刼匪才疏
2008/03/02 01:21:32
網誌分類:
時事
今早讀一段新聞, 真係好鬼好笑, 有位地盤工, 又爛賭, 又輸錢(爛賭唔緊要, 嬴就無所謂!)欠下一屁股債o仲係大耳窿個隻!被大耳窿追到走投無路, 於是把心一橫, 走去中環桓生銀行總行打刼!
好笑的情節是, 此君本意遞紙仔打刼, 以避人耳目o可惜的是, 個 刼 字太深, 唔識寫o只好寫白字, 打甲!
但如此一來, 銀行職員睇唔明(明都扮儍啦!)問佢想點?要佢再寫一張!呢位刼匪哥哥又認真合作噃!寫住打X, 要五十万!(刼字又唔識, 始終都冇計也!)
櫃員哥哥又唔明!激到刼匪哥哥大聲講!打刼呀!
誰料仲搞笑, 櫃員哥哥可能見佢又冇炸彈, 又冇乜殺傷性武器, 居然叫佢稍等o(佢又合作噃!)
刼匪哥哥又聽佢點, 等佢按動警鐘, 揾差人包圍銀行, 自然將刼匪手到拿來也!
相信此事如果電視新聞有報導, D亞媽睇倒, 一定會咁教D仔女, 衰嘢!唔俾心機讀書o第二時真係打刼都唔識呀!
此事令黃SIR樂上半天, 原來識得字多, 打刼都叻過人, 似乎黃SIR好容易就天下無敵也!
嘻嘻!
三十年前,有一笨賊,入屋行劫,放刀在床,双手從事主手中接饯,结果被搶刀剌死