9~14/8 水星逆行災難月

港股低開高收.單日轉向呈大陽燭.連升4天.大舉屠熊.惟高位沽壓加劇.後市不妙

9/8 周四恒指收報28607, 升248點(最多上升369點, 一度下跌166點)

國指收報11020, 升118點(最多上升168點, 一度下跌111點), 國指跑贏恒指

水星逆行通常係股災高危期 : 26/7 ~ 19/8/2018

大摩:「我們正在走向徹頭徹尾的熊市。」「這是一個危險的市場。」

如QQ見頂.港股見頂

上証飛天, 急升50點, 收2794, 內銀內險資源商品A股急升刺激H股飆升, 推動港股向上, 按照慣性走勢今日港股回吐機會大, 但大鱷未達到目的(例如屠熊)就唔俾跌住, 港股今日低開後一插即彈, 跟住上証愈走愈高,

一如昨日所說, 大鱷最多餓4日就會開餐, 今日果然出手, 高見28728, 大舉屠殺1750張相對期指對沖張數熊證, 秒殺肥熊即回, 趙完鬆, 屠熊任務完成跌得未呢? 明日會有周末沽壓效應, 加上已連升四日, 港股好少全周日日升, 好友要小心, 明日係跌市高危日

大鱷食飽就縮手, 升幅收窄了百多點, 皆因昨日所說的28500~28800熊已死得七七八八, 上攻誘因下降, 28800樓上熊熊唔夠肥，所以今日冇殺上28800關鍵位, 大鱷一向要有肥熊來陪葬才會爆頂, 現階段冇必要再殺上去, 肥牛已上移至28200附近, 不要凈係向上望, 樓下牛牛愈養愈肥, 大鱷流晒口水

上次低見27745反彈上29083, 升幅1338點, 今次低見27578反彈上28728, 升幅已有1150點, 估計阿爺救市偉哥藥效會愈來愈弱, 照計反彈幅度會不及上次, 今次四連升已平了過去兩個月最多升4天的記錄(未試過5連升), 加上肥熊已死, 小心大市會掉頭落山屠牛

今年二月起試過兩次夾硬升6天之後就嘔到七彩, 何解? 連升後貼價牛必定會上移, 所以大鱷上山食飽肥熊就落山屠牛囉! 要密切留意牛熊分佈就知何時轉向

大鱷真係賤到冇朋友, 殺人不見血, 好友淡友都輸到趴街, 上周港股跌足全周殺好友, 本周剛好相反連升4日殺淡友, 居安思危, 日日跌後就會急彈, 日日升後就會嘔, 大鱷玩緊好淡通殺, 無論升跌, 都係急升或急跌扯住去, 唔俾企錯邊的股民逃生, 所以一轉向就好得人驚, 裂口抽升插水, 屠殺牛熊就會趙完鬆, 要做好兩手準備, 大鱷唔會俾股民捉到路,

~~~~~~~~~~~~~~~~~~~~~~~~

前頂28772受阻而回

試完底果然再沖頂, 前頂在28772, 今日高位28728, 一如日前所說, 觸底反彈閒閒地都有千點(27578+1000=28578), 今日已到位, 能否更上一層樓, 就要睇上証能否上破2815/2850/2915喇! 國指阻力在11150, 如無法上破, 就要結束反彈浪, 落去再尋底喇!

中港兩地股市通常係同步見底頂, 今日上証高見2801(港股高見28728/11069), 如果上証受阻而回, 港股亦要掉頭, 港股連日急升, 期指未平倉淨數 (NOI)卻連日大手減倉, 小心係好友食胡, 留意升市火車頭QQ, 當QQ見頂, 港股就要落山,

貿易戰下中國經濟增長放緩是不爭的事實, 權重股內銀升勢能否持續亦成疑問, 今晚美元急升沖上95.5, 利淡明日人民幣表現, 匯市起風雲, 會拖低港股

昨日港股跌唔落已知本周由好友主導(小心下周輪到淡友反擊), 呢幾日好友手影明顯, 對好消息反應非常大, 對壞消息就扮睇唔到, 大媽大手掃貨係港股升市的動力, 要留意大媽手影, 大媽餐餐都係撩高沽貨走鬼, 本來看淡本周的燈神經仔通梁蛇見升就轉口風唱好, 今日叫勿做淡, 相反指標就係利淡訊號

唔好見升就凈係向上望, 貿易戰及加息陰霾其實利淡, 今日表面上係升市, 但卻見出貨手影, 長和.新地.恒地逆市下跌, 指標股有見頂味唔係好現象, 反映高位有獲利盤出籠,

本地多家銀行昨晚(8/8)起陸續宣布下周一(13/8)起將新造按揭息率由2.25%上調10個基點至2.35%, 大摩認為H 按(與本港同業拆息掛勾)上調意義重大, 因為它取消過去10年中2.25%的抵押貸款利率上限, 大摩預計P 按(與最優惠利率掛勾)將會隨著下一次美聯儲加息而上調, 到時就會影響所有持按揭的市民, 會削弱市場情緒

貿易戰沒完沒了, 利淡中港股市, 北水操控港股極嚴重, 有基金經理表示對港股心淡, 會趁反彈減磅, 加碼炒美股, 連基金經理都撤退, 港股彈散容易彈高難

