丹爺邊拍邊畀意見 《大師兄》新演員瞓身演出
2018/08/13 04:12:32 網誌分類: 生活
闞導演表示《大師兄》是一套校園動作片，故事講述由甄子丹飾演的新任老師陳俠要教導一班品行頑劣的學生，結果他運用「非常」教學手法，化解每位學生的問題。導演坦言丹爺落力演出外，也給予很多寶貴意見。「佢對動作要求好高，好多時都要打得真實，另外佢會睇到邊度唔夠過癮，加番多啲娛樂性落去。」
臨場加打戲
大孖Bruce和細孖Chris在戲中飾演兄弟，在單親家庭長大。他們提到有一場戲是瞓醒起身再擦牙洗面返學，但子丹覺得他們唔夠曳，臨時加了場打架戲，兩人在毫無準備下打得好假，Bruce坦言：「後尾導演叫我哋認真啲，跟住我哋真係打到嬲嬲哋，結果要工作人員分開我哋。」Chris就記得另一場他要打壞人，「雖然開拍前動作導演訓練咗我哋一星期，但嗰場打極都唔好睇，結果甄生教我點打得好睇啲。」
而Gladys在戲中最開心可以飛車，她坦言：「現實中我都好鍾意揸車，今次喺戲入面第一次揸Go Kart車，覺得好爽。」而Gordon則要飾演南亞裔學生，最深刻是在重慶大廈拍攝的一場追逐戲，他憶述：「我阿爸炒黃牛飛喺嗰度交收，當我知道係陳奕迅演唱會就搶走咗，結果佢搵二、三十人去追我攞番，我跑咗半個鐘先拍完，真係好攰！」而導演就讚他們聰明有天份，表現攞滿分。
主持：黃柏高 統籌：林永匡 協力：李佩儀 攝影：袁東亮、謝民光
場地：回到味來（旺角彌敦道594-596號旺角新城3樓） 化妝：Nicole Poon、阿歷
髮型：Perry Yung @ PP IL Colpo 服裝：Sandro (湯君慈、湯君耀)
黃柏高
■（左起）大孖湯君慈、細孖湯君耀、（右起）Gordon、李靖筠和導演闞家偉與Paco暢談拍攝趣事。
■導演闞家偉與甄子丹合作無間，今次在拍戲期間經常交流意見。
■（左起）Gordon、李靖筠、駱明劼、湯君耀和湯君慈在戲中飾演學生。
■甄子丹在片中飾演老師陳俠，以非常方法教學生。
■戲中湯君慈（左）的爸爸成日飲酒，他與弟弟相依為命。
回應 (0)
我要發表
