16~22/8 水逆暴跌創新低殺牛後死貓彈

港股大裂口低開後收窄跌幅呈陽燭.連跌5天創新低.秒殺肥牛趙完鬆, 27000失而復得

16/8 周四恒指收報27100, 跌223點(最多下跌452點~競價開市位, 一度上升82點)

國指收報10479, 跌55點(最多下跌175點, 一度上升69點), 國指大幅跑贏恒指

驚嚇一棍殺牛後部署屠熊.肥牛陣亡.匯市回穩.反彈在望

置諸死地而後生, 港股跌跌不休, 但連日陰燭後終於收陽燭, 露出曙光, 一連四日合共殺左9650張牛牛, 大鱷食埋今日呢口肥牛都夠皮啦! 今個星期未升過呀! 吊頸都要透下氣, 明日係反彈的時間窗口

美元指數強勢在13個月高位附近, 受制於97, 升勢回順, 離岸人民幣一度逼近2017年1月觸及的歷史低位6.9895, 但早市傳出中國商務部副部長王受文應邀率團赴美磋商經貿問題, 亦傳人行限制滬自貿區銀行經 FTU 向境外存款或拆放人幣, 想收緊離岸人民幣流動性, 增加沽空成本, 刺激在岸及離岸人民幣中午收復6.9關口, 在岸人民幣先跌後揚升, 全日升89點子, 日盤收報6.8960兌1美元, 夜盤升勢持續, 穩住人民幣利好港股

以今日人民幣表現, 加上已插到落關鍵大位26787 附近(從1月高位33484調整20%), 已非常接近調整目標, 港股理應有反彈, 開市位26871已是全日低位, 係利好訊號, 大鱷壓住大市在27000邊可能係養牛熊, 因為肥牛已死得七七八八, 26800樓下只得瘦牛, 大插誘因消失, 樓上熊熊就養緊, 當養肥就殺得, 過去幾日港股識跌唔識升皆因當時肥牛未死, 如今重倉牛已上天家, 即係彈得啦! 反正8月上旬已超標食夠半月牛熊交數, 明日可以hea下養牛熊喇! 撩下牙先