~~~~~~~~~~~~~~~~~~~~~~~

水星逆行(26/7 ~ 19/8)危機重重

金融市場有暗湧, 土耳其金融市場出現震盪, 貨幣里拉再創新低, 國債及銀行債市亦急速下滑, 水星逆行尚有一星期, 危機未完, 貿易戰壞消息頻傳, 唔好見連升就對後市過份樂觀

2018年水星逆行(26/7 ~ 19/8)危機重重, 恒指創新低27578, 由29/1高位33484回吐至2/8低位27578, 年波幅5906點, 仍未達標(2017年波幅8316點, 就算打個八折今年都未見大底啦!), 即係未見底, 大方向要落27500.27300.27000.26800.26500....

港股走勢非常被動, 跟住上証及人民幣飛天遁地, 升跌都不可盡信(請重溫18/7困局待變網誌, 留意大鱷早前在30000~31000炒波幅及玩爆時是操控大市的手法)

按照慣性走勢, 連升後會插水, 連跌後會彈高, 上周連跌, 預示本周恒指會反彈高收, 但過去5個月都係升一周就會再跌過, 即係6~10/8全周埋單收升, 但13~17/8全周埋單就收跌, 14/8破日, 15/8 QQ公佈業績, 都係高危日子, 小心當山上的肥熊陣亡, 牛牛上移, 就係見頂之時, 港股到時就會突然大跌

恒指到目前為止高低位27578~28772, 往後一定要爆邊才夠月波幅, 一係兩邊都爆, 亦可以爆單邊, 升穿28772或跌穿27578, 港股雖然連日上升, 但其實有暗湧, 唔少股份都係一彈就惹來沽壓, 熊市沽壓不容忽視

港股去年的大牛市在今年1月見頂33484後步入熊市, 量度跌幅可見27676水平, 2/8低見27578已到第一個目標, 理應有淡友食胡, 因為若以黃金比率去計算, 調整0.382目標為27676, 調整0.5目標為25881, 3/8剛好收27676, 絕不會是巧合

阿爺出手只能暫時穩住人民幣, 但人民幣貶值趨勢已形成, 人幣資產遭離棄, 走資拖累中港股市表現, 熊市未災完

大媽勁聰明, 唔鍾意賤價而沽, 所以並非單邊沽出, 係撩高才走貨, 常見即市大媽愛股急升, 其實大媽係暗地裡出貨, 每當見到股份無啦啦飛天, 多數係大媽所為, 大鱷大媽合謀操控港股已到了無法無天的地步, 唔好以為大媽掃貨就係看好後市,

股市和經濟表現密不可分, 美國經濟強勁, 企業前景好業績佳, 美元強勢, 資金流入美國, 美股插完都識得彈, 餐餐都死唔去, 中國經濟增長放緩, 貿易戰下企業前景及業績不妙, 人民幣弱雞, 一彈即散, 資金流走, 中港股市頂部下移, 屢創新低不無道理

