但有頭髮邊個想做癩痢？南非經濟唔好，失業率高達25.5%，呢個數據比起部份歐豬國家更加高，而評級機構亦先後將南非的前景展望下調，評級只比垃圾級別高一級，發債成本提升，企業經營更難上加難。經濟差，炒咗個財政部長都好合理，問題是繼任人DavidVanRooyen是何方神聖？
經濟學家就指，完全無聽過呢位仁兄在財政及經濟上有任何往績。不但沒有在任何中央銀行任職經驗，亦無在地方政府出任要職，就立即空降走馬上任，即係你同我或阿豬阿狗都可以出任。筆者曾經講過，自歐債危機後大部份經濟唔好既國家都換晒政治班底，希望博一博單車變摩托。不過今次市場明顯擔心新不如舊，可以做既唔係用腳投票，而係用手指不停沽出南非蘭特，投下不信任票，難怪南非蘭特已經跌至歷史低位啦。不過講番轉頭，因為南非黃金生產商開採成本以蘭特計價，但出售黃金就可以收到美元，美元兌南非蘭特跌穿歷史低位反而刺激當地生產商既股價因禍得福，其中HarmonyGoldMining就急升25%，是16年最高。
ADSSecurities零售市場銷售總監
陳健豪
回應
(0)
我要發表