9~10/7 力守28000醞釀反彈.牛死熊命危

中港美三地股市再度同步見頂, 3/7道指高見26966, 4/7恒指高見29008, 上証高見3048, 皆不約而同分別受制於27000/29000/3050整數關口, 如以500及1000點為一級, 道指向下支持看26500, 恒指28000, 國指10500, 上証以50及100點為一級, 向下支持看2900, 由於中港美三地股市多數係同步見底頂, 當中美股市見底, 港股就會跟隨止跌回升, 淡友宜留神

假設恒指主波動區間在28000~29000, 就要跟住來炒上落, 29008打回頭, 企唔穩28800關鍵位就要向28000進發, 守得住就會挑戰28500, 今日低見28080, 28000~28200係好淡角力戰場, 目前28000樓下牛唔夠肥, 欠缺下插誘因, 牛仲要養下先, 不斷下移的50天線目前在28160附近, 今日收市位拋離不遠, 反映好友仍未放手

8/7~1/8 水星逆行, 期間有中美貿易談判, 有聯儲局議息, 業績期, 7月第二周開局第一天就踏入水逆時段, 港股即插, 不過已連跌5天, 跌勢過急, 唔好凈係向下望, 隨時會有反彈, 因為無論尋頂抑或尋底, 大鱷都鍾意玩失驚無神轉向, 令股民走避不及, 大鱷就可獲得最大利潤

小米(01810)市值達436.5億元股份9/7(周二)解禁

鮑威爾將於10~11/7分別到眾議院金融服務委員會和參議院銀行委員會作證, 其言論會對減息與否起啟示作用, 宜留意美元表現, 係港股升跌指南針

==================================

突發恐慌性拋售的下跌裂口多數會回補, 如能回補就可化解「島形頂」威脅

08/7 恒指下跌裂口 28541~28714

08/7 國指下跌裂口 10807~10858

大鱷於7月初食飽肥熊轉食牛扒, 要留易當食飽肥牛就會彈高, 殺埋下移的BB熊, 牛熊都要死, 市弱由高位插800~1000點就會彈, 如今已跌927點, 已進入達標範圍, 向上方面, 只要守住28000就會挑戰28500, 升穿28541就可擴大周波幅

同意雞煲所說要反手博反彈, 走熊買牛, 博彈上去吻別28500, 不過如未能全數回補下跌裂口28541~28714, 後市就要插穿28080來擴大月波幅

向下方面, 大型上升裂口不會一次過全數回補, 只要守住大位28000/10500, 跌下彈下就可好淡通殺, 無論大頂抑或大底都要經過無數次急跌急彈才出現, 好友淡友短炒波幅要手腳快, 否則貪字變個貧

19/6 恒指上升裂口 27584~28022
19/6 國指上升裂口 10538~10717

10~14/7周線, 周五(14/7)好淡角力關鍵位 28513/28774

內地傳出內房信託被銀保監約談，收緊房企融資, 利淡內房板塊

A股內地將迎來「打新」密集期，多間科創板企業將進行申購, 港股ipo亦抽走市場資金, 10/7申購百威亞太IPO已屆尾聲, 本港拆息回落, 銀根紓緩有利港股作出反彈

恒指今年上旬最長跌浪是五連跌, 未試過六連跌, 插穿關鍵位通常會彈上去吻別

第一次五連跌後彈下跌下, 然後大瀉
第二次五連跌後彈下跌下, 轉勢向上

燈神相反指標.看淡走鬼代表反彈在望

燈神日前見港股爆上28800看好叫粉絲追貨加倉, 跟住港股就反艇, 連跌5天, 但於9/7見插到落28080就看淡叫走鬼減倉, 相反指標係反彈在望, 而大媽就在28000附近開始入貨, 買QQ及建行, 連夜期都收高水, 代表港股快將出現反彈, 恒指由高位29008插到落28080, 跌近千點, 短炒淡友已有足夠水位食胡, 而且剛好落到19/6大型上升裂口頂部28022附近, 好友或會守關, 要有強烈利淡消息才會插穿

港股好少全周單邊升或跌, 點都會有反彈, 不過老外連續兩日大舉沽貨, 加上周三內地公布CPI.PPI, 周三晚聯儲局主席發表演說, 或會見避險沽壓, 都會削弱港股於周三(10/7)的反彈動力, 周四如能續升代表好友力守28000/10500