港股結束四連升, 恒指高開低收.單日轉向, 10及20天線危危乎, 沖完頂再試底

10/8 周五恒指收報28366, 跌240點(最多下跌310點, 一度上升58點)

國指收報10943, 跌76點(最多下跌106點, 一度上升57點), 國指跑贏恒指

匯市起風雲.新興市場貨幣貶值.資金湧入美元避險.金融市場大幅波動

全周計恒指累升690點, 點升上黎就點落番去, 連跌斷纜利好(其後連升4天), 連升斷纜利淡(下周就要嘔), 「烏雲蓋頂」港股四連升已畫上句號, 沽壓仍未除, 本周恒指收升, 下周就危，因為過去幾個月只會升一周又會再跌過，27500~28200有逾三千隻肥熊, 當中最肥牛在27800~28200

有消息稱歐央行負責歐元區銀行監管的機構對土耳奇的風險敞口表示憂慮, 老美賤種统大幅加土耳奇關稅，土耳奇里拉大瀉兩成，今年累計下跌四成，美國對土耳其和俄羅斯強硬的外交政策，引發土耳其里拉和俄羅斯盧布重挫, 英鎊連日下挫, 跌勢未止, 歐元急跌, 推動美元大漲0.5%上破96關口, 創13個月新高, 有災味呀!

匯市波動好友縮, 都話咗一過夜就變天, 昨日港股力撐唔俾跌, 人人見強都向上望, 今日一開波就插, 大鱷擺明係玩好淡通殺, 昨日已提醒大家QQ見頂等如港股見頂,

去年大媽狂掃港股, 今年大媽食胡, 狂沽港股, 港股通(滬深)頻頻出現資金凈流出, 大媽密密沽出QQ, 去年北水湧港係23000水平, 所以大媽於現水平走貨仍有利可圖, QQ當時係$200, 近日在$360穿梭, QQ暴跌除了是為了操控大市上落外, 其中一個原因係大鱷想殺QQ好倉, QQ彈高, 當然亦係為了殺淡倉, 食飽又會再插過, 15/8 QQ將會公佈業績, 下周又要再插過

以過去兩個月恒指閒閒地都有800~1300點周波幅來看, 28200樓下牛牛命危(27500~28200有超過3000張肥牛), 前底在27578呀!

恒指自從創新低27578, VHSI恒指恐慌指數連日下跌, 港股就日日升, 但昨日沖頂回落, 今日VHSI恒指恐慌指數就急升, 驚驚喇! 試完底再沖頂，低見27578彈上28728(前頂28772) ，沖完頂就要再試底, 28000危矣!

