13~15/3 靜候3月下旬創新高

13/3 周三恒指收報28807, 跌113點, 回調整固.消化沽壓

3月波動區: 28000/28201+1500~2000=29500/29700/30000

分析港股係浪費精神, 貼市炒港股係浪費生命, 港股毫無意識地跟住上証走上走落, 由大媽大鱷掌舵, 屠殺股民, 大媽就一路推升一路暗暗走貨獲利

昨日點解港股大升? 因為老外買A股, 大媽買H股, 滬港通出現資金凈流入

今日點解港股下跌? 因為老外沽A股, 大媽只係買少少H股, 沽出權重股, 滬股通出現資金凈流出

大媽大晒, 大媽買乜升乜, 沽乜跌乜, 冇得估, 港股幅即市走勢圖跟住上証騰上騰落, 無謂分析, 

大媽丟: 中信証券跌3.18%.建設銀行跌0.85%.騰訊控股跌0.72%.瑞聲科技跌2.5%

大媽掃: 融創中國升1.97%.中國平安升1.57%

美元上周五爆上97.7, 股市即刻作出負面反應, 有數據顯示過去一周熱錢撤出中資股合共約36億美元, 亦符合近日滬股通頻頻出現大額資金凈流出, 拖累8/3上証暴跌136點, 亦拖累恒指累計嘔千點, 不過隨著美元沖高回落, 中港股市一插即彈, 資金再度湧入, 低位見承接力, 中港股市齊齊彈上關鍵大位, 拗腰上番黎連10及20天線, 燈神叫粉絲繼續沽貨撤退, 僅持倉不足四成(早前係重倉超過八成貨), 燈神走鬼係利好訊號

今日港股跌市成交亦縮減, 沽壓不大, 人民幣連升3日, 港股走資壓力已大大紓緩, 買盤再度進場, 但大鱷刻意壓住升勢, 將港股點穴, 養左成日牛熊, 繼續消化沽壓, 熊下移愈養愈肥, 牛牛亦非常貼價(躲在裂口及10天線下面), 牛在28688 VS 熊在28951, 目前牛熊分布差距不算大, 大鱷又要玩點穴來養牛熊: 8862熊 vs 11748牛,

周二的上升裂口冇全數回補, 好友健在, 後市如全數回補裂口落28512, 代表淡友得勢, 只要守住裂口就可繼續尋頂, 港股每月慣性走勢係高低高, 尋頂尋底再尋頂, 即係踏入3月下旬就會創新高, 本周港股受壓的其中一個原因係富時指數調動, 待周五(15/3)執位完成港股壓力就會減退

