30年好友首度合唱 許志安蔡一傑 《男藍》好啱Key
2017/09/04 08:41:25 網誌分類: 娛樂
殿堂級組合草蜢的成員蔡一傑,今年推出第二張個人專輯,近日傑仔的第二首主打歌《男藍》派台,即成大熱Hit歌。新歌的主題是唱出熟男的憂鬱和感慨,傑仔即馬上邀請其相識30年的好友許志安合唱。兩人都是首度與男歌手合唱,互獻第一次,兩位擁有獨特聲線的魅力歌手深情演繹,擦出精采火花!傑仔說:「估唔到同安仔合唱,出奇地夾,似一首男人嘅Blues(藍調)。」愈聽愈有味道的《男藍》,勢必成為2017年大熱K歌! 蔡一傑近排肩負雙重身份,除要備戰草蜢11月的演唱會,亦要為自己的新歌宣傳。繼月前與潘源良合作的派台歌《流淚的怪獸》,講述人性黑暗面。近日,第二首主打歌《男藍》一出即好評如潮,新歌點名搵許志安首度合唱,「Hehe」合唱「好有嘢」?真係唱出新驚喜。 度身訂造好歌 傑仔興奮說:「我未試過同男歌手合唱,今年第一次。收到專輯嘅歌單,知道有首『男男』合唱歌,一諗就諗到搵『巨星』許志安啦!一向好欣賞巨星喺台上嘅live演繹,過往經典作品亦好精采,把聲好有感染力,極具磁力。既然要邀請安仔合唱,我都要事前做足工夫,希望用誠意和心意打動對方,萬一畀佢拒絕,好瘀㗎。所以一早搵何秉舜出手作曲,叫佢度身訂造一首好啱我和安仔嘅歌。我同安仔識咗成30年,《男藍》正好作為我哋呢30年友誼嘅禮物,哈哈!」許志安亦非常滿意這份大禮。 見證友誼的禮物 曲詞Ready好,都要加埋歌手完美演繹,我第一次聽《男藍》,安仔和傑仔兩把聲好有獨特個性及代表性,細嚼後極有畫面。何秉舜作曲、周耀輝填詞的新歌,百聽不厭。高度推薦搵周耀輝填詞的安仔說:「我聽完首歌,就決定個方向係一首情歌。歌詞寫兩個唔同世界嘅男人,有歷練,喺思維、睇法上唔同。我和傑仔各自唱出兩種男人心聲,其中有一種touch係有共通點。最初我哋收到份歌詞唔知點去處理,就話入到錄音室,加埋音樂唱一次睇吓。唱一次後就感受到首歌好有力。」傑仔亦謂無想過二人可以一拍即合,他謂:「當我哋第一次入錄音室,刻意無溝通點去唱,我唱先,然後到安仔,分別錄完自己個part,就去聽番、感受對方嘅唱法,各自消化後另日再錄,就自然有feel去唱。」 劇場版MV 除日前推出的搶先版MV,月中將有一個劇場版MV,傑仔找來拍《失樂園》成經典話題MV的導演嘉萍操刀。傑仔說:「導演都好鍾意首歌,希望拍到有故事性。首歌刻劃兩個男心嘅內心寫照。新MV中,我扮演酒保和司機,安仔係個office上班族。」安仔補充說:「成件事經嘉萍手後,變得好有型好靚。我會問『邊有司機咁靚仔㗎!』哈哈。」傑仔亦大讚好友演繹好到位,他說:「安仔嗰種淡淡然兼有少少無奈,其實好難拿捏、表達㗎!無咁上下歷練都做唔到。但安仔就夠晒份量,先可以唱到又做到。因為佢經歷過許多,無論人生、定舞台上嘅閱歷,累積落嚟嘅豐富經驗。」 主持︰黃柏高 統籌︰林永匡 攝影︰袁東亮 協力︰林書鉉 |
| |
| |
| |
| |
| |
| |
| |
| |
| |
回應 (0)
我要發表