QQ業績後大幅波動, 昨日收$336, 今早大幅低開見$320後低見$319後神奇地一支箭彈上$332.6(可能係淡友補空倉, 亦有可能係大鱷想利用QQ守住27000, 大媽亦愛高沽低吸炒波幅), 跟住再碌番落去$322附近(冇跌穿開市位呈陽燭利好), QQ好倉及牛全部陣亡, 大鱷趙完鬆, QQ不愧為大鱷操控港股上落的棋子, 只要明日QQ冇再破底, 就係利好訊號, 大鱷殺完QQ好友就可反手上攻殺淡友

~~~~~~~~~~~~~~~~

疑似見底

港股已連跌5天, 今年恒指試過兩次連跌5天後都有反彈, 明日收升居多, 通常肥牛清左場, 就會削弱下殺誘因, 只要熊熊下移就會扯番大市上去, 今日恒指低見26871, 殺左3225張相對期指對沖張數牛證, 本周連插4天合共屠牛9650張, 真係睇住黎食, 趙完鬆, 正一百佳大鱷

昨日說有5串必吃肥牛在26800~27200, 話口未完今日就歸西, 只餘下一串在26800, 我係大鱷就唔食喇! 以往大鱷都試過刻意食剩一兩串, 目的係令股民覺得跌勢未完走去做淡, 跟住大鱷就踢番大市上去屠熊

大鱷真係賤到冇朋友, 大幅低開452點見26871秒殺肥牛即彈, 由低位拗腰彈534點見27405, 真係神級, 操控港股上落如入無人之境, 食飽肥牛竟然可以大幅反彈534點, 對大鱷來說, 兩三日上落千點係易如反掌, 急跌亦可急彈, 好淡通殺, 牛死熊命危, 牛熊都要死, 股民企錯邊或者轉身慢真係死得,

今日港股創今年新低, 熊熊大舉食胡, 大量牛牛飛撲入市博反彈, 我做淡今日見插穿27000都食胡, 反手買上, 只要有淡友食胡補空倉, 有望推動港股向上, 上望27800.28000, 收市如能上企28000, 就會500點一級向上推進, 不過13/8有下跌裂口在28085~28297, 以及28500.28800都係關鍵阻力大位, 今個月頂部在28772, 阻力非輕, 熊市一浪低於一浪, 如見大反彈就要好好掌握

按照慣性走勢明日會係升市, 但明日港股表現關鍵在大媽的取態以及上証表現, 今日滬深大媽齊齊沽貨走鬼, 滬大媽繼續大手走QQ, 港股通(滬深)都出現大額資金凈流出, 上証連跌4天收2705(低見2672), 跌18點, 成交持續低迷, 中港股市齊創新低, 衰埋一堆, 不過中港股市通常係同步見底頂, 只要上証不破底, 又或者權重A股反彈, 大鱷就有理據推高港股

2018年水星逆行 : 26/7 ~ 19/8, 明日係水星逆行最後一個交易日, 水逆災到水尾, 元帥準備放大假, 封筆喇! 寫埋今個星期水逆啦!

博反彈理據:

恒指低見26871, 月波幅已接近達標範圍(26500~26800), 已有1901點月波幅(7月1337點), 往後只要不收穿向下兩個關鍵位26800.26500,  就會上試27500.27650.27800, 27800係大位, 只要上企27800, 就係上28000的跳板, 呢個係阻力大位, 要試幾次才能上企, 國指10600向上每百點都係阻力, 要A股及人民幣彈高, 才能推國指上11000

今期全世界都睇短線下跌目標係26800~27000水平, 今日低見26871, 已到位, 估計會有淡友食胡, 買盤進場, 觸發技術性反彈

開市即彈, 午後冇再創新低, 反映有買盤入市(可能有淡友補空倉或趁低吸納買盤), 為自上周五開始跌浪以來首度收陽燭，利好

昨晚夜期收大大低水, 今日港股創新低, 今日創新低後日期收小幅低水(即係高水, 因為有大藍籌除息), 夜期收高水, 預示港股明日會作出反彈, 按照慣性走勢, 如明日收升, 下周一續升機會大, 過去幾周恒指係一周升, 一周跌, 本周收跌, 那麼下周就有望收升

QQ業績差但開市彈力驚人, 有古怪, 誰掃貨? 如QQ及上証見底, 港股見底, 當QQ見頂, 港股亦見頂

昨日全城看淡, 心灰意冷, 市場瀰漫恐慌氣氛, 股民清倉冇眼睇, 散戶想買熊來看門口, 呢個係相反指標, 一般來說, 當股民離場.減磅.止蝕.唔敢入市, 大市就會轉勢向上, 再引番死心的股民入場, 大鱷又可以再派貨

如果明日再插, 股民死心, 如此一來, 搵鬼入市接貨咩! 所以要跌下彈下, 來吸引股民入場接火棒, 扮跌唔落就可養牛引好友入局, 如果熊熊下移就可上攻, 升跌由大鱷話事, 總之8月上旬已食夠牛熊交數, 明日唔使開餐, 亦唔使再插, 點穴養下牛熊先, 牛死熊命危

港股開市低位一瞬即逝, 冇在低位徘徊, 係利好訊號，預示明天會反彈

每次跌穿整數關口例彈, 大市超賣, 會有技術性反彈

水星逆行已屆尾聲,  今年港股五連跌例彈, 只要明日反彈收27100樓上, 代表跌勢喘定, 有望展開反彈, 挑戰27500.27650.27800.28000.....

今個星期未升過, 港股好少全周單邊日日升或跌, 不過明日會有周末沽壓效應, 加上明天中美衍生工具結算, 都會限制港股反彈力度, 反正本周港股已確定收大陰燭, 我係好友就會留力, 明日彈少少就算, 下周才反擊

VHSI恒指恐慌指數冇大升(昨日急升今日插水), 收市只係微升, 預示明日港股有望回穩

