PACO名人會
PACO名人會
PACO名人會

新片揚威海外 Janice Man :拍到情緒崩潰!

2016/10/17 08:41:24 網誌分類: 娛樂
17 Oct

        今天真的很高興,又有一套港產片為港爭光,恭喜電影《兇手還未睡》在美國靛藍月電影節獲選為最佳劇情片,這部剖析人性陰暗面的電影可謂贏盡口碑,觀眾個個讚JaniceMan文詠珊演得夠放,我認為這部戲對JaniceMan意義非凡,不僅在尺度上,演技上亦有很大突破,「當初收到劇本都好矛盾,少有劇情片會畀女仔咁有發揮,拍落亦好有難度,情緒要由頭崩潰到尾,感覺一直被角色困住,完全唔可以放鬆,不過最開心都係有導演Herman,好有諗法又肯放手畀我發揮。」

        主持:黃柏高
        統籌:林永匡
        協力:彭子僖
        攝影:袁東亮、謝民光
        Hair:MattChiu@Xenter(JaniceMan)、MaggieLee(許志安)
        Makeup:VinciTsang(JaniceMan)、SeikoSin@HairCulture(許志安)

        苦等多時,邱禮濤導演的新片《兇手還未睡》終於有得睇,其實我早於香港電影節時已率先睇片,當時觀眾反應熱烈,他們大都表示從沒見過這種佈局的懸疑片,口碑好到不得了,加上電影得到各地電影節的評審團高度讚賞,為電影台前幕後注下強心針。

        許志安出山奇作

        「係真㗎!我同家棟特登為咗宣傳試片飛咗一轉西安,呢次西安之旅真係去得好值得!」其實距離許志安上次拍電影已經過了五年,上次和導演邱禮濤合作更是15年前的事,我真的想知道導演如何請得安仔出山拍戲,「同導演合作好多次,睇返十幾年前的《夢差人》、《七號差館》、《殺科》每一次格局都差唔多,而今次合作係一部推理懸疑動作片,我覺得大家都成熟咗、昇華咗,尤其係導演功力更勝以前。拍呢套戲一定係被劇本吸引,我特別鍾意方慕哲呢個人,喺戲裏面好計算,覺得人生就係咁樣,所有嘢同機會都有得計,同我嘅人生完全相反,畀我有一個機會嘗試體驗一個相反嘅人生。呢個劇本好睇在,每一個人都有動機,每一個角色到底係奸定忠呢?我都講唔出。」

        林家棟打到飛起

        哈哈哈!推理懸疑動作片!講得非常之正確,《兇手還未睡》的確有很多動作場面!大家可看到許志安、JM和家棟上演連場激情動作場面,據我所以,家棟跟導演是第一次合作。「我覺得電影成功,導演Herman真係功不可沒。之前人哋講佢係咩cult片王、咩B級片王,咩B級啫?B到個影帝黃秋生又B到個影后劉美君出嚟,我都想B呀!我好鍾意個主題,每個人心目中都有個魔鬼,都有個兇手喺度,問題在於件事幾時觸到你嘅底線。戲中我同安仔嘅對手戲唔多,我係特別想講JM,我哋兩個埋位蜜月期無耐就全部係崩潰嘅對峙狀態,真係估唔到佢可以爆到咁………嗰場重頭掌摑戲事先冇排過,我睇住佢嘅眼神係『嚟啦!你打我啦!』,事實上,我嘅力度冇十成都用咗七成,有一下係冇人預計得到,我一個反手打到佢360度飛咗出去,所以我話導演選角真係好好,通過今次佢咁用心演繹,我相信JM一定唔會再係人哋眼中嘅花瓶。」

        由頭崩潰到尾

        對一個女演員來說,要全裸又要激情兼俾虐打,的確一點也不容易,更何況是一向高貴漂亮的JaniceMan,那種豁出去的態度最令人佩服,連安仔也讚不絕口說:「我特別記得有一場在浴室拍嘅激情戲,地方好細,但係有十幾個大漢crew迫晒喺度,我哋兩個仲要好似冇乜着衫?。JM畀我嘅感覺就係領導群雄,拍完一次仲話想嚟多次。」

        其實對JM來說,真正挑戰不是激情裸露,而是掌握角色的難度和情緒起落,她說:「當初收到劇本真係好矛盾,因為好耐冇見過有劇本可以畀女仔咁有發揮和突破,而拍落亦真係有難度,我拍戲一向好易抽離角色,係呢套戲令我領略到俾一個角色困住。我未試過一個角色嘅情緒係由頭崩潰到尾,埋位第一日已經要拍警局門口場戲,情緒崩潰到極點,無助到跌喺路邊,因為成部戲情緒都扯得好緊,自己完全唔敢放鬆。導演Herman真係好有諗法亦好肯放手畀我發揮!」    
 
電影《兇手還未睡》揚威海外,今天特地請來林家棟、許志安和女主角Janice Man細說拍戲時的辛酸和睇法。
電影《兇手還未睡》揚威海外,今天特地請來林家棟、許志安和女主角Janice Man細說拍戲時的辛酸和睇法。
■十多年後再合作,許志安大讚邱禮濤導演功力昇華。
■十多年後再合作,許志安大讚邱禮濤導演功力昇華。
■已睇試片的人十有九讚JM演出夠放。
■已睇試片的人十有九讚JM演出夠放。
 
■JM在戲中跟許志安的感情瓜葛錯綜複雜。
■JM在戲中跟許志安的感情瓜葛錯綜複雜。
■林家棟坦言在戲中虐打JM絕無留力。
■林家棟坦言在戲中虐打JM絕無留力。
■JM埋位第一日就在警署門外情緒崩潰。
■JM埋位第一日就在警署門外情緒崩潰。
 
■JM坦言因角色長期崩潰而感到很累。
■JM坦言因角色長期崩潰而感到很累。
■林家棟大讚JM豁出去的演出。
■林家棟大讚JM豁出去的演出。
■許志安笑言自己跟角色的人生和性格完全相反。
■許志安笑言自己跟角色的人生和性格完全相反。
 
回應 (0)
我要發表
user