19/4 好淡通殺

港股繼續好淡通殺.高開高走呈陽燭.連升兩日.牛熊命危

19/4 周四恒指收報30708, 升424點(最多上升477點), 收復10.20.100天線

國指收報12239, 升253點(最多上升267點), 收復10.20天線, 國指大幅跑贏恒指

史哥早前預測本周恒指會收陰, 即係代表明日會收30849/30808樓下, 今日收30708, 即係向上會限制了升幅, 而向下明日好友底線就係今日低位30451, 就睇今日高低位30451~30761會爆哪邊, 今日港股係底頂上移, 如明日破底就唔對路, 睇大鱷近日的慣性手法, 多數係閃上去突破高位秒殺熊熊, 然後碌番落黎關鍵位點穴養牛熊, 30400超貼價BB牛是後市隱憂, 一般來說, 如向上50天線及30800關鍵位受阻, 就會掉頭向下

港股雖然連升兩日, 但其實利淡消息一浪接一浪, 加上大媽不斷沽貨撤退, 北水持續流走, 降準偉哥藥力已消失, 貿易戰, 美債息及港拆息齊升, 港股跌市成交大, 升市成交縮, 火車頭QQ早已轉弱, 頻頻彈散, 31000樓上係樂觀區, 就算夾硬衝上去想企穩亦殊不容易,

明日係周五要畫周線, 如果收低些, 就可降低下周收升的難度, 由於本周一二大跌, 代表本周由淡友主導, 明日會在30800攔路, 如果好友唔想低位結算, 又想慳子彈, 下個星期結算周才上攻都得,

照計好友明日都唔想夾硬推升, 否則要花好多子彈才能托到下周五結算, 今日港股走勢跟足上証, 即係明日港股表現跟阿爺, 如上証又跌過, 受AH差價牽引, 港股多數跟跌

~~~~~~~~~~~~~~~~~~~~~~~~~

周末沽壓效應+穀雨變盤

今日港股雖然爆升, 但大市卻出現利淡訊號, 美國10年債息升, 所以地產股上升乏力, 通常地產板塊強港股才會好, 資源商品股爆升, 推動國指走強, 但升勢過急, 估計明日獲利回吐壓力會大增, 其實過去兩個月大鱷大媽大户基金派貨手影明顯，十個散户九個艇, 入市意欲低, 會削弱港股向上動力, 我仍然覺得呢兩日港股急升係受淡友補空倉的買盤所推動

我覺得港股急升暴跌都係為了追殺牛熊, 一有消息就狂插或爆升, 根本不是真的方向, 大鱷往往係趙完鬆, 見升追入買上又死, 見跌追沽都要死

明日會有周末沽壓效應, 利淡, 亦係內地股指期貨結算, 睇今日上証午後急回, 代表內地淡友已出手, 想推低結算，相信明日內地股市沽壓會持續, 收跌機會大, 會拖低港股, 其實今日尾市大鱷係趁內地收市博大霧推高港股, 內銀內險A升幅不大, 但H卻爆升, 夾硬來, 呢種升勢通常翌日會嘔, 假的真不了

受上証午後落山拖累, 今日港股尾市由高位急回二百幾點, 不過一落到30500附近即急彈, 好友拿拿臨掃番上去, 尾市及U盤再博大霧伸多一腳上去, 大升424點近高位收, 好友都知周五好危, 想踢上去預留明日回調水位

我曾經講過呢兩個星期跌市日數會增加, 以每周升跌日數來看, 下周起碼會有兩日收跌, 明日最好收跌, 本周跌3日就符合劇本, 港股仲有5日才結算, 唔好見升市就心紅, 未來幾天唔似日日都收升, 測市指標利淡，估計震盪未完, 要消化沽壓才夠力上, 否則夾硬扯上去多數冇好下場

淡友要留意: 好友本周日日都係收市U盤博大霧踢高, 由於50天線屢攻不下, 好友可能係等50天線30724下移, 目的係想降低上企50天線的門檻, 4月初50天線在31200附近, 而家一路碌緊落黎

好友要留意: 大媽今日又趁彈高走貨, 會拖低大市, QQ沽空大鱷食胡未呢? 亦是港股後市隱憂, 貿易戰其實愈演愈烈, 只係市場扮睇唔到, 隨時又會拎番出來炒殺跌, 急升亦會急跌, 消息面利淡, 好難企穩高位，受貿易戰影響的股份有托沽散水味