10/7 周三恒指收報28204, 升88點, 收復20及50天線, 向28500進發

連升斷纜利淡.連跌斷纜利好

港股競價連續三日低開後今日高開, 係好友反擊訊號, 昨日已說大市正醞釀反彈, 今日果然收升, 連跌斷纜利好, 今日升得少並非彈唔起, 示人以弱係詐死養熊引淡, 後市會向28541~28715的下跌裂口進發, 阻力在28600, 如能收28500, 就會挑戰28800, 大鱷等緊上証彈高做催化劑, 回顧7月初上証三連跌都彈, 如今又係三連跌, 預示明日上証會反彈, 利好港股

昨日和雞煲已提醒大家累積跌近千點有條件作出反彈, 五連跌後例牌彈高, 測市指標釋出多個向好訊號, 港股結束五連跌, 底部上移, 連跌斷纜利好, 恒指收復20及50天線, 連升3天的恒指恐慌指數收跌, QQ止跌回升冇創新低並大彈高, 中美股市築底, 上証創月內新低但港股唔跟跌, 國指升穿昨日高位, 底頂上移, 並連續兩日跑贏恒指, 美元沖高回落, 人民幣結束三連跌收升, 肥熊大幅下移至28543的屠殺範圍, 28000樓下牛不肥, 夜期連續3日收高水, 大媽入貨, 老外走A股力度連日縮減, 百威亞太IPO招股完成, 本港銀行同業拆息隨即由近日高位回落, 都係利好訊號,

唔少股份都見細成交乾跌夾硬質低收貨以及殺個股好倉及牛牛, 做淡食胡反手做好博反彈具值博率, 博大市重上28500來擴大周波幅, 周頂或底多數在星期四或五出現, 預示明日28080~28541會爆邊, 向上升穿28541機會較大, 因為有回補下跌裂口的誘因, 後市就要等牛養肥才會再插, 落去插穿前底28080做第二隻腳來擴大月波幅

大鱷借利好利淡消息將港股舞高弄低來搵食, 升跌都不好盡信, 否則會被挾屎, 4/7高見29008試水溫後, 日前大鱷以大幅減息0.5%機會降溫做大插的藉口, 其實市場仍預測減0.25%, 大插近千點不合理, 分明係為了屠牛而大插, 所以食飽就應該上番去

~~~~~~~~~~~~~~~~~~~~~~~~~~~~~~~~~~~~~~~

上周大鱷見29000熊瘦唔想再殺上去, 見28000~28600牛肥就動了殺機, 過去五日根本就係為了屠牛而夾硬隊港股落山, 既然食飽肥牛4147張, 剛好食夠超過四千張, 而熊亦下移, 以大鱷的習性就應上山屠熊順道回補8/7的下跌裂口,

恒指3~9/7五連跌全城看淡, 本來看好的燈神轉口風唱淡走鬼減倉, 肥熊在28543, 挾淡時辰到, 今日忍忍手僅小幅上升88點, 俾時間淡友入局, 大鱷唔鍾意長時間炒單邊俾股民捉到路搭順風車, 月初上攻屠熊, 跟住大插屠牛, 如今就作勢彈高部署屠熊, 因為大鱷鍾意玩突然轉向來好淡通殺, 牛死熊命危, 淡友小心

至於後市是否回補部份裂口再插過, 抑或全數回補8/7的下跌裂口28541~28715就要視乎熊量以及上証表現, 另外亦要留意27800~28100牛牛的成長情況, 大鱷玩28500穿梭, 好淡通殺都得

恒指由高位29008插到落28080, 已跌近千點, 跌近28000整數大關, 冇理由再做淡博呢浸插穿28000再落去27800關鍵位, 反而博上28541來擴大周波幅更有勝算

港股升跌主要跟上証.牛熊分布及老外/大媽的指揮棒, 可凌駕技術指標, 日前曾說港股會否再大插要視乎牛量, 以目前收市計雖然是牛多熊少, 但都要睇埋牛熊分布在哪個水平, 27800~28050牛唔夠肥, 但熊就下移至28543, 即係唔使破底都有得開餐, 大鱷就梗係玩彈高啦!

4~9/7牛熊分布係牛勁多大鱷已經流晒口水, 最高峰期時牛熊分布係 2:1, 所以周一二(8~9/7)大舉屠牛4147張, 肥牛陣亡後, 周三(10/7)牛牛大縮水, 牛熊分布失衡已大大紓緩, 令下殺誘因降低, 所以大鱷就將大市點穴, 俾時間牛熊入局, 結果熊大幅下移, 大鱷就梗係部署上攻屠熊啦!