16~19/7 28500穿梭好淡通殺

2019/07/16 18:18:01 網誌分類: 經濟
16 Jul

港股28500窄幅穿梭, 好淡通殺, 秒殺小熊即回, 28600沽壓增加

16/7 周二恒指收報28619, 升64點(最多上升80點, 一度下跌65點)

今日高見28634, 略為上破上周高位28603, 正在逐步回補8/7的下跌裂口28541~28715, 今日收市雖然上企28600阻力位, 其實係黑箱作業, 成交並不配合升勢, 過去幾日一直受制於28600關鍵大位, 今日亦不例外, 但大鱷就係收市U盤時段夾硬抽高32點, 恒指才得以收28619, 不過要企28600三天才可以初步相信是真突破, 大鱷用緊拖字訣來養牛熊, 部署日後的殺戮, 牛熊都要死

其實今個月恒指主力仍在28500穿梭, 後市如未能上破28650, 以周波幅計就要再插穿28500來擴大周波幅, 遊行及暴力事件已成常態, 每周一大鑊, 反對派將於 21/7 金鐘擺陣挑戰警方/政府, 人心惶惶沽壓增.買盤縮, 但港股但卻連升5天, 假如你係大鱷, 會不會伸一腳上去28600就係想秒殺熊熊及派貨鬆人呢?

