3月尾水星逆行尾聲利好

25/3周一收市~恒指急挫590點, 收28523, 失守10及20天線

5~28/3 水星逆行利淡已屆尾聲.反彈在望.部署結算位

今日港股雖然急瀉, 但恒指於一二月結算前每周走勢是每星期多數跌1~2天就反彈, 按照慣性走勢恒指通常不會全周日日跌, 落到大位例牌有反彈, 踢上去既可擴大周波幅亦可養牛熊, 部署日後的殺戮, 不要忘記今個星期係結算周

回顧過往的底頂歷史數據, 恒指每次都係彈1000~1400點就掉頭, 每當恒指插700或1000點就會掉頭彈高, 好淡通殺, 如今剛好插了千點, 即係港股快將止跌回升,食飽牛扒就要食熊掌喇! 通常失守平均線都會有彈番上去吻別, 不會一去冇回頭, 今日已一舉插穿10及20天線, 換句話說, 後市會重上10及20天線, 市強就會收市上企平均線重拾升軌, 市弱就高位一瞬即逝,

港股今年在尋頂期間底頂上移, 任何震盪只要守得住250天線就會再向28800.29000.29500.29800......進發, 當牛肥就會拉番大市落去, 當熊肥就會扯住大市上山, 不走單邊升跌, 係大型上落市格局, 下列是由2月起恒指升跌韻律, 可由歷史的高低位來推算後市底頂

28193頂--->27534底 ~ 跌659點
27534底--->28533頂 ~ 彈999點
28533頂--->27845底 ~ 跌688點
27845底--->29241頂 ~ 彈1396點
29241頂--->28201底 ~ 跌1040點
28201底--->29486頂 ~ 彈1285點

29486頂--->28446(估計短底)~今日低位28463

如跟隨前次回吐1040點的下跌幅度: 29486頂-1040=28446(短線下跌目標)

以過往下跌幅度700或1000點來推算, 上周由高位29486回吐約700點落到28800理應喘定, 可惜撞正外圍股匯債反艇, 加上28500附近有肥牛篤眼篤鼻, 大鱷一直睇唔順眼, 跌700點落28800未到牛區, 絕不能空手而回, 大鱷就夾硬做夠千點跌幅, 即係正路落到28400水平就彈, 如插穿28400就違反了過去兩個月的升跌幅度韻律, 如進一步插穿250天線及前底28201, 翌日亦未能收於其上, 就唔對路, 所以未來兩日港股表現非常關鍵, 守28400及28201利好, 失守就利淡

未來幾日係港股轉倉高峰期, 後日(27/3)係結算前夕, 好友要為翌日結算作出部署, 28/3(周四)期指結算日, 29/3(周五)基金季結, 如果好友想咬住28600樓上來結算, 就不會坐以待斃, 必定會作出反擊, 上月恒指收28633, 競價開28716, 呢兩個水平係好淡角力位, 如能重上28800好友勝, 就會向29000進發

~~~~~~~~~~~~~~~~~~~~~~~~~~~~~

大市隨時轉向

騰訊係港股溫度計, 只要守得住$350超級關鍵大位, 就代表大鱷仍想保住28200~28500大位, 目的係再推番上去結算, 如能守住28500達三天, 大市仍有望挑戰28800, 甚至29000, 中港美三地股市通常係同步見底頂, 今次係齊齊尋底碌落山(道指插460點, 上証插61點, 恒指插590點), 換句話說, 當中美股市止跌回升, 港股亦會跟隨拗腰上

今日港股雖然暴跌, 但亦不應太悲觀, 結算周好淡角力通常不會是單邊市, 急跌亦會急彈, 不要忘記本周有期指結算及基金季結做後盾, 今日港股急瀉令我想起著名基金經理英爺早前於29000附近時曾形容港股係慢升急跌, 我理解為大市反覆上升(窒窒步升來養牛熊), 但就失驚無神急瀉嘔700~1000點屠牛, 快速秒殺肥牛後, 轉頭幾日就彈番上去繼續屠熊, 彈1000~1400點又跌過, 呢個劇本既可推升屠熊, 亦可殺牛, 大鱷賤格冇益人

大鱷就係用呢種頻頻轉向的手法來操控大市, 刻意玩破位上或落引股民跟風追入, 殊不知大市正醞釀轉向, 大鱷目的係好淡通殺, 唔俾股民搭順風車, 牛熊都要死, 股民入市賺賺埋埋到大市突然轉向就要嘔番晒盈利出來, 到頭來只得大鱷大媽獲利, 股民做好做淡都要輸

港股每月慣性走勢: 月初見短頂, 月中回吐尋底, 下旬再尋頂, 收升月係先低後高, 會在下旬創即月新高, 回顧8/3創3月低位28201, 19/3(下旬)創高位29486, 月線呈先低後高收升格, 換句話說, 如3月收升, 29/3就會收28633之上,

今日港股走勢差劣, 亦有可能係大鱷為了蓄意謀殺肥牛清場而玩跳水, 如果是的話, 大市就不會在低位徘徊, 大鱷會秒殺肥牛趙完鬆, 彈番上去28800, 甚至挑戰29000, 如未來兩日隊穿28201月線就會變成先高後低收跌格, 假如今個月係由好友主導, 就不應出現呢種走勢

