29/6~4/7 死貓彈完續尋底

2018/06/29 21:46:33 網誌分類: 經濟
29 Jun

期指結算後港股報復式反彈.低開高收.單日轉向呈大陽燭.惟受制於29000

29/6 周五恒指收報28955, 升457點(最多上升465點, 一度下跌33點~競價開市位), 連升兩日

國指收報11073, 升204點(最多上升216點, 一度下跌16點), 國指大幅跑贏恒指

世界盃股災

大摩:「我們正在走向徹頭徹尾的熊市。」「這是一個危險的市場。」

期待已久的技術性反彈終於來臨, 今日急升令港股超賣情況紓緩, 不過港股已進入熊市, 無論點彈, 大趨勢都係向下走, 今日反彈亦受制於29000整數關口, 港股沽壓大, 未見底前好難連升多日, 恒指已經連升兩日夠皮喇!

牛熊已養肥, 在屠殺範圍內, 熊熊下移至29200水平(約500張), 牛牛增肥(遠牛上移至28000樓上), 最肥牛牛在27800~28150(約3900張), 從牛熊分布來看, 而家最肥就係28000附近的牛扒, 按照慣性走勢大市會向最重倉區進發, 即係下周港股會碌落山屠牛

假期前後例牌大龍鳳, 今日已應驗, 下周一港股七一回歸假期休市, 內地股市有市, 禍福難料, 下周二港股復市就要睇阿爺做人, 中港齊齊出招打壓樓市, 港元拆息升, 貿易戰, 內地經濟放緩, 新興市場走資, 大媽撤出股市, 股票下挫抵押風險增, 債務違約, 人民幣持續貶值, 人幣資產遭離棄, 利淡因素多到不得了, 港股跌跌不休步入熊市不無道理,

按照過去3個月的周線慣性走勢, 恒指升1周跌3周, 到目前為止正正是升1周亦跌左3周, 已達標, 即係下周插穿28000再創新低見短底後就有望轉向, 不過由於港股正處於熊市中, 可能唔跟足慣性走勢, 而且今日收28955亦太高, 下周想收升係高難度動作, 假如下周受貿易戰升溫及世界盃例淡拖累大插後全周埋單仍收跌, 就會延後到9~13/7的一周才有轉機

唔好見港股今日彈高就以為見底, 只係技術上出現報復式反彈, 係由多個因素帶動, 基金半年結粉飾儲窗+季結+月結+黑期結算+嚴重超賣, 上証死貓彈升60點收報2847, 中港股市見底頂通常係同步, 如上證見頂回落再破底, 亦會拉住港股落地獄, 要上証見底港股才有望見底, QQ係大鱷操控港股上落的棋子, 見當天QQ強代表大鱷想撐市, 見QQ弱就代表大鱷想隊散港股

7月6日中美正式互徵關稅生效, 必定會惹來避險沽壓, 下周港股只得四日市波動性會加劇, 假期前後例牌大龍鳳, 今日雖然重上28800關鍵大位不過想企穩殊不容易,

每月上旬(未來兩周3~13/7)係創新低的時間窗口, 要插得夠深才會出現轉角, 彈番上去, 淡友低位回補空倉以及企業回購, 價值投資者吸貨, 世界盃尾聲基金經理重新入市炒作, 阿爺出招或出口術撐股匯, 又或者大鱷想屠牛熊震倉, 都會令大市急彈,

大鱷操控港股已到了無法無天的地步, 單日升跌波幅500~1000點是等閒, 大市急速轉向已是常態, 做好做淡都要小心, 昨日港股創新低後今日爆升, 令人有見底的錯覺, 係大鱷的一貫養牛手法, 目的係引博反彈盤進場, 大鱷陰陰嘴笑, 見到28000重倉牛流晒口水

以7月的月波幅來看, 要跌穿6月低位28169才夠月波幅, 28000也不會是底, 要「置諸死地而後生」, 大鱷有個習性, 係會等到關鍵大位有重倉牛熊才會隊穿, 今日港股反彈就養肥了28000附近的牛牛, 令插穿整數關口誘因增加, 要重倉肥牛清場, 逼人止蝕/斬倉, 熊熊下移, 港股才會急彈, 如失守28000, 下一個關鍵大位在27800

牛熊分布係港股指南針, 港股跌下彈下窒窒步, 每次落到關鍵位就拗腰扮跌唔落, 唔想一步到位見大底目的係養牛熊, 令人無所適從企錯邊, 引好友淡友入局, 再擇肥而噬, 在急跌急彈的過程中大鱷就乘機高位派貨及低位收貨, 好淡通殺,