明日能否守住28600是關鍵, 因為即市波幅通常有大約200點, 最少都有145~170點, 如失28600, 就要下試28400, 今日恒指波幅及成交急降, 係大龍鳳先兆, 博反彈今日已收手, 驚港股升勢斷纜, 只要上証在2900穿梭游走, 恒指亦會在28500上落, 溫水煮蛙式派貨, 殺貼價牛熊

~~~~~~~~~~~~~~~~~~~~~~~~~~~~~~~~~

回吐壓力增

過去1個月道指四連升例跌, 如今剛好已連升四天, 又睇下今晚(周二)會否跟慣性走勢收跌, 要留意中港美三地股市多數係同步見底頂, 當中美股市掉頭回落, 港股沽壓亦會增加, 美元進一步走強, 急升重上97.3關鍵水平, 人民幣受壓回落, 資金流利淡港股, 港股雖然連升五天, 不過近來都係乾升乾跌, 升跌都不能盡信,

過去3個月恒指四連升例牌斷纜, 反映連升後沽壓會增加, 但今日卻夾硬收升, 不過升幅不大, 而且升市下跌股份多, 有托沽派貨味, 恒指連升五天, 小心升勢隨時斷纜, 因為慣性走勢係全個星期不會日日升或跌, 通常會有2~3日收跌, 今個星期首兩天全升, 即係未來3天不會日日升, 要有兩手準備, 睇下15/7周一港股大插屠牛即急彈, 今日沖高秒殺熊熊即回, 就會明白大鱷操控大市上落易如反掌, 大鱷咬住28500水平穿梭, 方向難辨, 好友淡友都要死, 留意關鍵位28303/28471, 係周五好淡角力位

==================================

7月份恒指期貨大户加權平均開倉水平為28276

7月份國指期貨大户加權平均開倉水平為10732

8/7~1/8 水星逆行, 期間有中美貿易談判, 有聯儲局議息, 業績期, 反對派亂港, 7月第二周開局第一天(8/7)就踏入水逆時段, 港股即插, 其後出現五連跌, 低見28080後反彈高見28634, 近日反彈屢次挑戰阻力位28600都打回頭, 島頂威力以及牛牛拉住港股後腿, 但大鱷一直咬穿28500穿梭來養牛熊

7月上旬在28000~29000主區間內游走等7月下旬爆邊, 無論尋頂抑或尋底, 大鱷都鍾意玩失驚無神轉向, 令跟風的股民走避不及, 好淡通殺, 大鱷就可獲得最大利潤, 技術走勢方面, 雙底回升理應要沖頂, 除非大鱷今個月玩超細月波幅, 否則就要升穿前頂29008來擴大月波幅, 如向上再度受制於29000, 不進則退, 後市就要插穿昨日低位28071來擴大月波幅, 留意QQ表現就可知好友有冇誠意撐市,

國指已成功全數回補8/7的下跌裂口, 解除了島頂威脅, 港股後市升跌關鍵就要睇上証表現

裂口

08/7 恒指下跌裂口 28541~28715, 已補回部份,如能全數回補就可解除島頂威脅
08/7 國指下跌裂口 10807~10858, 已成功全數補回裂口

無論大頂抑或大底都要經過無數次急跌急彈才出現, 好友淡友短炒波幅要手腳快, 否則貪字變個貧

19/6 恒指上升裂口 27584~28022(未回補)
19/6 國指上升裂口 10538~10717(已補回至10632)

炒港股應要睇住上証來行動, 當上証升穿2955淡友就要小心, 如上証失守2900, 好友亦要小心, 不過近來有心人似在力守2900,

反對派沒完沒了地搞事, 政局混亂, 人心不穩, 勢必拖跨經濟, 香港前景堪虞, 假如你係大戶投資者, 會否來香港投資呢? 假如你係大鱷, 會推高港股派貨散水抑或咬住高位接晒散戶的蟹貨呢? 留意地產板塊強弱會有啟示

競價的慣性走勢: 近來恒指低開多數低收, 就算收升, 幅度也不會大

美企進入業績公布期: 本週有包括摩根大通、花旗、高盛和美銀派成績表,打頭陣的是花旗銀行, 小心股市會大幅波動

{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}

港股急跌急彈, 收窄跌幅呈陽燭, 連日在28500穿梭

17/7 周三恒指收報25938, 跌26點~收市U盤最高位, 最多下跌242點

國指收報10848, 跌17點(最多下跌105點), 國指跑輸恒指

連升斷纜利淡.沽壓未除.V彈托沽維穩

今日港股成交急降至$600億(昨日$656億), 亦係一如所料按照慣性走勢昨日應跌未跌, 今日亦要補跌, 五連升斷纜, 大鱷繼續黑箱作業, 又係收市U盤將恒指踢上去全日最高位收, 近來日日都係U盤做手腳, 其實港股沽壓仍未除,

賤美獅子開大口, 要中方返回早前貿易談判中所作出的承諾, 即係要自己企硬想贏到盡, 要阿爺大幅讓步, 當日反檯就係因為賤美貪得無厭太狼死, 所以講唔掂數, 現時中美雙方在中國購買美國農產品以及美國放生華為的問題上爭持不下

{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}{#icono_72}

