《胸X計》瞓身大整蠱 崔碧珈：集集都好豁出去玩!
2017/02/20 10:11:22 網誌分類: 娛樂
| ViuTV的真人騷節目向來備受觀眾追捧，新節目《胸X計》找來36G崔碧珈（Anita）、34D林芊妤（Coffee）和36G「寸嘴Barbie」夏尉喻（Barbie）聯手，為身材出眾而又常被標籤為「胸大無腦」的女生平反，齊齊諗計整蠱人，擔任軍師的KevinBoy（KB）坦言整蠱要訣是「玩得夠放、唔好有包袱！」上星期播出的頭兩集反應熱烈，跟KB學自虐式整蠱術的Anita可謂瞓身出擊，「主要都係先插自己幾刀，扮受害者再等人拯救，所以集集都好豁出去玩！」Coffee則說：「整蠱陳柏宇那集好似玩自己咁，有時都會諗其實係整蠱人定整蠱自己？」 主持：黃柏高 統籌：林永匡 協力：彭子僖 攝影：袁東亮、謝民光 場地：寶哥火鍋 節目頭集見KB先出招整蠱三位女拍檔，設局玩喊Anita、迫Coffee食「屎」（朱古力混合物）再扮嘈交嚇窒Barbie，過程笑中有淚，KB說：「其實第一二集已睇到『胸大無腦』這說法係錯嘅，佢哋個個都非常之有腦，今次節目畀我印象係，Coffee完全唔係我睇報道那種人，個人好單純；寸嘴Barbie就一啲都唔寸嘴，完全唔講嘢，應該叫封嘴Barbie；至於崔碧珈我識好耐，從未聽過佢講咁多嘢，好開心可更加認識佢。」說到頭輪已被玩到喊，Anita撒嬌說：「佢哋要我攞個飯盒質落監製塊臉，後來知被玩真係好嬲，第一集覺得未warmup，但到後期愈來愈放時就愈多嘢睇！」 自虐式整蠱術 為整蠱人可以去到幾盡？KB坦言要玩得夠放、唔好有包袱，說到第二集整蠱陳柏宇的過程，KB笑言是以一個假《真PK》節目來誘騙陳柏宇入局，為讓對方相信真有其事，Anita和Coffee瞓身去盡，不斷慘遭大懲罰，拖鞋彈腳板、夾手指、膠漿淋頭搽臉，過程苦不堪言，Coffee說：「好似玩自己咁，有時都會諗究竟係玩人定玩自己？淋到成身都係漿，其實我哋都唔係好介意花容失色，最慘係洗唔甩，結果甩了過千條頭髮。」KB聞言補充說：「我只係度條橋，其他都靠佢哋，佢哋真係瞓身，雖然明知個節目係假嘅，但佢哋依然好接受懲罰，令陳柏宇真係信。」Anita坦言完全豁出去，她說「主要係先插自己幾刀，扮受害者再等人拯救，真係集集都好豁出去玩，最難忘係嗰日拍到深夜十一點幾先可去沖身，嗰啲膠漿好難洗甩，搞到凌晨兩點幾，但成班crew仲堅持要等拍感想，最終我係成個頭濕晒，全素顏，眉都冇劃下錄影，真係入行幾年來首次嘗試。」 主持開會鬥拋橋 事實上，KB教授的整蠱招數愈自虐，觀眾睇得愈開心，KB透露每次開會，大家都會鬥拋橋，而玩人最高境界是「能拿自己開玩笑」，他大讚Coffee為引Mastamic入局，不惜自揭瘡疤，任由對方rap起昔日舊聞，他說：「我覺得能攞自己出嚟開玩笑係好難，但最work，其實真人騷都係想畀觀眾見到你最真一面，唔好介意面對以前曾經好與唔好嘅報道。」說得沒真人騷最好玩是可表現真我性情，這天Coffee重提此事時亦眼泛淚光，她說：「我好想多謝呢個節目同呢條橋，好多時我會選擇用一個好硬朗嘅角色去面對所有事情，經常會笑看人生，曾經有好多人取笑我，每次我都會一笑置之，又或者自己笑埋自己，但到拍攝嗰日，我發覺我真係可以做回自己，那是我真實反應（鏡頭前爆喊兼鬧爆Mastamic），嗰日講完出嚟成個人舒服晒。」 Coffee拿自己開玩笑 拿自己開玩笑的還要算Barbie一份，她說：「Mastamic係一個rapper，佢哋就叫我同Mastamic在節目裏PK，大家都應該略為有聽聞我都係一個rapper，曾經有創作一首歌嚟介紹自己（當年電影《美人魚》的選拔賽），我都係用嗰首歌同Mastamic鬥PK。」KB補充說：「其實佢嗰單rap喺網上世界係畀人嘲笑，畀人勁笑，坦白講對唔住，我都有份笑，嗰日Barbie目的都係想Mastamic上當，而佢又真係完全唔介意畀你笑，所以我覺得佢哋三個都幾勇敢。不過最唔想提就係最終我被反整蠱，大家都知火火好辣，既係導演又係主持、DJ，人好聰明，轉數又非常之快，我諗住佢幾個都有咁上下training就去打大佬挑戰吓，點知佢哋成班食碗面反碗底，我真係老貓燒鬚，枉我咁信佢哋，諗住一齊去打大佬，唉，行走江湖咁多年，終於都被人反整蠱。」 |
 | |
| |
 | |
| |
 | |
| |
 | |
 | |
| |
 | |
| |
 | |
| |
| |
 | |
| |
 | |
| |
 | |
| |
 | |
| |
 | |
回應 (0)
我要發表