~~~~~~~~~~~~~~~~

唔少股份都係8月公佈業績, 業績刊發前一個月係董事禁止買賣期, 即係企業見股份大插都冇得回購股份來護盤, 大鱷就係吼準呢個時機隊港股落地獄, 所以過去幾周係黑暗期 , 不過隨著8月下旬股份陸續公佈業績, 企業回購買盤增加, 就有望推動港股向上, 大鱷會順勢推高結算, 殺熊及養牛熊, 部署月尾殺戮

熊市氣氛差, 利好消息瞬即消化, 但壞消息就會發酵及擴大, 會引發骨牌效應, 拖累大市, 趁反彈就要好好掌握, 上次反彈浪升3~4天就掉頭向下, 大鱷通常係玩三幾日轉一轉方向, 唔會益股民搭順風車, 無論做好抑或做淡都要睇位落車, 大鱷鍾意玩好淡通殺, 唔會走單邊俾股民捉到路

新興市場上周走資14億美元, 南非中國走資最多, 港匯弱雞, 洗倉及走資潮未完, 大鱷可能係托沽, 推高權重股來維持市場氣氛, 引股民入市接火棒, 一路推升一路掩護出貨

港股跌親腰骨, 底子脆弱唔嚇得, 一有乜風吹草動就容易彈散, 基金經理都話趁反彈沽出港股加碼炒美股, 因為貿易戰矛頭直指中國, 人民幣弱勢已成, 企業盈利前景欠佳, 要阿爺打救才有活路, AH股互相牽引, 當A股止跌回升, 港股就會跟住上, 當A股見頂, 港股亦要回吐

美元強勢, 資金流入美元資產, 美股下跌餐餐都唔死得, 皆因基金仍看好美股, 見插就趁低吸納, 有調查顯示基金經理美股持倉比例創逾3年最高, 因美國經濟向好, 企業盈利佳, 美股強勢有助穩住全球股市, 不過要慎防港股彈上去基金就沽貨鬆人, 轉炒美股

~~~~~~~~~~~~~~~~

匯控回購及除息結束, 股價會受壓, 除凈價$70.77, 會見阻力, 股份除息後好息之徒通常會走貨, 加上回購完結都利淡股價, 匯控表現欠佳亦會拉住港股後腿

卡塔爾以$150億美元助土耳奇脫困, 法國亦拍心口撐土耳其, 里拉急彈, 匯市回穩, 美元升勢回順, 各國貨幣反彈, 人民幣亦由低位拗腰彈升, 市傳人民幣七算係阿爺底線, 只要人幣反彈, 利好中港股市

上証低見2672, 收2705, 中港股市通常係同步見底頂, 如上証再插穿2700或創新低, 港股就會跟住彈散, 希望阿爺出手護盤

大媽今日大舉走貨, 上証亦係一跌到尾, 如大媽趁反彈沽貨, 或者上証彈唔起, 亦會拖低港股, 因為港股幅即市圖通常係跟足上証

國指反彈阻力在10600(今日收10479), 如上証做好就可推高國指, 人民幣雖然反彈, 但仍處弱勢, 大方向有下行壓力, 貿易戰利淡中資股, 要人民幣回穩才能推高港股, 當人仔彈完, 港股就會腳軟

~~~~~~~~~~~~~~~~

港股反艇都未必死得, 因為大鱷唔鍾意俾股民搭順風車, 通常會係升升下突然插水, 跌跌下突然急升, 唔會俾股民捉到路, 就可好淡通殺, 所以連跌5日明日拗腰收升機會大

重倉牛已死左九成, 下跌誘因降低, 要炒下反彈上去屠熊及派貨，要養肥牛牛才會再插, 以年波幅計, 仍有下跌空間, 但會彈完才會再插, 以往見短底閒閒地都彈1100~1300點, 如果係熊二大反彈, 升幅就更大

恒指過去幾個月係千點一級級落, 溫水煮蛙式派貨, 全民皆艇, 不宜重倉, 已經有人炒股失利跳樓身亡, 離場必勝, 大鱷通常係玩大插跌過籠逼死好友, 當股民止蝕/斬倉, 大鱷低位收夠貨之後, 大市就會拗腰彈高, 輪到逼死淡友, 大鱷收貨愈買愈低, 大鱷沽貨愈沽愈高

