開騷發放正能量 鄭欣宜：俾個美好回憶我！
2016/09/12 08:41:21 網誌分類: 娛樂
| 鄭欣宜Joyce是我很喜歡的女孩，為人謙卑有禮，永遠笑臉迎人，繼去年推出〈你瘦夠了嗎〉掀起熱話後，今年更憑〈女神〉一曲跑出，MV在網上有超過420萬點擊，觀眾接納她的真我形象，沒半點虛假，「其實出咗呢兩首歌後，每次出街食飯都會有好多人走來同我講多謝，話我俾好多力量佢哋！」說到下月21、22日於九展舉行的首個個人賣飛演唱會，Joyce坦言希望藉此機會發放更多正能量，「雖然大家認定我係一個猛發放正能量嘅人，但其實我也會有唔開心或者有自己唔識點面對問題嘅時候，我想趁這演唱會跟大家分享的信念係『有問題解決咗咪冇問題囉！』，任何人都可以做到。」 一直在觀眾目光下成長的Joyce，過去曾為滿足別人的審美觀而迫自己減肥瘦身，結果令她感到迷失，幸好兩年前遇上好老闆蕭定一，讓她可以做回自己，看到Joyce的演唱會海報不感嘩然，大膽出位的動作確實令人留下深刻印象，先講解演唱會為何被命名成《女神有問題》，據Joyce解釋這全因她真的是問題女生，「我成日都好好學，好多嘢想知想學想問，但有一個問題我想趁演唱會同大家分享的，就係無論你有甚麼問題，只要解決咗就係冇問題！」別以為這是爛gag，這其實是Joyce一直以來的信念，遇到問題便去解決，做人要有目標和堅持，這才會成功和快樂。 用盡洪荒之力籌備 首個個人賣飛演唱會難免有壓力，Joyce也不例外，這天看她一臉緊張，說到籌備過程，Joyce坦言最頭痛是選歌曲部份，「始終我只有四隻碟，自己歌真係唔夠，所以一定會揀其他歌手嘅hit歌唱！其實現在主要諗點分rundown，每一part對我有咩意義，我又想帶出乜嘢訊息呢？自己主意又多，一諗到就提出，rundown不斷改，唔知其他歌手係唔係都同我一樣呢？」這是每個歌手必經階段，因為rundown直接影響觀眾情緒，「我好好彩，搵到何山做我音樂總監，我真係好感激佢，因籌備時間好緊迫，有時我一有意見提出就會改動成個rundown，但何山一句怨言都冇，好樂意幫我，真係好感動，還有導演莊少榮，大家出盡一百五十分力去做好這個騷，想俾我一個最好嘅回憶！」 為演唱會拍片送驚喜 所以說一個好的歌手除了歌藝，背後亦真的需要公司的全力支持，和好的團隊。當萬事俱備，剩下就是自己的努力，要應付一個至兩小時的個人音樂會，魄力很要緊、養聲也要緊，可要記得忍口少吃辣和刺激東西！ 「我唔似人淨係食蛋、食雞胸肉減肥，不過我真係有做好多運動，因為體能上怕自己應付得辛苦。同埋有一樣嘢我覺得自己好叻，我已經冇飲酒一個月喇！」叫我不喝酒絕對是個高難度的事，不過我說真的，蘇格蘭人靠威士忌加檸檬、暖水醫感冒，喉嚨有一點不舒服，喝一點威士忌可以紓緩開聲的！「係唔係真㗎！等我試下先。講返個演唱會，我哋舞台設計會好簡單，但其他嘢就不惜工本，我係特登飛咗去第二個地方拍咗條片播，亦會第一次獻唱我自己寫嘅歌………透露小小首歌俾大家聽，呢首歌係我自己好想送俾所有跌低過嘅朋友，唔緊要嘅，只要我哋企返起身，夠膽再行出一步，唔止曉跑，我哋仲曉飛?！」 主持：黃柏高 統籌：林永匡 協力：彭子僖 攝影：袁東亮、謝民光 Makeup：Samuel@江中平化妝室 Hair：MilkChan@Xenter Styling：ConstanceLee Venue：SparkBar & Restaurant |
 | |
| |
 | |
| |
 | |
| |
 | |
 | |
| |
 | |
| |
 | |
| |
| |
 | |
| |
 | |
|
回應 (0)
我要發表
