大鱷操控港股做市的手法

2019/03/26 21:30:57 網誌分類: 經濟
26 Mar

陰謀論~大鱷做市手法:

點跌落黎就點上番去.29500.29800.30000.30500.30800.31000.....

3月期指結算價28720
3月國指期貨結算價11281

26~28/3 港股跟足元帥劇本彈上去繼續回補25/3的下跌裂口28702~28847

周一(25/3)港股大插插, 周二見港股冇再深潛已提醒大家周一暴跌可能係大鱷震牛/殺好友肥牛的陰謀, 係誘淡的局, 不應做淡, 恒指果然連日上升, 估計恒指月尾6天會變成5升1跌, 即係周五(29/3)會係升市,

一如日前所說, 26/3恒指插到落28435博反彈重上28800有值博率, 大市會上28847回補周一(25/3)暴跌的下跌裂口, 加上燈神走鬼唱淡, 近日繼續大手減倉, 並認為港股短線易跌難升, 只會彈散再插過, 燈神認為港股彈高難, 要繼續撤退, 燈神相反指標係港股觸底回升, 仲未升夠

早前估計大鱷會咬住高位結算, 所以在結算前不會全數回補12/3的上升裂口28512~28734, 但本周一(25/3)卻急瀉並補回裂口, 當然是大鱷見美股插水借勢屠殺肥牛啦! 我一直深信大鱷會托住高位結算, 但周一卻暴跌, 其實並不矛盾, 代表大鱷有信心補完裂口屠牛後彈得番上去啦! 所以過去幾日我一直說港股會彈上28800, 而動力竟然比預期強, 睇番下面的底頂表, 試完底就會彈1000~1400點, 本周或會忍忍手, 留番多些上升空間俾4月頂部上移, 繼續尋頂之旅

按照大鱷的習性, 呢幾日係大位前窒窒步升只係詐死, 係養熊引淡的手法, 因為周一二試底後如周三(27/3)一棍爆升全數收復失地的話, 唔夠時間俾淡友熊熊入局, 攻上去都冇乜肉食, 如果熊唔夠肥大鱷獲利不多, 所以大鱷會扮上升乏力壓住大市, 窒窒步升, 拖到結算才出手,

~~~~~~~~~~~~~~~~~~~~~~~~~~~~~~~~

基金界看好有利後市向上推進

港股50天線日前已升穿250天線呈黃金交叉, 技術派認為係牛市重臨的利好訊號, 多位基金經理仍看今年大頂未出現, 29486只係短頂, 港股會俾正處於牛市的上証拉上山, 由於賤美再加息已成泡影, 香港樓市走出谷底出現大陽春旺場, 樓價反彈, 多位業內人士認為於低息環境下, 今年樓價有望上升近一成, 地產分類強勢係推動港股今年首季爆升的功臣

睇盤路大鱷正部署殺上29000, 4月開新局要營造新的月波幅, 3月的波動區28201~29486就要爆邊, 不會再處於窄幅困局中, 4月假期多市況會特別波動, 會有大龍鳳, 今年一月我已經說港股熊去牛來, 當時冇乜人信, 近來雖然多左人相信港股係牛市, 但仍然有唔少淡友財演唱淡港股, 真係累死人

周五(29/3)基金季度結, 亦係3月最後一個交易日, 畫周線及月線的大日子, 係基金粉飾櫥窗埋盤靚數的最後機會, 周五畫圖日大鱷要部署3月收市位(上月收28633, 競價開28716), 如能收於其上, 恒指連升3個月, 收得愈高支陽燭就愈靚, 到時港股牛屎味就更濃, 月尾如上攻28847回補裂口後收市上企28800, 好友勝, 淡牛命危, 港股後市關鍵在上証表現, 阿爺好.港股好

肥熊在29000附近, 向上每百點都有熊吃, 一路排上去29600有幾千張肥熊(29600~29800有半肥瘦熊, 29800樓上只得瘦熊仲要養多一陣), 有誘因上攻開大餐, 大鱷已經兩日冇食牛熊(好少餓3天), 周五(29/3)係追3月數的最後一天, 要上29000才有熊吃, vhsi恒指恐慌指數於周一(25/3)暴跌當天急升14.38%, 但隨後連日下跌, 唔驚啵! 今個月飛天遁地癲夠喇! 3月再插危機已解除, 等4月開新局爆頂吧!

要留意全數回補裂口後港股的表現, 如升穿28800仍高企不下, 有利上攻29000.29113..... 估計周五好友必定會守住28716, 是好淡角力關鍵位, 按照慣性走勢, 收升周會在周四或五創該周高位, 以閒閒地700點周波幅計, 周五就要上29000甚至29135(28435+700=29135), 下周頂部上移再上攻,