中美重啟貿易談判(8月22-23日), 大鱷或會借勢推升, 不過只係低級別官員會議, 不可盲目樂觀, 貿易戰不可能講掂數, 十一月中期選舉前狂人必定會得勢不饒人, 會議前後反而會成為大鱷抽升殺跌的藉口, 股民企錯邊會好大鑊, 無論當天大市有幾強或幾弱, 過夜可以變天,

金兄認為恒指以27100為支持，慢升企穩27350樓上對後市有利，急升反而難持續, 非常同意, 如大幅急升就會惹來沽壓, 所以明日不宜升太多，分開幾日來升仲好, 亦可降低下周收升的難度, 如急升通常都係冇好下場

港股結束5連跌.惟大幅高開後沖高回落.收窄升幅呈陰燭.力守27000

17/8 周五恒指收報27213, 升113點(最多上升350點)

國指收報10513, 升34點(最多上升131點, 一度下跌29點), 國指跑輸恒指

QQ觸底回升.港股跟隨反彈.水星逆行結束利反彈

昨日港股跌到股民死心, 今日果然反彈, 呢個心理指標真係好準, 連跌斷纜利好, 只要阿爺掃貨護盤救市, A股升就可推動港股向上, 美元回軟利好人民幣, 據報美國擬逼中方推高人民幣匯價, 如果阿爺真係抽高人幣, 有助推動中港股市向上, 挑戰阻力27650.27800.28000, 下周有大量成份股份公佈業績, 相關股份會大幅波動

今日港股一如所料收升, 反而覺得好恐怖, 昨日大鱷食夠半月牛熊交數, 今日即刻咬住27000, 進一步反映港股已經完全受大鱷操控, 幾時升跌, 以及升跌幅度, 都係由大鱷話事, 股民根本冇得鬥, 長賭必輸, 小注怡情, 大注會輸死人, 已經有人輸到跳樓, 相信唔少人輸到家破人亡, 只係未有報道, 連阿信屋老細都不幸去世, 會否與股價下跌壓力有關呢? 市場就話有得炒賣盤利好股價

今日港股雖然沖高回落, 收窄升幅呈陰燭, 但冇再創新低, VHSI恒指恐慌指數大跌4.52%, 即係唔驚, 係利好訊號, 下周港股仍有望再上27500/10600, 到反彈受阻而回才會再尋底(要留意牛牛成長情況, 亦要監察熊熊會否下移, 肥熊係推升誘因), 過去一個月恒指周波幅通常有950~1300點, 即係下周一大鱷必定會推上27500樓上來擴大周波幅

市傳政監開會至深夜, 梗係度橋救市啦! 呢幾日可能有淡友食胡或反手買上, 因為港股昨日創新低後今日沽空明顯收斂, 報11.86%, 過去一個月每日沽空都高達12~16%, 夜期雖然收低水, 但當中有大藍籌除息因素, 睇形勢大鱷會推高港股挾淡, 只要逼到淡友回補空倉, 大市就會急升,