~~~~~~~~~~~~~~~~~~~~~~~~~~~~~

好友燈神走鬼.相反指標港股反彈在望

3月中恒指上企29000, 踏入3月下旬繼續向29500進發, 技術派燈神梁蛇本來於上周初18~21/3係29300附近仍不斷追貨, 密密將中線倉加至近乎滿倉, 根據燈神往績, 當佢信心滿滿唱好全力買上就係大市掉頭向下之時, 當佢大舉減倉走鬼至低水平港股就會拗腰彈高,

今日港股大棍插水嚇死好友, 燈神大手減倉並唱淡叫走鬼, 代表今日(25/3周一)插水大鱷已成功逼死及震走好友, 技術派全面唱淡甚至做淡, 大鱷奸計得逞, 即係港股快將拗腰彈高, 因為趴街大鱷玩好淡通殺的話, 打瓜好友就輪到挾死淡友, 見港股今日暴跌以為仲會深潛跟風做淡就死得

3月恒指月波幅1285點只喺勉強達標，3月首三周的高低位28201~29486仍有可能爆邊, 不過如果大鱷為了結算想保住50及250天線大位(約在28100~28200), 今個月就會玩細波幅就算數, 以往大鱷都試過守住高低位唔爆邊, 夾硬在區間內營造波幅, 不斷急跌急彈, 頻頻轉向, 令人無所適從企錯邊, 大鱷呢種手法的目的係殺/震貼價牛熊, 如此一來, 大鱷就可以養牛熊及開大餐, 不走單邊大鱷反而獲得更大利潤, 但股民無論做好抑或做淡都要輸, 技術指標往往成為陷阱, 係大鱷畫圖設的局

島形頂下跌裂口: 28702~28847, 以往上升及下跌裂口都會回補, 尤其是恐慌性下跌裂口, 回補機會就更大

今日的高低位28463~28702只得239點, 周波幅遠遠未達標, 等未來幾日爆邊來擴大波幅, 因為按照慣性走勢, 每周的高低位不會在同一天出現, 如能守住28400就要上28800甚至29000

50及250天線關鍵支持大位在28100~28200,

國指關鍵支持位: 11150~11200 (頸線 11151)

港股反彈阻力位:28800~29000, 11400~11500

只要守得住上述關鍵支持位, 就代表好友仍未放手, 不過如果港股只係作出死貓彈, 就不應上破阻力位並收於其上:28800~29000, 11400~11500, 收市如能上企3天, 就代表並非死貓彈, 係大市回穩, 會向29000進發

全球債息下跌, 德國.日本債息齊齊跌至3年低位, 澳州十年債息創新低, 今日港股插水的導火線係美債出現債息倒掛, 以及歐美經濟數據欠佳, 投資者憂慮全球經濟增長放緩, 借勢於高位沽貨獲利, 形成骨牌效應, 但中港股市反艇主因係滬深股通出現資金大舉凈流出高達百億元人民幣, 老外沽出A股食胡, 大媽反而趁大跌買港股, 換句話說, 往後當老外沽盤收斂又或者再掃A股, 中港股市就有望止跌回升