一如我時常所說, 而家大鱷將恒指困在28000~29000就好似以前係30000~31000, 溫水煮蛙式派貨, 不斷急升急跌, 升跌都似層層, 作勢爆邊, 失驚無神轉向, 一插穿28000食飽肥牛就急彈, 但最終都係在主區間來游走, 大鱷就可好淡通殺, 貼價牛熊全部陣亡, 而遠牛熊就頻頻嚇到止蝕收場, 大鱷就賺到笑, 大媽神經刀以及A股無啦啦升跌都令股民無所適從企錯邊, 裂口抽升殺跌根本冇得走, 散戶真係少做少錯, 就算睇中方向, 如果手腳慢都要輸,

~~~~~~~~~~~~~~~~~~~~~~~~~~~~~~~~

部署下殺屠牛.向前底27578進發

美股高企, 納斯達克指數連升8日, 創10個月最長升勢, 連升就會嘔, 小心會作出調整, 就會拖低港股, 昨日上証高見2801, 今日高見2806, 但港股卻無法跟隨上証突破昨日高位, 反映28800關前沽壓大增, 熊市一衝上去打開逃生門就雞飛狗走,

上証綜指早市下跌, 午後觸底反彈, 收復所有失地平收, 報2795, 升0.93點, 但一向跟上證的港股午後卻一直在低位徘徊, 冇跟上証走高, 反映港股沽壓沉重,

土耳其金融危機，避險情緒升溫下引發新興市場出現走資潮，拖累人民幣.A股以及港股大幅下跌，老外午後加速沽出A股, 而大媽亦大手沽出港股, 人民幣重拾跌勢, 中港股市同步受壓, 一睇呢個格局就知匯市出事, 連升4日的人民幣反艇，在岸人民幣挫291點子, 日盤收報6.8574兌1美元,

今日港股走勢係頂部下移收陰燭, 港股昨日殺到去28800關口, 燈神竟然叫唔好做淡, 真係燈得好緊要, 上周明明看淡本周，見大升就轉口風唱好，大佬! 由低位彈左1150點喇! 元帥都話左連升之後就會嘔咖啦! 慣性走勢要信噢! 一如昨日所說, 長和.新地昨日已率先見頂回落, 港交所$233.友邦$70亦打回頭, 指標股真係有啟示作用咖!

美國十一月中期選舉前特朗普繼續搞風搞雨, 賤美狂人定立損人利己的稅制，打壓別國來推動美國經濟，覇權主義，恃強凌弱，元帥會繼續日日詛咒賤美狂人不得善終，杏 + 橙

公布業績: 舜宇光學(13/8), 騰訊(15/8), 平安(21/8), 小米.瑞聲(22/8), 友邦(24/8)

尋底屠牛之旅.向前底27578進發.如插穿27500.向下無險可守

13/8周一收市~連跌兩天失守10.20天線及28000.大舉屠牛.27800危危乎

今日港股尾市點穴橫行擺明係養牛熊, 皆因插到落27823水平1568張肥牛已陣亡, 27800係關鍵大位, 所以大鱷特登扮守得住來養牛引好友入局, 留番明日才隊穿, 午後將推番上去, 等養肥27800樓下牛牛才出手下殺, 午後急彈收窄跌幅亦可震走熊熊,

結果呢? 貼價牛熊都增肥, 遠熊食胡/震出局.遠牛嚇到走鬼, 27500~27823有肥牛約1600張, 具吸引力, 前底在27578, 大鱷亦可屠牛後畫雙底拗腰彈番上去來引牛入局, 好友必需要守住27500，如果連27500都隊穿或會有程式沽盤進一步拖低大市, 向27000.26500進發,

熊熊大幅下移至28100水平, 今日收27936, 高低位27823~28085, 往後可能兩邊都爆, 因為兩面都有牛熊, 以短線來看, 牛牛較肥亦較貼價, 先下殺機會大, 亦有可能秒殺肥牛即彈趙完鬆, 如殺牛後不彈就大鑊, 今日高位28085已見周頂的話, 就要插穿27500來進一步擴大周波幅

而家係消息市.政治市.大媽市.阿爺市, 一個消息足可以令港股飛天遁地, 做好做淡都要死, 離場必勝, 如手痕入市就要做快閃黨, 變盤太快, 回顧上周升到彭彭聲, 跌兩日就嘔得七七八八, 仍未有見底跡象, 港股往往係連升或連跌幾日就變臉, 牛熊好倉淡倉手腳慢都要死,

~~~~~~~~~~~~~~~~~~~~~~~~~~~~~~~~

淡友要留意今日國指力守10700(前底10636), 只要國指不破底, 就可撐住恒指, 如國指穿底, 就會拉住港股落地獄, 要睇住上証做人, 由於本周恒指波幅未達標, 即係要隊穿今日低位27823來擴大周波幅, 下一站27578.27500

大鱷大媽操控港股如入無人之境, 今日恒指大幅低開409點暗殺肥牛, 好友企錯邊即死, 裂口下插根本冇得走, 挾屎左好友午後就由低位急彈262點, 如此一來, 就可以賣貴牛部署日後的殺戮, 以及震走信心不足的熊, 舜宇業績差明日冇眼睇, 高估值股洗緊倉, QQ見頂回落, 後日公佈業績前沽壓加劇, QQ死就會推港股落地獄