上証連跌5日, 至近2015年低位, 創新低收2669, 跌36點, 相信已觸動阿爺神經, 否則不會有開會救市傳聞, 不過由6月以來未試過六連跌, 即係下周一上証反彈機會大, 今日上証創新低但港股竟然唔跟, 全靠大鱷推高QQ力撐大市, QQ止跌回升, 大幅高開後一升到尾, 大漲$11.2(+3.44%)收$337, 所以港股唔使死, 大鱷殺完QQ好友就變臉上攻殺淡友

~~~~~~~~~~~~~~~~~~~~~~~~~

美元下跌.港股止跌回升.底頂上移

美元升勢回順, 日前挑戰97打回頭, 目前在96邊游走, 加上美股急升, 港股借勢反彈, 今日港股底頂上移, 冇再創新低, 如果跟月初插落27578後拗腰的走勢, 下周一就會繼續底頂上移, 向上推進, 升穿今日高位27450/10610,

昨晚美股飛天, 道指爆升396點收25558, 早已在大鱷預測之中, 否則昨日就不會拿拿臨插穿27000落去屠牛趙完鬆, 美股大幅上升好明顯係為了部署今晚高位結算

美國恃強凌弱, 冇皇管, 要等老天爺收佢, 詛咒狂人患絕症, 新興市場立立亂, 狂人一直妒忌中國發展迅速, 眼紅中國牽頭的一帶一路, 以及中國製造2025, 狂人掀起貿易戰打壓中國, 制裁土耳其及俄羅斯, 皆因兩者都係中國的友好國

土耳其受賤美加重制裁威脅, 里拉再度重創, 在半小時內暴跌超過4000點子(暴跌超過7%), 其後跌幅略為收窄至跌4%, 深陷經濟危機的委內瑞拉出現大範圍違約, 委內瑞拉以政府債券代替現金付款

大鱷部署下周先推高後殺跌. 牛熊通殺

聯儲局主席鮑威爾周五於Jackson Hole全球央行年會(周四~六（23~25/8）)演講

周三公佈聯儲局議息會議紀要, 會影響美元表現

中美雙方將於周三及四(22~23/8)在華盛頓舉行貿易談判

美國定於8月23日起對160億美元從中國進口商品徵收關稅

美國貿易代表辦公室表示，擬對2000億美元中國進口商品加征最高25%關稅的聽證會周一 (8月20日)開始， 為期六天，9月初由狂人揭盅

下周踏入藍籌業績高峰期, 未來一星期為友邦及中資金融股業績發佈期, 小心業績股見光死

A股入摩增比重, 下周五(31/8)MSCI 成份股調動, 港股成交會急增

港股連升兩天, 高開高收呈大陽燭, 重上27500/10600, 繼續尋頂, 部署屠熊

20/8 周一恒指收報27598, 升384點(最多上升396點, 一度下跌4點)

國指收報10632, 升118點(最多上升137點, 一度下跌36點), 國指跑輸恒指

水逆結束利上攻.向27800樓上熊區進發

目前匯市形勢有利港股反彈, 特朗普批評美國聯儲局主席鮑威爾繼續加息, 美元受制於97連日下跌, 失守96, 人民幣及內地股市急彈, 阿爺護盤, 推出多項救市措施, 內銀內險資源商品A股全面急升, 往後要升穿今日高位27609/10650來擴大周波幅, 首站阻力在27700/10700

港股能走多遠就要留意QQ.內銀.中移.友邦表現, 港股通常與上証同步見底頂, 只要上証未見頂, 港股升勢未完, 上証企穩2700的話, 恒指就可以守住27000, 如上証再度插穿2700, 港股就危, 今早壓低開目的係畫大陽燭, 今日呢大棍抽升有助穩住市場信心, 逼淡友補空倉, 引買盤進場, 推動港股向上,