~~~~~~~~~~~~~~~~~~~~~~~~~~~~~~~~

騰訊係港股溫度計

QQ係港股溫度計, 連QQ都一度失守$350低見$347, QQ失$350恒指就應穿28500下試前底28201, 冇理由連28400都保得住, 查看之下, 發覺原來QQ於港股暴跌前(即22/3周五), 位於$355~$362牛牛已避險走鬼晒, 因而避過一劫, 換句話說, 大鱷隊到落$355都冇牛吃, 以大鱷例不虛發的習性, 不會空手而回, 要食牛扒餐就必定要夾硬隊穿$350, 所以周二(26/3)QQ再插多一棍低見$347來屠牛, 秒殺即彈趙完鬆, QQ暴跌亦可製造恐慌嚇到好友止蝕

由於QQ與港股通常係同步見底頂, 大鱷既然食完QQ肥牛, 所以我就估港股已脫險, 將會有彈上10及20天線, 亦要部署結算位, 而我亦進一步確信我所說的陰謀論~大插目的係幫肥牛清場, 唔想俾肥牛拉住港股後腿, 今次升浪29486只係短頂, 大鱷根本係想推上29500.29800.30000....因為年波幅未達標, 周一(25/3)推港股落山只係為了製造波幅來搵食, 大鱷只要見到超級肥熊就會爆上去開大餐

大鱷話多謝淡友財演唱淡, 嚇到呢幾日牛牛好友縮手, 熊熊淡友加倉, 大鱷陰陰嘴笑, 肥熊已到嘴邊, 時辰到了, 每當500點內有超過四千張牛熊, 大鱷就會出手, 29000~29500夠肥了

雖然有時恒指會有千點周波幅, 但估計本周大鱷不會這麼癲, 做大約500~700點就夠了, 因為周五要畫月線, 不宜飛出外太空, 否則會增加四月收升的難度, 大鱷亦要預留上升空間俾4月開局殺上去, 如果大鱷想繼續推升而不是衝高秒殺肥熊趙完鬆, 就會係高企不下, 係大位前玩窒窒步升, 預留水位俾日後頂部上移

~~~~~~~~~~~~~~~~~~~~~~~~~~~~~~~~

根本是個震倉屠牛養熊引淡的騙局

應跌不跌需防升, 睇港股表現極為反常, 必定是有一股力量暗暗掃貨令大市跌唔落, 周四新興市場貨幣反艇, 以往友邦必定受拖累, 但卻收升, 美債息倒掛, 美元走强上破97, 人仔連跌5日, 見逾一個月收盤新低, 港匯再度觸及弱方兌換保證, 上証近全日低位收, 老外大媽齊齊走貨, 滬大媽罕有地冇炒QQ, 配股消息頻傳, 牌面全面利淡,港股理應下挫,但港股卻企定定, 強得不尋常, 是因為基金季度結及期結嗎? 抑或係一如我早前所說的陰謀論, 賤格大鱷唔想升市益好友, 本來3月想爆上29500都忍忍手, 用拖字訣等4月才飛天, 周一(25/3)插水落28500只係為了屠牛清場, 大鱷食飽肥牛就會繼續原有的屠熊路線, 試完底再沖頂, 向前頂29486進發, 港股能走多遠看上証.QQ及牛熊分布, 熊愈肥, 上攻誘因就愈大

回顧過去一周港股的表現, 不難發現根本是個局, 大鱷大媽正趴街, 上周五(22/3)美股插水拖累港股本周一(25/3)暴跌, 周一開市前我諗住由29113跌到落28800應會磨下窒一窒才落28500, 因為呢兩個都係大位, 好少一舉插穿兩個關鍵位, 仲諗住係28800追沽或為倉底貨做對沖, 殊不知大幅低開612點, 一開市即刻隊穿28500落28498肥牛通殺, 一步到位冇靚位俾炒即市的淡友入市, 下午再落多一浸見28463, 當時雖然有災味, 但我覺得插得太過份, 跌勢不合理, 有點拿拿臨趕住殺牛的味道, 回顧2月下旬恒指上企28500以來, 一直都係在29000穿梭, 不會一去冇回頭, 不過通常最多升4日就回, 如升5日或以上就打破了慣性走勢, 代表大鱷已完成看好部署, 只要上証破頂3130, 恒指就會爆頂29486

25/3(周一)所有財經分析都極度悲觀, 我都估翌日(26/3)有可能下試前底28201, 但我認為會係秒殺肥牛即彈, 不會在低位徘徊, 會彈番上28800樓上部署結算位, 到周二(26/3)果然創新低28435, 但恒指卻守得住28400, 我就覺得有古怪, 因為以周一的恐慌性拋售格局理應不會插一天, 但周二大市已喘定, 而且成交縮沽壓細, 再加上其他測市指標都利好, 我就懷疑周一插水係蓄意謀殺趙完鬆