北水有短炒亦有炒中長線, 大媽鍾意低吸高沽, 密密炒波幅, 當股份急升就會乘機走貨, 當大插就會趁落雨掃平貨, 由於急跌就會急彈, 等大市彈高大媽就會食胡, 所以大媽趁低吸納的買盤往往會窒礙了港股的下跌步伐, 當大媽大手掃貨就會推動港股向上

~~~~~~~~~~~~~~~~~~~~~~~~~~~~~

暴跌一步到位?

大鱷鍾意玩一步到位, 唔俾水位股民順勢追沽, 今日一棍就由29113插到落29463, 剛好落到28500關鍵大位, 每次落到大位通常會有反彈, 近來一般周波幅有500~1000點, 如今只得239點, 好明顯未達標, 有結算因素, 仍有望重上今日的下跌裂口28702~28847, 又或者插穿28400來擴大波幅, 不過當外圍股匯債喘定就可暫時穩住港股, 又或者一插屠牛即彈, 其實磨耐些才吃仲肥, 而且熊熊亦會下移, 大鱷走番上去殺熊或震熊, 玩好淡通殺都得

插埋今日一大棍, 今個月大鱷已吃了22948張牛熊交數, 其實已達標, 就睇大鱷想留多少俾下個月殺, 從陰謀論的角度來看, 如果今日暴跌只係大鱷為了屠牛追數的蓄意謀殺, 就不應插穿28200, 而28000(目前樓下只得瘦牛欠吸引力), 亦不會長時間在250天線或28500附近徘徊, 以往升得好地地突然掉頭下殺, 多數係食1~2口牛就會彈番上去繼續屠熊,

港股通常每次落到大位都會彈一彈(可能係短炒博反彈買盤, 亦有可能係淡友買貨回補空倉), 貼價牛博大市彈上去吻別28800都好和味咖! 因為恒指今日以大裂口(28702~28847)下跌, 只要阿爺或外圍回穩, 仍有可能上去回補裂口, 只要收市企28500, 仍有望彈上去28800

恒指如調整年初至今升幅的0.236倍就會見28403(今日已跌至附近), 再落28100~28200係50及250天線所在, 好友不會輕易放手, 或會力撐然後推上去結算,

~~~~~~~~~~~~~~~~~~~~~~~~~~~~~

通常逼死好友就彈高

屠牛熊方面大鱷亦試過好多次特登留番幾串唔食到盡, 目的係誤導股民當時的升勢或跌勢未完, 就好似早前殺到上29486, 當時人人都以為會爆頂上破29500食埋幾串肥熊, 但大鱷就特登唔再屠熊, 掉頭插水殺肥牛, 所以我估計今次落山大鱷亦不會殺光肥牛, 最多食一兩口牛, 就會掉頭上番去屠熊

早前我一直話28500~28900牛牛愈養愈肥, 會拉住港股後腿, 今日大鱷就玩插水落去幫肥牛清場, 不過我以為大鱷會撐埋結算才會落去回補裂口28512~28734及屠牛, 從陰謀論來看, 今日大插跌得太過份, 似係為了屠牛以及逼好友斬倉及止蝕令大市跌勢加劇, 大鱷就乘機屠殺28500附近的肥牛, 月尾6天恒指多數係3升3跌, 以往呢種升跌模式好準, 不過近來已起了變化, 試過1月尾只跌1天, 但2月尾仍然係3升3跌

月尾恒指呢種3升3跌模式反映結算周好淡角力爭持激烈, 不走單邊升或跌(唔俾股民坐順風車), 即係期指結算扭曲了正常市況, 未必跟足外圍或技術指標, 所以未來幾天不會全跌, 尤其是國指已連跌5天, 點都會有反彈, 加上燈神驚到走鬼叫減到少於四成倉, 代表好友已投降撤退, 燈神相反指標代表港股反彈在望, 雖然看似市弱(可能係假象), 但現水平短炒博反彈有值博率, 大鱷通常逼死好友就彈高, 食飽肥熊又跌過

港股50天線日前已升穿250天線呈黃金交叉, 技術派認為係牛市重臨的利好訊號, 多位基金經理仍看今年大頂未出現, 29486只係短頂, 港股會俾正處於牛市的上証拉上山, 而家港股只係大型上落市的正常調整, 由於賤美再加息已成泡影, 加上香港樓市出現大陽春, 樓價反彈, 地產分類強勢有助穩住港股, 港股

