1~6/11 月初好淡通殺

2017/11/01 18:26:48 網誌分類: 經濟

01 Nov

11月開新局好友大反擊.港股結束兩連跌.高開高收呈陽燭.挾淡屠熊.繼續尋頂

1/11 周三恒指收報28594, 升348點(最多上升361點), 收復10及20天線

國指收報11636, 升128點(最多上升144點), 國指小幅跑輸恒指

內銀腳軟.內險騰訊爆升領軍.落後股受追捧.港股作出報復式反彈

好友及大媽強勢上攻, 今日高位28606不會是周頂, 明日會有新高點, 因為周波幅只得423點略嫌太少, 能否上企28600是關鍵, 淡友必需要出手, 如果攔唔住就死得, 只要收市上企28600有望挑戰前頂28798, 希望月初先做短頂, 不要升得太高, 回一回落番去消化沽壓, 然後再上攻, 大時代股災頂在28588係魔咒位, 要留意沽壓有多大, 如能企穩淡友命危

每月第一天升市居多(80%), 而第二天跌市機會率係60%, 即係明日未必收升, 但會收28438樓上，只要明日收跌，後日周五就會收升，因為通常每周最少升2日

港股11月開新局, 按照慣性走勢會先向上尋頂, 但月初見的高位未必係11月頂, 往後仍會有新高, 11月初會沖上28600再試頂, 到打回頭才尋底, 試完底又再沖頂, 總之就係28100~28600兩頭飆來擴大月波幅, 直至確認方向才會走單邊

有大媽掃貨撐市做後盾, 好友一直咬住28000唔放及50天線, 由得股份大跌來消化沽壓, 指數企定定, 不斷上攻28600, 本來落山屠牛就手D, 但要有利淡催化劑才能成事, 我估就算有利淡消息只能玩偷襲, 失驚無神插水來擴大月波幅, 急跌急彈, 不會在低位徘徊, 因為大媽見插會掃貨

大媽鍾意推高大市出貨, 所以過去10個月恒指每個月都能創新高, 相信11月都唔例外, 會突破28798再創新高, 港股由北水話事, 升幾多都得, 總之見大跌就執定平貨博爆頂

10月俾十九大阿爺維穩盤壓住, 恒指只得1061點月波幅(一般會超過1200點), 所以冇上29000, 但11月就要殺上去啦! 否則唔夠月波幅, 只要上得29000就唔會下穿28000, 因為一般大調整都係少過800點跌幅,

${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$

港股高開低收.單日轉向呈陰燭.惟跌幅不大.反彈在望

2/11 周四恒指收報28518, 跌75點(最多下跌102點, 一度上升49點)

國指收報11598, 跌38點(最多下跌46點, 一度上升37點), 國指小幅跑輸恒指

今日港股跌幅不大, 其實昨日好友已預留回調水位, 今日收跌係正路, 按照慣性走勢, 通常每周最少升2日, 而家只係升左1日, 所以明日會係升市, 會收28438甚至28585樓上, 28438係上周五收市水平, 而28585就係本周一開市位, 只要明天企上面收, 本周就係收陽收升, 好友本周反敗為勝,

淡友任務就係要在28600及28720攔路, 隊番大市落去20天線, 如果俾大市企穩28600淡友就大鑊, 其實本周港股有好濃的走貨味, 只係升個別權重股, 唔少股份都捱沽, 大市仍在28050~28650困局中, 好淡通殺格

內地股市疲弱, 上証綜指在3400魔咒位捱沽, 上証低開低走, 一跌到尾, 開市位已是全日高位, 全日收報3383, 跌12點(-0.37%), 內銀內險石化雙雄A股平穩, 升跌幅度不大, 但上証下跌就拖累國指走弱, 恒指強勢全靠閱文及納指靚仔谷高騰訊股價

港股雖然高企, 但其實係炒股不炒市, 大鱷冇益人, 唔俾散戶賺錢, 凈係推高騰訊, 整體下跌股份比例高, 入錯股博反彈比死更難受, 本週玩左4日, 大鱷係一面推升一面沽貨獲利, 睇下各板塊表現, 跌多升少, 散戶搵食艱難, 內銀內房跌幅最大, 匯控沽壓亦大, 拖低大市,

今年牛市見過好多次呢種大市跌唔落, 下跌股份多過上升股份, 只係靠幾隻權重股推升的怪現象, 投資者跟紅頂白, 做成強者愈強, 呆股冇人吼, 但往後大市卻不斷創新高

英倫銀行宣布加息4分1厘, 點解匯控反而捱沽? 可能係因為英鎊走弱拖低匯控股價, 內銀及匯控公布業績後有散水味, 全靠大媽掃內銀護盤, 否則港股就死得

今日大鱷冇食熊掌, 佢話好肚餓, 28300牛 VS 28650 熊, 大鱷流晒口水, 月初好淡通殺都得, 一係磨下等養肥牛熊才吃, 一係上攻28650先屠熊, 等牛牛上移就殺得, 回顧10月開餐模式係先上攻屠熊, 企硬唔俾跌, 待養肥牛牛, 跟住失驚無神掉頭急插, 肥牛一鋪清袋, 食飽又走番上去繼續屠熊, 好淡通殺, 橋唔怕舊

${#icono_72}$ ${#icono_64}$ ${#icono_64}$ ${#icono_72}$ ${#icono_64}$ ${#icono_64}$ ${#icono_72}$ ${#icono_64}$ ${#icono_64}$ ${#icono_72}$ ${#icono_64}$ ${#icono_64}$ ${#icono_72}$ ${#icono_64}$ ${#icono_64}$ ${#icono_72}$ ${#icono_64}$ ${#icono_64}$ ${#icono_72}$ ${#icono_64}$ ${#icono_64}$ ${#icono_72}$

恒指強勢上企28600大關.惟國指走弱拖低大市

3/11 周五恒指收報28603, 升85點(最多上升143點)

國指收報11602, 升4點(最多上升59點, 一度下跌9點), 國指大幅跑輸恒指

收市U盤俾淡友隊番落去, 港股收窄升幅, 已是連續5日收市U盤壓低收, 淡友本周日日臨尾出招, 下星期一開每周新局, 又到了好淡大鱷爭奪主導權的日子, 淡友要在28600及28720攔路, 而好友就要守住28100, 一般來說, 港股推升主力要靠騰訊.匯控.內銀.內險.地產.中移, 而家瓣瓣都捱沽, 內銀.匯控業績後沽壓大得不尋常, 凈係得騰訊撐市, 所以大鱷連油股都出動托市

港股全日成交金額大幅縮減至$889億(當中IPO及配股合共$62億), 成交急降係大龍鳳先兆, 下周又要坐過山車喇! 港股升市但跌股多過升股, 美元上升, 人民幣急跌222點子, 下周要綁好安全帶

睇見昨日強爆的中石油今日逆市下跌就知大媽冇掃貨啦! 大媽今日冇掃港交所, 港交所當堂冇晒力, 今日大媽又縮手呀! 港股通（滬）資金凈流入只得¥11.83億, 總成交金額急降, 係唔係利淡訊號? 大媽可能想等低位才吸平貨

港股V型反彈.國指沽壓沉重拖低大市.試完底再沖頂.向28800進發

6/11 周一恒指收報28596, 跌6點(最多下跌466點, 一度上升47點)

國指收報11524, 跌77點(最多下跌236點), 國指大幅跑輸恒指