~~~~~~~~~~~~~~~~~~~~~~~~~~~~~

底頂上移尋頂格

回顧恒指過往的底頂歷史數據, 恒指每次都係彈1000~1400點就掉頭向下, 每當恒指插700或1000點就會掉頭彈高, 今次剛好插了千點, 又係重拾升軌的時候, 因為大鱷中意好淡通殺, 升得好地地就會突然大震倉落去殺牛, 當食飽牛扒就會走番上去繼續食熊掌

牛市有好友撐場, 結算周死不了, 港股今年在尋頂期間底頂上移, 任何震盪只要守得住250天線就會再向28800.29000.29500.29800.30000.....進發, 當牛肥就會拉番大市落去, 當熊肥就會扯住大市上山, 不走單邊升跌, 係大型上落市格局, 下列是由2月起恒指升跌韻律, 可由歷史的高低位來推算後市底頂

下列是由2月起恒指升跌韻律, 可由歷史的高低位來推算後市底頂, 如跟隨前次反彈幅度1000~1400點: 28435底+1000~1400=29435~29835, 如能升穿29835就係破位, 代表過去兩個月已消化沽壓, 大鱷已完成向好部署, 會有一浸大升浪

28193頂--->27534底 ~ 跌659點
27534底--->28533頂 ~ 彈999點
28533頂--->27845底 ~ 跌688點
27845底--->29241頂 ~ 彈1396點
29241頂--->28201底 ~ 跌1040點
28201底--->29486頂 ~ 彈1285點
29486頂--->28435底 ~ 跌1051點
28435底--->尋頂中, 向29435~29835進發

上面的底頂表反映恒指每一浸的底部都上移200~400點, 而頂部就上移250~700點, 所以4月初就會挑戰29486(前頂)+250=29736起, 如能上企28800就會挑戰30000, 如收30000樓上, 就會500點一級上移

~~~~~~~~~~~~~~~~~~~~~~~~~~~~~

通常逼死好友就彈高

中港美三地股市通常係同步見底頂, 3月尾三地股市齊齊尋底碌落山(道指插460點, 上証插61點, 恒指插590點), 25/3道指見底25372, 26/3港股見底28435/11177, 27/3上証見底2987, 港股25/3暴跌一步到位, 三地股市同步觸底回升, 亦同步重拾升軌, 展開尋頂屠熊之旅

過去兩個月港股反覆上升(窒窒步升來養牛熊, 有時就震牛), 但就失驚無神急瀉嘔700~1000點屠牛, 快速秒殺肥牛後, 轉頭幾日就彈番上去繼續屠熊, 彈1000~1400點又跌過, 呢個劇本既可推升屠熊, 亦可殺牛/震倉, 一舉兩得, 大鱷賤格冇益人, 不斷玩好淡通殺, 唔俾股民搭順風車, 3月份埋單合共殺熊13750張, 屠牛11662張, 名符其實的牛熊都要死,

港股每月慣性走勢: 高低高, 月初見短頂, 月中回吐消化沽壓, 下旬再尋頂, 收升月係先低後高, 會在下旬創即月新高, 就以3月為例, 4/3見短頂, 回吐, 8/3見3月低位, 19/3創3月高位, 但1月強勢就不是高低高, 係低高高, 3/1創1月低位, 大漲小回, 反覆急升, 31/1才創1月高位, 換句話說, 如4月收升, 30/4就會收29051之上, 4月下旬創即月高位, 睇盤路4月份會有大龍鳳, 會攻破30000向上推進

3月中技術派燈神梁蛇密密將中線倉加至近乎滿倉, 25/3港股大棍插水嚇死好友, 燈神唱淡叫走鬼, 連中線倉都大手減倉撤退, 代表大鱷已成功逼死及震走好友, 大鱷奸計得逞, 港股隨即拗腰彈高, 趴街大鱷玩好淡通殺, 打瓜好友就輪到挾死淡友

