如果你想做老師

2018/12/27 11:03:48 網誌分類: 職場
27 Dec

首先你要係一個家姐。 (做咁多間學校, 個個老師都係家姐, 得我唔係...)

因為如果你係一個家姐, 你習慣管小朋友, 有原則, 唔會太仁慈~ 唔會心存太大寄望。

而且你屋企會已有成功/ 失敗例子。

否則, 你要係一個媽媽~

因為, 你都會有一個活生生既成功/ 尚未成功/ 輕微失敗/ 可以微調既例子。

如果你真係想做老師, 屋企要有工人。

家務, 你唔需要理, 返屋企改簿、摺角、出默書、改默書(跟返指引丫唔該)、出卷(每間野唔同格式唔同深淺你適應力要強呀)、改卷(如果你教簡體字背景既學生中文、普通話、常識, 需大量時間執字粒同請佢改正)...

仔女大叫有工人幫手, 唔使親自處理佢地既大叫。或者你心軟, 咁唔好返工啦。親子時光好重要...

今朝發現原來我D學生既正楷K字錯左係因為淘寶字帖既正楷K有問題, 緊係佢地練得多練錯晒。

如果真係要做老師, 你真係要鐘意講野。

同家長天南地北...

唔係, 有咩事上黎, 拉唔到關係, 小心。

小朋友好易唔見野, 唔見野會話老師冇派~

家長會話小朋友話老師冇派~

最終嚮課室地下、人地書包、垃圾桶發現...

有學生真係成本簿無啦啦自己擺落垃圾桶俾同學捉個正著!

你覺得, 教好學校會少事發生, 但串串共既問題, 都幾難頂。

你覺得, 教程度差既學生容易, 追改正追死你, d主任就會話做咩你追唔到改正架? (查簿)

你覺得, 佢地唔乖講俾家長聽ok...

港孩家長: 你教唔好我個仔?你教到佢低分左? 炒你魷魚。

內地家長: 我返左鄉下下個月先返, 佢依家自己返學放學架咋。麻煩送埋佢地巴士站。

然後...

小朋友返到屋企, 打機。

約同學打機。

打「食雞」、「王者」, 再講粗口...

去同學屋企打機...

突然被家長發現個仔失蹤, 夜媽媽嚮學校群組揾老師幫手...

有D人就係話唔聽, 加上人夾人緣同先入為主,

嚮同一地方做得耐同教得耐有優勢, 因學生習慣你, 你又習慣到學校個文化...

如果係關愛文化, 就唔同執行技巧既文化~

你試過寫學生手冊話學生唔乖, 俾律司家長同學校投訴過, 唔敢教好學校, 去差學校教既話...

唔知點解日日要寫手冊寫學生欠交功課,

新既工作地點既老師早就麻木, 寫慣欠, 扣慣分, 你怯咩?

係, 我好怯。

第1, 我唔係家姐。

第2, 我冇工人。

第3, 我個仔係我最親愛既, 世界上最重要既, 我唔會放低佢~

第4, 追通告/ 追改正/ 出測考默同改測考默令本來4點幾可放工、五天工作周既我星期六都返埋工做野...除左校工外我平均每日最早返最遲走~ (因為呢間既TA要幫太多學障/ 智力問題學生, TA幫唔到老師做剪貼默書範圍等工作, 真係覺得以前自己做TA太慘, 依家自己做老師太慘)

個仔日日話「媽媽, 我要媽媽, 媽媽幾時同我玩呀? 我要媽媽同我玩, 我要媽媽同我做功課...」

其實, 每日5點幾起身, 時有突發事食無定時...

做唔慣夜鬼、體質唔好、極重視親子闗係,

唔好做全職老師啦...

測考默完左要入分、檢查成績表分數...

進展性評估, 點樣保障公平?

有學障同智力問題既學生, 難教, 更難考...

點解時間化嚮我做唔好既事情上, 而唔花嚮個仔上?

我個仔有光明既前途,

有優秀既媽媽 :)

我可以俾個仔好多, 個仔亦都可以無限擴展所學~

於是, 我選擇, 等代課電話, 其他時間我會努力同個仔一齊行落去。

我會係個仔最好既老師, 冇人可以取代我。

個仔會係我最好既學生, 冇人可以取代佢!

好似我當年讀多左堆文憑、學位, 但對仔仔黎講, 我花過既時間、金錢, 得到過既工作經驗, 以及產後因工作太忙而終於回復當年咁瘦, 值得。

嚮仔仔心中, 我係最好、最靚、最叻既媽媽,

勝過妄想咩咩教師選舉啦, 真係好似細個妄想香港小姐咁。

P.S. 白頭髮太量增多, 飛蚊症都出現埋。希望只因為長期唔夠訓。依家4個月病4次, 細個時1年病1次。

回應 (1)
我要發表
淺雪
淺雪 2018/12/27 13:56:37 回覆

{#0.gif}

user

最新回應

淺雪
淺雪 2019/04/20

是..愛唔代表一切 ..

沒有了愛反而沒有那麼痛楚..也可以繼續相處..

可是..身邊人表裡不一..不知何時是真心何時假意?

怎知幾時插你一刀??真係可以睡得著?

只怕她的神祇也幫不了她...

ivina
ivina 2019/02/16

2012年開始寫既小說

當時未結婚, 依家結左婚生埋仔

2019年心境好唔同

睇返覺得果陣搞笑

但當年既我又有野教得返今年既自己

今年既自己當然超越左當年~

篇小說會隨住時間

越黎越有深度

ivina
ivina 2019/02/16

係呀, 其實我自己同燒餅都只不過係大孩子

自己都未算照顧到自己

仲要照顧多個孩子, 有負擔

當然明白因為我地細個都嚮開心既環境長大

先會係今日既大孩子

好感謝我媽媽令我細個又健康又快樂

淺雪
淺雪 2019/02/16

現代養孩子殊不容易..

未提供相片說明。