恒指即市波幅急降.靜極思動.大龍鳳先兆.肥熊命危

18/7周四收28461, 跌131點, 連跌兩天, 失守20天線

成交細操控易, 收跌亦不能盡信, 港股升跌由大鱷話事, 連跌兩天亦未必是淡, 因為貼價有超級肥熊, 而且有裂口28541~28715未補晒, 雙底回升亦未彈夠, 補裂口任務一直未完成, 就係為了吸引熊熊淡友聚集, 28000~28350只得牛約1600張, 由於28600係公認的阻力位, 近日港股跌下彈下, 樓上熊熊愈養愈肥, 已聚集了約4000張肥熊, 夠數開餐

大鱷最鍾意貼價好淡通殺, 所以無論做好抑或做淡都要快閃, 港股成交太細, 變盤好容易, 一向頻頻轉向的港股已經跌左兩日, 淡友要留意的是, 近來港股無論點震, 收市位都係在大戶開倉水平28276/10732之上, 代表好友仍未放手, 雖然周末通常有避險沽壓效應, 但不要忘記港股已連跌兩天, 沽壓已紓緩, 而且按照慣性走勢, 上証明日反彈機會極大, 亦利好港股

大鱷追殺牛熊易如反掌, 上周五埋單牛熊分布均衡, 本周一突然插水400點低見28071偷襲BB牛即彈, 因為唔想放生28600附近的貼價熊, 跟住周二彈上去28634食埋BB熊, 周一殺牛周二屠熊, 周三撩牙養牛熊, 貼價牛熊埋身, 如今已經養到熊肥牛瘦, 具吸引力, 大鱷繼續係收市U盤踢高港股, 日日都做市, 必有所圖, 是維穩盤嗎? 抑或唔捨得上面幾千張肥熊? 想開餐?

周五係好淡角力日, 關鍵位 28303/28471, 如好友想本周收升, 明日就要踢番上去28500樓上, 一如日前所說, 只要上企28500就有望挑戰28800, 既可回補裂口, 亦可順道屠熊, 日前走高的美元連日下跌, 失守97水平, 資金流改善, 利好港股,

消息面利淡本來應向下, 問題係有無形之手托住大市, 老外及大媽掃貨, 港股梗係跌唔落, 仍在28500穿梭, 處於28000~29000困局中, 有基金經理表示炒波幅, 所以近日兩度趁下試28000水平就吸貨, 博彈上去區間頂部, 做淡要小心, 只要升穿29008就係破頂, 通常每月的20號至月尾係創月內高或低位的時間窗口

今日港股一如所料收跌, 恒指每周通常跌2~3天, 如今已連跌兩天, 已進入達標範圍, 上証今日急跌30點, 收2901, 剛好落到關鍵大位, 雖然收光頭光腳大陰燭, 不過阿爺個場未必跟技術指標, 今個月上証連跌3天例彈, 如上証止跌回升, 好友就有藉口出手

{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}{#icono_72}{#icono_71}

港股高開高走大幅收升呈陽燭, 大舉屠熊, 熊死牛命危

19/7 周五恒指收報28765, 升303點(最多上升348點), 收復20.100天線

早前說上企28500就會挑戰28800, 今日高見28809, 已達標, 不過上破關鍵大位最少要企3天才可初步相信是真突破, 尾市有異動, 近來收市U盤例牌踢高, 但今日卻向下走, 極為反常, 該時段成交亦增加, 反映投資者擔心周日7.21反對派會搞事拖累周一港股表現, 所以今日伸一腳上就沽貨鎖定利潤, 老外大手掃A股變相推高港股, 大媽細細力掃權重股, 上証一如所料止跌回升, 港股就借勢大彈高, 不過AH股相關性非常高, 下周一港股表現就要看上証, 周一例牌大龍鳳, 小心企錯邊,

今日港股急升, 既可屠熊/挾淡, 亦可預留下周的回調水位, 更順道以大陽燭全數回補了8/7的下跌裂口, 化解了島形頂的威脅, 不過一如日前所說, 今日雖然收升, 但大鱷玩緊好淡通殺, 唔走單邊, 專殺貼價牛熊, 好友淡友都要死,

市前燈神唱淡, 結果港股彈高, 收市後燈神轉口風唱好, 下周一港股會如何? 你懂的! 陸蛇收市評論港美股市, 標題是升得多.等跌市, 好友小心了, 牛在28400樓下, 28800是阻力大位

只要守得住7月份期貨大户加權平均開倉水平28276/10732, 代表好友仍未放手, 如上証在2900附近游走, 大市就會繼續在28500穿梭殺牛熊, 近日逆向ETF乏人問津, 代表避險意識低

最新回應

c6
c6 2019/08/20

警察打人

一定是假的

真的希望無發生過

感覺空氣都被污染了

c6
c6 2019/08/20
@(友仁) 程長浪子...

友仁大哥

C6支持你

你是最和平的

但C6想警察打人的片

是假的 太令人 失望了

撐警反暴
撐警反暴 2019/08/20

會不會變成傻仔一個?

撐警反暴
撐警反暴 2019/08/20

蘇豪,是不是好有形?要不要送你一套?現在香港出街唔安全,專業防暴頭盔!不是一般的單車頭盔!