新片內心戲重 周秀娜：俾自己好大壓力！
2017/04/24 08:41:17 網誌分類: 娛樂
| 有說女人在面對三十歲關口會感得茫然迷失，於是彭秀慧便把這心態寫下來，當年創作的舞台劇《29+1》贏盡掌聲，12年後的今天再把故事搬上大銀幕，找來周秀娜Chrissie和鄭欣宜Joyce分別飾演戲中兩個性格截然不同的女生，Chrissie坦言跟戲中角色如出一轍，「我23歲和26歲時都有睇這個劇，好鍾意個故事，慶幸自己30歲時才演『林若君』這角色，早兩年要我演都未必有咁大感受，這角色性格跟我好似，做事認真執着，經常俾好大壓力自己，可能係社會環境迫成，覺得你30歲要有一定成就。」其實做人最緊要開心，29+1正是我的酒齡，而我係會選擇大步衝過去，繼續飲，Enjoyyourlife，毋須想太多。 主持：黃柏高 統籌：林永匡 協力：彭保迦 攝影：袁東亮、謝民光 化妝：CircleCheung@ND&Co.（周秀娜）、SharonLam（彭秀慧） 髮型：AmberTse@QUEEN'SPRIVATEi（周秀娜）、JoLam@QUEEN'SPRIVATEi（彭秀慧） 服裝：@monki#monkistyles（周秀娜）、TibifromHARVEYNICHOLS（彭秀慧） 場地：CentreDeVin 改編自彭秀慧同名舞台劇的電影《29+1》，講述兩個性格截然不同的女生，面對踏入30歲所發生的人事變更，導演彭秀慧坦言30歲對女人來說是大限，甚至一提起便毛管戙，「我諗所有過咗嘅人都覺得唔會係一件好大嘅事，但的而且確好多人會覺得係大限來臨。要把這個劇拍成電影，女主角人選好重要，我要搵一個好典型嘅女仔，俾人感覺好勤力，個人好執着、繃緊，Chrissie俾我感覺好近似呢種人，一做就要做到最好，基本上有佢先有這個戲。」 兩個不同世界的女生 周秀娜坦言很欣賞舞台劇《29+1》的故事，能演林若君一角更覺是一種緣份，「我好鍾意這古仔，因我真係睇過這舞台劇，同埋無諗過自己真係可做林若君，無諗過自己可接到這角色，好多嘢夾埋一齊係緣份，因我第一次睇《29+1》係23歲，然後我26歲再睇第二次，到自己真係29+1時就接到呢部戲，我覺得所有嘢夾埋一齊就真係緣份，所以好感激有這機會同夾得咁好，如早兩年問我，又未必有咁大感受，25?6歲同29歲心態上又或所面對的事都有唔同，可能未必掌握得咁好。」 還未睇舞台劇的觀眾，或許對《29+1》的故事不太了解，導演彭秀慧特此說明：「Chrissie飾演的林若君係好典型香港女仔，事業好順暢，閒時跟班姊妹講下幾時結婚、護膚、有咩打算，但又發現身邊男朋友，拍拖好多年，又唔係好令你要結婚，又唔覺得要分開，而Joyce飾演的黃天樂喺別人眼中一事無成，唔特別出眾，無拍過拖，無成就、無事業，但佢係一個超級樂天嘅女仔，彷彿天跌落嚟當被冚，世間好似無乜人係咁；機緣巧合下，林若君搬咗去黃天樂屋企，因黃天樂去咗旅行，後來發現呢兩個女仔之間有些關係互相影響對方。」 歲人生另一階段 現今世代要活得像黃天樂般無憂無慮，看似很難，周邊總有人列出某些準則要求你去達標，而正正是這種矛盾對比，林若君彷彿是現今女性的借鏡，令Chrissie演得更入肉，連場內心戲讓人喘不過氣來，導演彭秀慧亦大讚說：「我可以好威水咁講，我見到最好最靚嘅周秀娜，我講係內外兼備嘅靚，因你會見到佢好有信心和光采，30歲開花了，人生應該係踏入另一個階段，變得更成熟和穩定。」Chrissie聞言傻笑回應：「其實我成日都唔滿意自己的表現，自己永遠唔識跳出嚟睇，可能這就是我同林若君相似的地方，好認真做每件事，好想做到最好，不斷迫自己，俾好大壓力自己，每次導演叫我睇playback，我都唔係好想睇，因每次睇都對自己有好多不滿意。記得開工前大家做了好多功課，兩個月前開始一齊圍讀，互相認識、排戲，跟戲中班姊妹熟悉，這是之前拍戲從未試過的，你都知香港拍戲好少話大家有時間咁做，但導演係會捉住我去做一啲情緒練習，如家人過身後的情緒和感受，這讓我更容易去揣摩這角色，因導演好了解這角色，在排練過程中，佢捉到我同林若君之間的相似之處。」 |
 | |
| |
 | |
| |
 | |
| |
 | |
 | |
| |
 | |
| |
 | |
| |
| |
 | |
| |
 | |
|
回應 (0)
我要發表