過去一個月恒指通常升3~4日就斷纜, 而家只係升左2日, 今日仍未有見頂跡象, 即係升勢未完, 不過全場最重倉牛在26800附近, 會拉住港股後腿, 要殺到去28000屠熊才能抵消了放生肥牛的損失, 要窒窒步升來養肥貼價牛熊以及震走遠牛熊, 養肥熊熊才開餐, 大鱷才能獲得更大利潤, 最大阻力在27800~28000, 係肥熊所在, 當牛牛上移就要小心大鱷食飽肥熊就掉頭屠牛, 大市又插過

港股雖然止跌回升, 但大媽繼續沽貨鬆人, 港股通(滬)已是連續5日錄得資金凈流出, 今個月玩左14日, 只得3天錄得凈流入, 港交所明日除息, 平保公佈業績, 本周係公佈業績高峰期, 業績後企業回購有助推動股份向上, 亦利好市場氣氛

周三公佈聯儲局議息會議紀要, 周五聯儲局主席於全球央行年會上的言論, 周三及四(22~23/8)中美貿易談判都會影響匯市, 美元及人幣強弱係港股升跌關鍵, 所以大鱷想在本周初未出利淡消息前拿拿臨推升, 23/8轉節氣處暑預示有大變, 小心到時大市會轉向殺貼價牛, 當牛牛清左場才再推升, 大鱷時常用呢個劇本, 沖高試水溫掉頭回落, 食一兩口牛, 震完倉再爆升

港股連升3天, 高開高收呈陽燭, 重上27700/10700, 繼續尋頂, 部署屠熊

21/8 周二恒指收報27752, 升154點, 挑戰27800.28000

美元下跌.人幣反彈.好友當道.部署上攻.熊熊命危

杏+橙大鱷大媽操控港股簡直離晒大譜, 上周連續四日大插嚇屎人, 落地獄屠牛及殺好倉, 食夠半月牛熊交數就收手, 跟住連續3日冇開餐, 每次升到關鍵位就窒窒步詐死, 目的係養熊引淡, 怪不得散戶都炒到心淡, 港股升跌由大鱷話事, 分明係造市,

港股繼續底頂上移尋頂格, 加上恒指周波幅未達標, 即係明日會升穿今日高位27771/10768來擴大周波幅, 本來牛熊分佈均衡, 大鱷餓左3日養牛熊, 終於磨到今日變成熊多牛少, 今早港股一度倒跌詐死, 吸引熊熊下移, 今日恒指即市波幅明顯收窄, 係大龍鳳先兆, 美國定於8月23日起對160億美元從中國進口商品徵收關稅, 怪不得國指午後沽壓大增, 9月初貿易戰亦會迎來第二波衝擊

美股牛氣沖天有助穩住全球股市, 淡友時辰到了, 明日熊熊死得, 最貼價熊在27800, 高開裂口暗殺即死, 只要殺到去28000就有1196張肥熊歸西, 上周26900~27500牛已清場, 明日會陸續發行新BB牛, 亦係港股連日上升的原因之一, 因為貼價BB牛未出世, 跌落去冇得開餐, 今日大鱷力守27500代表會挑戰28000, 當明日BB牛出生, 就要小心港股反艇, 即係升埋明日就會斷纜, 周四處暑係跌市高危日

港股能走多遠就要睇上証生唔生性, 留意美元及人幣就知港股後向, 雖然港股連升3日, 但北水繼續流出港股, 大媽走QQ, 一個月銀行同業拆息連升5日至1.45厘, 怪不得本地地產股腳仔軟, 亦壓住恒指

特朗普指聯儲局主席並非他預想的支持低利率政策, 表示對鮑威爾的加息決定感到失望, 暗示後悔俾佢做主席, 消息令美元進一步失守96, 跌至95.5附近, 美元回落刺激疲弱的新興市場貨幣反彈, 大鱷就借勢推高港股, 大鱷要升的話, 阻力位係攔唔住的, 加上阿爺出招救市, 國指率先收復10天線, 預示恒指亦會跟隨挑戰10天線, 不過近來恒指彈3~4日就回吐, 如今已連升3日喇! 所以大鱷窒窒步推升, 目的係吸引熊熊下移來抵消放生遠牛的損失(遠熊食唔到就逼佢地止蝕, 引貼價牛熊入局)

26871(8月低位) + 1000~1200(反彈幅度) = 27871~28071 (本周目標)