早市高見28010後掉頭急跌見27831, 午後跌幅略為擴大創即市低位27823後急彈創即市高位28085, 全日不斷急跌急彈, 皆因即市波幅未達標, 大鱷唔夠水位轉身, 以閒閒地都又300點即市波幅來看, 上午恒指只得179波幅太少了, 午後夾硬舞高弄低, 波幅擴大至262點,

睇見大鱷操控港股的能力, 簡直係神級, 即市跌下彈下引股民企錯邊, 不斷蠶食股民的血汗錢, 早前藥股反艇, 今日輪到教育股洗倉暴跌, 大媽.基金經理爭相走鬼, 熊市對利淡消息有強烈反應, 對好消息冇反應, 又或者一彈即惹來沽壓,

早前曾經講過有分析指熊市起碼衰一年, 1月牛市見頂, 熊市正在運行中, 即係港股仲有排衰, 燈神經仔通梁蛇本來看好8月, 但7月由只得約6%貨, 密密追貨買到四成半持倉見中伏已經唔敢再掃貨, 反映識睇倉位/技術分析的一級高手都俾大鱷騙左入局接了火棒, 全民皆艇, 連基金經理都心淡, 港股真係死得

破日港股高開低收單日轉向呈陰燭.連跌3天.恒指創新低大舉屠牛.27500危危乎

14/8 周二恒指收報27753, 跌183點(最多下跌414點, 一度上升10點)

國指收報10744, 跌22點(最多下跌129點, 一度上升36點~競價開市位), 國指大幅跑贏恒指

底頂下移落地獄.利用國指托住指數洗倉.急跌急彈收窄跌幅.養牛引好友入局

港股破位而下, 皆因QQ公佈業績前大媽大手狂沽, 拖累恒指創新低見27522(前底27578), 秒殺1480張相對期指對沖張數牛證即彈, 收27753, 大鱷利用國指托市, 扮守得住27500果然引左大量牛牛飛撲入市, 27000~27500有六串超肥牛, 大鱷流晒口水, 28200樓上熊熊大舉食胡, 牛肥熊瘦, 牛近熊遠, 想開大餐就要繼續落山, 如跌穿27500就會引發程式沽盤, 大市就會急瀉, 今日公用板塊逆市大成交爆升, 反映資金泊入避險, 後市不妙

今日收市跌幅不大只係假象, 其實唔少股份都插水, 有災味, 科技及手機設備股洗倉走鬼, 騰訊有隻牛證收回價在$341.88, 今日低見$341.8剛剛好秒殺肥牛(尾市見彈上去牛牛欲哭無淚), 收$348.6, 挫$12.4(-3.4%), 真係好得人驚, 分明係睇住黎食, 明日QQ公佈業績前投資者爭相沽貨避險, 拖累QQ大成交急瀉, 未見過單日有這麼多大手成交, 洗倉格呀! QQ未見底, 港股冇運行, 大鱷操控大市上落, 每次落到關鍵大位就窒一窒, 震熊養牛, 扮跌唔落引好友入局, 翌日又插過

狂人攪屎棍引發股災, 央行出手但藥效不大, 土耳奇央行推出一系列救市措施刺激里拉急彈, 印度央行亦干預匯市穩定盧比, 南非蘭特亦反彈, 但美元強爆沖破96.5, 人民幣下跌, 新興市場走資, 港元再次觸及7.85弱方兌換保證水平, 要金管局出手, 人民幣資產遭拋售, 屋漏更兼逢夜雨, 今日公佈的內地經濟數據唔靚, 亦令沽壓加劇, 老外沽A股, 大媽沽港股, 真係有災味, 唔好估底,

熊縱處處, 恒指底頂下移, 失守27500.27300, 向26800進發

港股洗倉股災式急瀉.低開低收呈大陰燭.連跌4天創今年新低.大舉屠牛.形勢進一步惡化

15/8 周三恒指收報27323, 大跌429點(最多下跌504點)

國指收報10535, 大跌209點(最多下跌263點), 國指跑輸恒指

去年大媽牛市股 joy, QQ領漲, 今年大媽熊市股災, QQ領跌, 點升上黎就點落番去, 出得黎行, 遲早要還, 特朗普+大媽+大鱷做了這麼多陰質事, 必定會不得善終