回顧過去兩個月恒指亦試過兩次非常驚嚇的插水, 收市跌幅都超過500點, 當時人人都以為港股會落地獄, 大唱逢高做淡及追沽, 結果翌日港股就拗腰向上, 一路走番上去, 仲愈走愈高, 當時輸死以為港股只係死貓彈的淡友, 究竟今日係真死抑或又係歷史重演會拗腰向上, 未來兩日會有答案, 只要兩日內不插穿28400, 就代表今日殺跌只係為了屠牛清場, 大鱷仍想繼續原有屠熊路線, 順帶一提, 過去兩次恒指大插水後都會有1~2個星期的反彈蜜月期, 跟住又再插一棍, 我理解為當大市插水屠肥牛後連日反彈, 當肥熊死得七七八八, 牛牛亦會養肥, 所以大鱷又會走番落去屠牛清場, 食完又會炒反彈,

26~28/3 港股跟劇本繼續回補25/3的下跌裂口28702~28847

3月期指結算價28720
3月國指期貨結算價11281

陰謀論: 大鱷做市手法.點跌落黎就點上番去.29500.29800.30000...

周二見港股冇再深潛已提醒大家周一(25/3)大插可能係陰謀, 係誘淡的局, 不應做淡, 恒指果然連日上升, 估計恒指月尾6天會變成5升1跌, 即係周五(29/3)會係升市,

~~~~~~~~~~~~~~~~~~~~~~~~~~~~~~

3月尾燈神唱淡大手減倉走鬼預示港股會拗腰彈高

首周(1~4/4)預期波動區: 29383+650~1000=30033~30383, 30000係超級大位, 大鱷可能會玩窒窒步來引熊入局, 點跌落黎就點上番去, 今次升浪要回補去年端午的下跌裂口30012~30259

周一(1/4)低位29383, 如果守得住, 以周波幅起碼650點來推算, 4月首周就要上29800~30000, 幾時爆上裂口區30012~30259就要視乎熊量

上証向上阻力在3200, 中港股市周五5/4(清明休市), 估計長周末前會有沽壓, 所以我會趁反彈沽出超買股獲利炒波幅, 博回吐再買上, 加碼換入落後股繼續博未見頂, 除非有十足把握, 否則過夜指數牛轉炒即日鮮, 個股牛才過夜, 假期前後例牌大龍鳳

1/4如上29500可殺熊3941張, 上29600可屠熊5311張, 全場最重倉熊在29500~29600, 命危, 石石周六說阿爺不降準大市會回一回, 但貼文卻說上29500~30000, 大獅兄推介的中移繼續捱沽, 近日唱淡走鬼的燈神梁蛇想轉口風看好, 話周末會研究下港股轉好的可能性(哈))) 慢十拍), 內地減稅1/4(周一)生效, 當天公布PMI數據, 例牌大龍鳳

2/4如上29700可殺熊1108張, 上29800可屠熊2465張, 上29900可屠熊3186張, 但29800係關鍵大位, 目前29800~30000熊唔夠肥, 要養多一陣才殺

2/4收市~清明周港股牛氣沖天連升殺肥熊祭天.繼續尋頂之旅

過去兩個月恒指四連升例牌要跌一跌再上, 但如今已連升6天, 平了今年一月最長連升記錄, 應跌不跌需防升, 只要升埋明日就破記錄了, 近日終於多左分析講牛市(慢過元帥十拍), 今日港股一開即插收陰燭, 但冇跌入肉, 係假跌, 沖高回落扮受阻而回, 其實只係嘔番部份升幅, 係大鱷的陰謀, 刻意壓低大市, 詐死養熊引淡係大鱷的慣性操控大市手法,

其實唔少股份表現亮麗, 紛紛破位而上, 港股有心又力, 錦上添花係QQ獲批新版號, 係港股上升催化劑, 只要QQ上企$370阻力位就係肥熊死期, 不過社保擬減持交行A股, 利淡相關板塊

港股磨左成日扮上升乏力熊熊淡友果然飛撲入市, 29800~30000熊有超過四千張, 中伏了, 時辰到, 大鱷流晒口水, 不過要小心燈神效應, 曾說港股可能會大插於上周叫大手減倉走鬼的燈神轉口風, 改為說港股不易大幅下挫, 叫候低買上, 不要做淡, 燈神變好友, 相反指標即係當大鱷伸多一腳上去就要小心秒殺肥熊即回,