~~~~~~~~~~~~~~~~~~~~~~~~~~~~~

4月初繼續尋頂屠熊之旅

回顧過去兩個月恒指亦試過兩次非常驚嚇的插水, 收市跌幅都超過500點, 當時人人都以為港股會落地獄, 大唱逢高做淡及追沽, 結果翌日港股就拗腰向上, 一路走番上去, 仲愈走愈高破頂而上, 當時就輸死以為港股只係死貓彈的淡友, 過去兩次恒指大插水後都會有1~2個星期的反彈蜜月期, 跟住又再插一棍震倉, 我理解為當大市插水屠肥牛後連日反彈, 當肥熊死得七七八八, 牛牛亦會養肥, 所以大鱷又會走番落去屠牛清場, 試完底就會再沖頂, 食完牛扒又會彈番上去玩破頂, 以大鱷的習性, 一係4月初, 最遲4月第二周就要上30000

唱好買上亦要有兩手準備, 翻查過去兩個月恒指大插超過500點的歷史數據, 就會發現有幾個共通點

13/2見短頂28533, 14/2跌65點, 15/2(周五)跌531點(殺牛2485張)

04/3見短頂29241, 05/3升2點, 06/3升76點, 07/3跌258點, 08/3(周五)跌551點(殺牛5563張)

19/3見短頂29486, 20/3跌145點, 21/3跌249點, 22/3升41點, 25/3(周一)跌590點(殺牛3897張)

我睇到4個共通點

~ 要插超過500點必需要有肥牛做餌誘

~ 周末前後係高危日, 兩次插水係周五, 1次係周一

~ 三次暴跌都係大裂口低開, 一跌到尾, 目的係唔俾時間好友逃生, 15/2低開190點, 8/3低開370點, 25/3低開612點

~ 每次暴跌相隔2~3個星期, 因為大鱷要玩窒窒步上攻屠熊及養熊引淡, 亦要俾時間牛牛入局, 按照呢個時間推算, 25/3插590點, 4月第一周就不會插超過500點(以收市計), 因為未彈夠兩個星期, 所以4月初應繼續做好買上, 手痕想做淡前就要睇下牛熊分布表, 見向下600點有約4000張貼價牛就要小心大市要回吐

如果睇完今次分析月尾港股表現的網誌仍不了解大鱷操控大市的手法, 務必重看再重看, 直至完全明白為止, 當你知道大鱷的做市手法, 入市買賣就不會俾大鱷牽住鼻子走,


~~~~~~~~~~~~~~~~~~~~~~~~~~~~~~~~~~~

財經日誌

1/4公布內地財新PMI數據

文翠珊指國會推遲至12/3表決「脫歐」協議, 英國國會通過把脫歐限期延後至6月30日

第二屆「一帶一路」國際合作高峰論壇4月在北京舉行

中國及美國正就結束貿易戰的協議,在華盛頓進行第九輪高級別經貿磋商, 特朗普計劃於美國東岸時間周四(11/4)下午4時半,在白宮與中國國務院副總理劉鶴會晤

騰訊入圍競標韓遊戲商 Nexon, 交易規模最高可達15萬億韓圜(約1064.7億港元),最早將於4月初進行正式投標

加拿大法院未定孟晚舟引渡聆訊日期 押後5月8日再訊

中美將進行新一輪貿易談判,周四及五(28~29/3),美國財政部長姆欽及美國貿易代表辦公室(USTR)代表萊特希澤等將率領美國代表團訪華,展開中美第八輪高級別貿易會談。在本次會談後,中國副總理劉鶴亦會率領中方代表團於4月3日訪美,開啟第九輪中美高級別貿易談判。中美互訪後,才有望在4月底前達成協議,換同話說,中美貿易不確定性將會困擾至4月底。

最新回應

試下學下
試下學下 2019/10/15

夜期上了,但熊仔吾夠肥,牛仔拉後腿,是真定假上,大戶今日先開始散貨甘快玩完咪散吾切

*KK*
*KK* 2019/10/15
@soho*...

蠔大大, 盧蛇簡單咁分析左刀手單野啦.

月前都話中左"斯症候群"啦, 好自然會拒絕做正常人, 佢地 fact check 可謂得淡笑笑爆咀, 數月間思維演變真係夠誇的, 實在對住佢地冇乜道理好講. 此症心理變質長遠惡搞呢, 能否猛然醒覺, 佢地自己造化囉.

"早晚溫差"大呀! 親友搞康樂活動, 唯有組建自衛隊, 靠自家人互相關照囉.

如今, 爺爺食住花生, 多得香港咁大份禮送中. 世事既野... 呢鋪夠啜核吧!

門徒
門徒 2019/10/15

小門心目中273 {#iconb_289}會是最後一個升浪、再慢慢步進 {#iconb_616}

門徒
門徒 2019/10/15

265爭持中,我亦吉倉中 {#iconb_243}食飽要擦牙,上下四百各有過千張係咪?諗下大戶点食先,先升後跌定回完再上呢 {#iconb_214}