~~~~~~~~~~~~~~~~~~~~~~~~~

升勢過急.獲利沽壓湧現

受阿爺出招刺激, 港股彈高, 觸底反彈初期係猶豫期, 唔信的做淡, 結果今日被挾屎, 殺左1285張熊, 不過升埋今日已經由低位彈左約800點, 獲利沽壓隨即湧現, 50天線見阻力, 加上未到結算, 牛牛大幅上移至30400附近, 大鱷食完熊熊落番去食埋近牛都得, 大鱷係唔會一路走單邊俾散戶捉到路, 會係飛天遁地, 牛熊都要死

平保近日H股較A股有溢價係好少見, 因而限制了升幅, 因為H股有溢價係不合理, 平安好醫生招股來了, 下周一招股, 大行要為ipo穩住大市, 所以守住30000大關拗腰上30500, 恒指剛受制於50天線, 不過已上企100天線30626, 呢個就係明日好淡角力的水平, 如失守100天線, 淡友勝

貿易戰已打傷了中資股, 恒指雖然收復100天線, 但國指連100天線都未收復, 會拉住恒指後腿, 可能係市場對上証能否企穩3100仍有戒心, 今日收3117, 升26點, 已連升兩日喇! 係時候回吐喇! 本周埋單上証係跌, 所以港股本周收跌機會大

習大大效應炒左兩日就腳軟, 降準亦已經炒左兩日喇! 偉哥藥效已消退, 即係明日會回軟, 而家股民多數短炒, 一彈就食胡, 好難一路買上去, 除非好似史哥同時持有牛熊, 否則牛熊過夜都係好高危, 大鱷玩裂口急升暴跌來殺牛熊, 根本冇得走, 炒即市快閃安全些

今個月好友想收升的話, 30/4現貨就要收30093樓上, 而4月份恒指期貨大户加權平均開倉水平在30384, 係好淡大鱷的打交位

~~~~~~~~~~~~~~~~~~~~~~~~~

重上10及20天線.受制於50天線

明日轉節氣穀雨, 預示有大變, 又係大波日, 如大跌就有可能又轉向, 下周二破日, 下周五期指結算, 當天港股通暫停, 好友淡友都要小心, 大鱷係29979~31094玩緊好淡通殺,

下周有建行、工行及平保等多隻重磅國企公布首季業績

今日恒指高見30761, 殺左1285張相對期指對沖張數熊證, 散戶遠牛食胡換近牛, 300點內貼價熊飛撲入市博大市回吐, 其實500點內牛熊都係高危, 月尾追數港股可以飛天遁地, 呢兩日港股急升就係為了屠熊, 逼空倉買盤推動港股向上, 未必係有新資金入市

本來弱雞的港匯突然急彈, 回升至7.844, 為一個月高位, 亦是一個月以來最大單日升幅, 近期港匯處於7.85附近，多次觸發弱方兌換保證，金管局自上周四起已13次入市，累計買入513億港元, 咦))) 港匯早上彈高, 港股亦彈高, 有冇咁巧合呀!

~~~~~~~~~~~~~~~~~~~~~~

大媽趁港股反彈沽貨鬆人

滬大媽早市掃貨吸油股, 但午後縮手, 走內銀.舜宇.瑞聲科技, 要留意大媽係撩高港股鬆人, 即係代表大媽並不看好後市, 試想想, 假如降準係真的利好, 為何大媽走最受惠的內銀? 早前我曾說有兩間大行睇今年目標係30350~31100, 或許代表升穿呢個水平就係虛火, 對後市不應過份樂觀, 大鱷都係炒上落市

港股通（滬）2018-04-19
賣出  瑞聲科技.建設銀行.工商銀行.融創中國.舜宇光學科技
買入  中芯國際.騰訊控股.華虹半導體.中國石油股份.蒙牛乳業

港股通（深）2018-04-19
賣出  中芯國際.華虹半導體.金斯瑞生物科技
買入  騰訊控股.碧桂園.金蝶國際.中銀香港.舜宇光學科技.中國石油股份