老外於3月份密密沽出A股, 但自從29/3那天大手狂掃A股, 隨後幾日雖然買少左, 但都係入緊貨, 推動上証日日升, 恒指當然亦跟住飛天, 股市有水則生, 港股連日底頂上移, 預示大市會升穿今日高位29737, 周三四(3~4/4)係創本周高位的時間窗口,

收市如能企29500達3天, 代表大鱷想殺上29800, 何時上破30000就要視乎熊量, 大鱷亦要預留向上空間俾未來3星期部署頂部上移, 今次升浪唔講得笑, 淡友想買熊前唔該用元帥所說的周波幅及月波幅來推算港股頂部, 以免丟錢入大海

由於本周首兩天高低位29383~29737周波幅只得354點未達標, 代表未來兩日會爆邊 由於上星期收跌, 而今年恒指未試過連跌兩周, 按照慣性走勢本周收升機會大, 跟收升周的模式, 即係未來兩日會升穿今日高位29737

3/4收市~清明周陰氣重.挾淡死得熊多.大鱷殺肥熊祭天.慎防升勢斷纜

上証強勢突破3200大關, 推動港股爆頂上企29800, 其實30000大關已衝破, 港股期指高見30059, 現貨高位29999, 今日收29986, 賤大鱷又玩野, 全日都壓住大市在29900附近, 扮受制於30000大關來養熊引淡, 俾足全日時間熊熊入局, 大量熊熊飛撲入市, 30000~30600每百點都有肥熊, 足足有六大棍合共六千多張, 具吸引力, 誰可活多幾天過埋清明才上天家? 熊熊命運操控在上証手上, 遠的不說, 總之30000邊的熊肯定要祭天, 因為近日恒指頂部上移, 代表明日會升穿今日高位29999, 即係會上破30000創本周新高順手屠熊, 今日大鱷就係特登唔上30000, 預留水位俾明日創新高

今日爆升不過獲利沽壓湧現, 多左股份沖高回落, 不過亦見買盤追入落後股, 可能係換馬, 本周會上到哪個水平就要看大鱷想預留多少上升空間俾未來3周, 按照慣性走勢恒指好少全周日日升或跌, 本周過去3天都係升市, 後日係假期, 代表明日(周四)收跌機會大增, 如收跌消化沽壓反而更有利後市

明日有周末沽壓效應, 亦係畫圖日, 本周收市位亦會影響大鱷部署下周收升或跌, 如果收得太高就會增加下周收升的難度, 最好係沖高屠熊後壓低收, 恒指打破今年連升記錄創七連升, 要慎防升勢會隨時斷纜(留意地產分類強弱會有啟示), 明日大鱷又要食肥熊早餐, 或會秒殺即回, 來預留下周的上升空間,

QQ上企$370後下一個阻力在$380, 如受阻而回代表大鱷暫時唔想上企30000大關, 今個星期恒指的日波幅有200~290點, 代表明日29800~30000會爆邊, 否則唔夠水位波動, 要慎防大市爆頂會有後抽, 因為按照慣性走勢上破27800.28800.29800等關鍵位多數會衝高回落, 不會一去冇回頭, 即係再沖上去或會掉頭下試29800的支持力, 所以近日我說想博爆上30000有後抽炒即市快閃貼價熊, 就係呢個原因,

呢兩日全城看好反而要小心, 連本來唱淡走鬼的燈神梁蛇都變番好友, 相反指標係小心大市要回吐喇! 如市強只會即市調整或小幅收跌, 震完再升過，美國債息曲線趨向正常, 利好

根據上面的底頂表, 如跟隨前反彈幅度: 28435底+1400=29835, 今日高見29999, 已超標完成, 以往每當做夠彈幅沽壓就會加劇, 雖然今日高位不是頂, 但回吐壓力增加是無可避免, 特別係長假期前多數會有避險沽壓, 其實累計反彈約1600點已夠水位俾大鱷轉身, 持貨者亦會趁衝上30000大關鎖定利潤,

假期前後(本周四.下周一)例牌大龍鳳, 係急跌急升的日子, 近來周ㄧ多數收升，要有心理準備大市會急劇波動, 淡友要留意大鱷喜歡用裂口來衝破阻力位, 唔俾淡友逃生

首周(1~4/4)預期波動區: 3~4/4係創新高的時間窗口

29383底+650~1000周波幅=30033~30383 (本周目標區間)

反彈0.618倍目標在30067