如熊二大反彈, 升幅就會超過1500點,

恒指今年自29/1高位33484調整至16/8低位26871, 累積跌幅6613點, 如反彈跌幅三份一上望29075, 但大鱷通常唔會去到盡

27209(周底) + 起碼800點周波幅 = 最低消費 28009--> 上幾高視乎熊熊有幾多

(過去兩個月恒指周波幅800~1300點)

港股連升4天, 高開高收呈陽燭, 上企27800/10800, 大舉屠熊, 挑戰28000

22/8 周三恒指收報27927, 升174點(最多上升202點, 一度下跌173點), 收復10天線

國指收報10850, 升112點(最多上升131點, 一度下跌36點), 收復20天線, 國指大幅跑贏恒指

底頂上移.繼續尋頂.明日處暑.變盤之日.牛熊命危

上周插到落26871創新低殺好友, 肥牛陣亡, 跟住連升4日沖向28000殺淡友, 熊熊歸西, 好友淡友都要死, 大鱷操控港股真係無法無天, 即市震到失暈, 技術指標俾大鱷扭曲, 股民無所適從, 牛熊都腳軟, 頻頻止蝕/止賺, 贏粒糖輸間廠

昨日已預告今日大鱷會屠熊, 今日恒指高見27954, 殺左426張相對期指對沖張數熊證, 大鱷話未夠飽, 28000附近的肥熊才係主菜, 點都要食埋佢, 明日轉節氣處暑, 小心大鱷沖上去秒殺28000肥熊趙完鬆, 今日港股下跌股份明顯增加, 但大鱷繼續推升係因為未食夠肥熊, 亦想高價賣貼價牛出街, 明日係跌市高危日

大鱷真係陰毒, 競價高開見27836暗殺貼價熊才回吐落27579, 熊熊死唔眼閉, 今次升浪明明係要上28000屠熊, 但大鱷玩野, 即市不斷急跌急彈, 擾亂視線, 臨收市才伸多一腳上去屠熊, 由於下星期結算, 本周不宜升得太高, 否則會惹來沽壓, 要留力結算周才發力, 部署高位結算

今日窒窒步升, 大量貼價熊飛撲入市博回吐, 最新牛熊分佈係熊多牛少利上攻, 大鱷途長路遠走左千幾里上山, 不可能吃426張這麼少, 月初反彈浪殺了1750張熊才回吐呀! 即係要食埋28000熊啦! 要食飽熊熊才插得

估計明日沖上去28000就會掉頭, 向下第一站為10天線約在27700, 第二站27500, 輪到牛牛命危, 上周肥牛清場, 今日有大量貼價牛証新登場, 大鱷等左BB牛好耐喇! 準備受死啦! 大鱷這邊廂推高屠熊, 那邊廂就等貼價牛出世, 時辰到了, 今個星期牛熊都要死

早市恒指沖高回落, 全靠國指力撐大市, 惟午後國指已乏力再進, 代表沽壓增加, 不過大鱷就夾硬抽高QQ來推高大市(燈神梁蛇話主動買盤強反而要小心QQ要回吐), 大鱷屠熊之心表露無遺, 臨收市仲夾硬食多一口熊, 瘦牛已上移至27200~27600, 只要養肥就殺得, 取易不取難, 反正未到結算周, 拖得一日得一日, 俾我係大鱷明日就會秒殺28000肥熊, 然後掉頭插穿27600屠牛, 震完倉清左場, 下周才衝上去高位結算及再屠熊, 到時28000樓上熊熊就會養到肥肥白白, 可以開大餐, 食完肥熊才落去屠牛, 月尾要屠牛熊追數

今日港股跟慣性走勢大升，如果跟慣性走勢，明日就會作出調整, 最好就係先屠熊後回吐, 港股升跌由元帥話事, 明日許跌不許升, 一定要嘔, 今日上証下跌但港股都唔跟, 好明顯是為了部署明日屠熊力撐, 不過小心明日屠熊後就要補跌, AH係互相牽引, 不能各行各路, 本周升左3日, 仍有兩個交易日, 慣性走勢係唔會升足全周, 明日要調整喇!