牛市派股民重倉全艇, 散戶變蟹民, 大市跌下彈下散戶以為見底入貨, 接到成手火棒, 當股民的購買力耗盡, 大鱷就會狂隊港股做大底, 到時散戶只能眼光光冇資金低吸, 牛牛受騙入局慘遭屠殺或止蝕收場, 股災市恐慌性拋售沽壓沉重, 未必跟慣性走勢及技術指標

~~~~~~~~~~~~~~~~~~~~~~~~~~~~~~~~~~

死貓彈完再尋底28169.28000.27800....

昨日創今年新低28169, 今日低見28463後拗腰彈番上去, 冇創新低皆因6月已做夠月波幅, 要留番多些波動空間俾7月, 所以大鱷忍忍手留待7月才隊穿28000, 因為點都要插穿28000才夠年波幅, 而家恒指只得約5315點年波幅, 去年都有8316點啦! 就算打個八折都係未見底, 只係大市超賣及基金半年結推動大市作出反彈, 窒礙了下跌步伐, 大方向仍要繼續尋底

一如我日前所說, 上周五(22/6)低見29089後急彈倒升, 大鱷扮跌唔落守住29000來養牛引好友入局, 但一過左周末, 開新局(25/6)即刻大瀉插穿29000, 太陽底下無新事, 本周會不會又係用同一招? 昨日落到28169扮守得住28000引牛入局, 可能係留番下周開7月新局才插穿28000食肥牛大餐

恒指已應驗了「五窮、六絕」的宿命, 港股能否「七翻身」呢?如果跟慣性走勢7月收升的話, 就會係7月上旬創即月新低, 如果7月打破慣性走勢收跌, 就會在7月下旬續創新低, 我傾向睇7月首周大插創新低後拗腰向上, 即係下周會係轉向的時間窗口

轉貼信報財經:統計自1980年至今(共38年)的按月數據,恒指7月份的表現相當不俗,按月平均升幅達2.8%,為一年12個月中第二佳;恒指7月份上升比例亦接近七成,38年內有26年錄得按月升幅

史哥 分析7月波幅區 :

(27108)-27527-(27947)-28379-(28812)-29244-(29677)-30122-(30567)-

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

3~4/7收市~「五窮六絕七翻身」「置諸死地而後生」

我估港股未見底, 會插穿前低位27990/10620, 因為27800~28000有全場最重倉牛,大鱷點會益散户, 要彈都要先屠牛

周二低見27990做了一隻腳, 單腳企唔穩, 起碼要有兩隻腳, 即係要再插穿28000大關創新低, 然後才會急彈上去屠熊

今晚美股獨立日假期休市,今日港股成交急降,喺大龍鳳先兆, 冇左美股制肘, 明日港股自由行, 周四係破底高危日, 希望插多一棍就死貓彈,

淡友要留意本周未升過, 小心又係好似周二(3/7)一插即彈, 大鱷部署牛熊通殺, 周五又彈高

由於28000係技術上的大位, 近日唔少分析都叫28000入貨, 加上世界盃快將完結, 買盤亦會增加, 插落27800低位可能係一瞬即勢, 玩拗腰, 當熊熊下移養肥, 就係港股轉向之時, 即係插多一棍大市就會作出反彈

半年結過後, 中港兩地水緊情況紓緩, 加上呢兩日阿爺出口(出手)維穩股匯, 人民幣守住6.7急彈(市傳阿爺底線係6.9), 大鱷有藉口推高港股, 但估計大鱷會先隊港股落去屠肥牛, 清左場然後才會推升, 要置諸死地而後生, 只要熊熊下移就會拉番大市上去

只要隊穿28000落27800再擴大月及年波幅, 淡友就會陸續食胡, 大市壓力就會紓緩, 就算未見今年大低,但已進入達標範圍, 只要淡友補空倉, 價值投資者趁低吸納, 大鱷低位收夠貨, 大市就會急彈, 因為無論大市抑或個股都嚴重超賣, 會有技術性反彈

恒指好少全周日日升或跌, 跌埋呢幾日周五(6/7)收升機會大增,

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}

5/7周四收市~反彈在望

預期的破底大插果然出現, 港股做了第二隻腳創新低27830又玩拗腰, 收28182, 僅跌59點, 大鱷秒殺1577張肥牛趙完鬆, 牛牛真係死唔眼閉, 港股反彈在望喇!

本周已跌3日, 按照慣性走勢明日反彈機會大, 只要未來三日冇再創新低, 大市見短底就有望上攻28300.28500.28800屠熊, 尋找7月頂部,

最新回應

soho*
soho* 2019/05/20

噢! 開完會已收市了, 請問收市前的[恒指/國指競價]跌幾多點? 競價成交是多少

小絲妹, 你又問港股牛定熊, 早前已答你中美反檯就熊, 和好就牛, 尋頂市買上, 尋底市買落, 要沽貨避險或做淡對沖, 已提醒你港股未見底, 本周會有新低, 近來多次反彈都係做淡或走貨的時機

門師兄, 你隻牛算大命, QQ急瀉, 但大鱷嫌牛唔夠肥, 特登托住大市想磨多一陣, 操控大市的能力真係神級

雞煲, 大鱷做市做到出晒面, 連下跌步伐亦能操控, 去旅行就放鬆下, 不要炒得太密

美味雞煲
美味雞煲 2019/05/20
@soho*...

如翅 😂😂😂 咁都比你諗到 👍🏾 我返香港一定快搵工。不過旅程剛開始的無咁快回港 😂 我有睇市架 分注熊 

元帥去沙漠🏜️ 團啦 另一番景象 👍🏾 我到了新加坡啦 明天岀發去柬蒲寨 😂

祝大家賺多點d 

(友仁) 程長浪子

係唔係好可愛呢?直情係攞你命3000!

大鱷就係咁樣賣萌!搜查一下你就知!

小粉絲
小粉絲 2019/05/19
@soho*...

你係去旅行定負責帶團呢🤔

帥,而家個市係調整市定熊市啊

我搞唔清

我之前的牛打哂靶。。。哈