大媽走QQ, 業績佳的平保就成為最佳托市棋子, 面書凌晨跟埋我地去睡覺, 出了大問題, 癱瘓了, 未知對股價有多大影響

~~~~~~~~~~~~~~~~~~~~

靜候好友反擊

美股近來跌多升少, 不過後日周五(15/3)結算, 呢兩日好友都要出手了吧! 美元急跌, 人民幣連升3天, 有利股市, 由於本周波幅只係勉強達標, 本周仲有兩個交易日, 仍有可能升穿28941來擴闊波幅, 如果短炒好友大鱷想食多些就會踢高, 千點波幅就要見29240

由於擔心A股的場外融資活動受到進一步監管，A股和港股在現水平整固, 今日港股雖然收跌, 不過按照慣性走勢未來兩日不會全跌, 點都會有反彈, 因為每周通常係跌1~2天, 今日已經跌了1天, 以即市波幅計, 明日一係跌穿28700, 一係升穿28900, 一係兩邊都爆才夠即市一般約300點波幅,

港股出現上月的同一個老問題(2月初係沖高回落, 月中見底再上), 由於利淡港股的因素仍在(舊網誌已詳述), 要時間消化沽壓, 所以大鱷就用拖字訣, 而好友亦有上證牛市做後盾，大鱷就索性咬住28800及於10天線穿梭來養牛熊,

如果大鱷於3月上旬太早就踢上29000爆頂29241, 就好難撐到月尾, 所以大鱷就將大市困在28200~29000來養牛熊, 通常大鱷會拖得一日得一日, 磨到3月下旬就會爆邊, 到時熊熊就會養到肥肥白白, 待本周五富時指數調動完成, 下周港股壓力就會減輕, 反而係周四(21/3)QQ及中移業績難以預測大市會俾乜野反應

後日(周五15/3)係畫圖日, 好淡大鱷分勝負的關鍵日, 不會再悶, 每逢周五都係大龍鳳的日子, 大升大跌都試過, 不過兩次大跌都係因為美元爆升, 如今美元走低利好大市

人大代表大會將於周五15/3閉幕，李克強總理主持新聞發佈會

友邦將於周五15/3公布業績, 當天富時指數調動

友邦公布業績，市場焦點將落於友邦新業務及中國增長，以及會否就100周年派發特別息

港股窄幅波動養熊引淡

14/3 周四恒指收報28851, 升44點(最多上升125點, 一度下跌111點)

上証連跌兩天但今日港股企硬唔跟跌, 大市窄幅波動扮受制於29000, 目的係淡友入局, 大鱷正部署3月下旬破頂屠熊

恒指低開高走, 單日轉向呈陽燭

15/3 周五恒指收報29012, 升160點(最多上升353點, 一度下跌23點)

連續兩天底頂上移尋頂格

上証向上阻力3100及前頂3130, QQ阻力$370, 國指阻力11700, 恒指阻力29500.29800

今日富時指數調動令成交急增, 午後及收市U盤沽壓加劇, 大市收窄升幅, 呢種技術性沽盤壓住大市升勢, 通常下周一就會作出修正, 會彈番上去, 踏入3月下旬係創新高的時間窗口, 今個月波幅未達標, 如果大鱷唔想跌穿前底28201, 就要向29500~29800進發來擴大月波幅, 港股前頂在29241/11762有待突破

大鱷非常奸險, 通常推到上大關口就玩窒窒步扮受阻, 目的係養熊引淡, 港股連升兩天, 皆因早前美元急升爆上97.7老外密密沽A股但呢兩日卻變臉大手掃貨, 推動中港股市作出大反彈, 今次彈高全賴美元大幅回落至96.5

上周美元爆上97.7中港股市走資拖累恒指上周跌584點, 不過本周港股翻生, 全周收復失地並升突, 以島型轉勢形態再展升浪, 本周大漲784點, 好明顯係大鱷見上周有資金流走刻意唔托市, 由得大市插落去順勢屠牛5968張(果然係超過4000張才出手), 大鱷例牌趙完鬆, 秒殺肥牛即彈, 踏入本周港股即刻彈高高, 全周只係跌1天, 今日重上29000, 試完底再沖頂再次應驗

月初多次上破29000都打回頭, 皆因當時未試底, 4/3高見29241後大插創本月低位28201下試250天線獲支持回升, 大鱷刻意於29000附近卻步, 目的係養熊引淡, 因為大淡友一直認為今次升浪只係熊二反彈, 反彈跌幅一半就係29000到頂, 大鱷在29000附近掉頭就會令淡友更加相信只係熊市的死貓彈, 就會飛撲入市買貼價熊, 如此一來, 29000~29800的熊熊就會愈養愈肥, 當淡友入局, 時辰一到大鱷就會上去開大餐

按照慣性走勢試完底就會再沖頂, 動力會增強, 上破前頂29241冇乜難度, 以一般500~1000點周波幅來推算, 守住28800/29000的話, 你話向上會去到邊個水平呢? 向上關鍵位29500.29800, 最大阻力是去年19/6端午的下跌裂口30012~30259及11724~11841

大鱷用緊拖字訣, 壓住大市升勢, 本周冇創新高, 目的係養熊引淡, 時辰到了, 29000~29400有超級肥熊, 不過29400~29800只有半肥瘦熊, 29800再上只得瘦熊, 吸引力弱

########################################

3月下旬注意事項:

好淡通殺格

為免夜長夢多, 大鱷或會於19~20/3聯儲局議息前殺上去爆頂屠熊, 因為21/3亦係QQ等大藍籌公布業績, 當天轉節氣春分, 禍福難料, 大鱷亦擔心業績或會有變數, 升過籠的股份會見光死, 到時就會拖低大市, 所以亦有誘因周初拿拿臨殺上去屠熊趙完鬆

要留意的是29500~29800阻力非輕, 獲利避險沽壓會增加, 3月尾基金季結亦有誘因沽貨來鎖定利潤, 今個月恒指跌市日數未達標, 亦要慎防月尾跌市日數會增加, 要留意月尾3升3跌及每周不會日日升的慣性升跌模式, 現時正處於水星逆行的紊亂期, 大市不會單邊向上

下周(18~22/3)破頂升穿29241不難, 問題係下周四(28/3)才結算, 大鱷會否一直托住高位兩個星期呢? 估計下周會突破創新高但大鱷未必會去到盡食光肥熊, 破頂後有可能係秒殺熊熊就縮番落去, 消化沽壓兼養牛熊, 月尾牛熊多數係非常貼價, 好淡通殺都得, 大鱷亦要部署結算, 港股能走多遠就要視乎美元強弱及上証表現,

消息滿天飛, 有報導指「習特會」將於3月中舉行, 消息指美方正準備中美最終貿易協議, 中美貿易談判屆尾聲, 華府研究安排27/3舉行峰會簽署, 《霍士財經網》指習近平取消3月下旬訪美行程(14/3消息指中美元首短期會面機會不大)

舜宇(02382)及小米(01810)於周二19/3公布業績, 公布業績見光死

21/3 公布全年業績: 騰訊、中移、中海油、中信証券、長和、長實及吉利

22/3 公布全年業績: 中石化.華潤電力.中國神華.國藥控股.中國人民保險.金斯瑞生物科技.瑞聲科技.中國財險.長城汽車.藥明康德.中國太保.中國建材.招商銀行