~~~~~~~~~~~~~~~~~~~~~~~~~~~~~~~~~

港股有暗湧.回調壓力增

8月上旬股災嚇屎人, 利淡因素一大籮, 但港股連日反彈, 股民好了傷疤忘了痛, 大鱷刻意營造向好氣氛引股民入局, 港股連升4日後而家多左股民向上望, 散戶開始入市買牛及掃正股, 大鱷可以乘機派貨喇! 當大鱷食飽肥熊就會輪到碌落山屠牛咖喇!

其實連阿爺救市對象內地股市亦已結束兩連升, A貨偉哥持久力通常不長, 成交萎縮, 今日A股下跌並創今年最低成交, 股民入市意慾低, 阿爺救市都引唔到資金入市, 只係得國家隊掃貨托市

今日上証下跌19點, 收2714, 內銀內險(除了平保)資源商品A股全面回吐, 阿爺出招就係為了保住上証2700, 只要守得住呢個水平, 港股短線就不會再創新低, 今日港股表面上係升市, 大鱷沽貨愈沽愈升, 港股其實有暗湧, 明日收跌居多, 因為恒指四連升通常會斷纜, 今次反彈浪已經升左4日,

今日港股雖然上升, 但升跌股份比例相若(升市要上升股份多才利好), 反映28000關前獲利沽壓大增, 多隻權重指標股都逆市下跌, 唔係好現象, 大鱷推高大市屠熊凈係抽高權重QQ做火車頭, 反映其他股份沽壓大

港股底部上移尋頂屠熊, 當見頂後就會底頂下移屠牛, 以大鱷的習性, 未食夠熊熊係唔會落山, 連續兩日大鱷都力守27500及10天線27700, 代表大鱷未食飽肥熊, 明日要伸多一腳上去28000食多一口才會收手

~~~~~~~~~~~~~~~~~~~~~~~~~~~~~~~~~

處暑轉向.消化沽壓.儲力再上.部署結算

見港匯弱雞就知港股近日的升浪並非有熱錢入市, 只係大鱷挾淡, 企業回購, 阿爺救市嚇到淡友補空倉, 推動港股重上10天線, 回顧上次反彈浪收復10及20天線都係企唔穩, 幾日後就碌番落黎, 如果今次竟然企得穩, 就係反常, 可能係熊二大反彈, 即係會彈1500~2000點, 不過唔好見連升就凈係向上望呀! 港股即將會作出調整, 要消化急升後的沽壓, 再儲力向上, 不過結算完就要小心

臨近月尾結算玩法唔同左, 而且今次個底26871比上次27578實凈, 因為由高位已調整20%, 阿爺連環出招救市, 港股短線會回吐, 但震完就會推上去結算, 後市先守27500, 再守27000及8月低位, 要留意28000樓上熊熊的成長情況, 只要有肥熊, 就有誘因上攻

利好消息消化後, 利淡因素再度發酵, 港股連日上升係受人民幣反彈所推動, 但人民幣今日結束四日升勢, 阿爺救市但上証連升兩日亦斷纜收跌, 大媽趁反彈繼續沽出QQ, 近日業績股飛天遁地, 升跌幅度驚人, 中招機會大過中獎, 持貨要密切留意業績公佈日期, 另外亦要監察美元走勢, 97受阻而回, 連日回吐後會守住抑或插穿95是港股後市關鍵, 因為今晚公佈聯儲局議息會議紀要

今日高見27954已進入達標範圍, 隨時會轉向, 因為已反彈逾千點足夠水位俾短炒大鱷轉身, 雖然以周波幅計今個星期可見28200, 不過如果這麼快上企, 好難撐到結算, 風險這麼大我估大鱷本周未必會食到盡, 不如預留多些水位俾下周升, 今個星期就不硬闖

撇除近日恒指特細及特大即市波幅, 過去幾日即市波幅係350~480點, 明日如未能上破28100, 就要跌穿27750才夠即市波幅(估計明日低位在27620~27750), 今年見頂後的反彈浪通常爆4~6棍就掉頭回落, 而過去兩個月多數係升4棍就嘔, 如今剛好做了4棍, 即係明日跌得啦!

大媽繼續撤退, 港股通(滬)連續7日出現資金凈流出, VHSI恒指恐慌指數連跌3日後轉升, 即係驚驚地, 地產股逆市下跌, 內銀股上升乏力, 加上多個測市指標都出現利淡訊號, 預示明日港股要嘔喇! 由於有結算因素, 如果大鱷唔想放生肥熊, 結算前港股回吐也不會太深, 又或者秒殺肥牛即彈, 再推高殺熊及部署下周四結算位

明日劇本: 高開沖高秒殺肥熊即回

變盤日: 23/8周四處暑, 26/8破日(港股會大升或大跌), 27/8周一好淡大鱷爭奪主導權的日子, 30/8期指結算

26871(8月低位) + 1000~1200(估計反彈幅度) = 27871~28071(本周反彈目標)

下周(27~31/8)要上企28000向上推進來擴大下周的波幅, 但結算後就唔使再托住高位, 可以落山屠牛

8月下旬係公佈業績高峰期, 小心股份見光死