沽空沽個突

6蛇說： 散戶買股，個個都想大贏特贏，買股只計可能贏幾多，計完數股價未升已經開心到笑，當正自己會賺大錢，但從來唔計自己睇錯準備輸幾多，唔會事事定下止蝕準則，當然亦唔會去做對沖。依家睇淡的人比較多，就以看淡為例吧，假如你估次按危險會完全失控，美股會災難性下跌，杜指會跌到8,000點、9,000點，港股自然一樣有股災，估計話咁快會跌穿20,000萬，跌到15,000點都唔奇，你因而沽清股票，甚至睇淡得太緊要，連間自住樓都賣埋，將所有投資清倉離場，然後等大跌。

但若果你唔止沽清，仲要沽突，例如狂買認沽輪，或者狂沽期指，又或者買其Decumulator （累積沽貨合約，宜家又被人改了個花名做「they kill you later」），咁又如何？若大市不跌反升，沽突就你中錘，你買的認沽輪會變成廢紙，沽期指會輸到入肉，而做了Decumulater更要不斷沽平貨俾人，你又頂唔頂得順呢？

不過話時話，宜家邊有人買輪嫁，期指更加唔會，論成本同槓桿，（指數相關）牛、熊證當道，只要不是大裂口，被回收，散戶個個走晒去買，仲天天幫襯添。

現時輪場處於高引伸波幅及低槓桿的日子，已延續一段頗長的時間。因此令不少投資者轉投牛熊證市場。加上美元弱勢，商品期貨及貴金屬已成市場焦點，因此輪商近日推出的金、銀窩輪及淨價投資證，甚至是相關股份的牛證均是（發行商）應市的策略。

見得太多小丑，跌得好深時叫人沽貨，正所謂唔坐都坐左，怕執笠都無可厚非，但想撈底先套現多數唔成功，因為大蝕本沽出後，心理得了大解脫，低處未算低怕蝕底唔入，升穿沽出價又不忿氣，所以跌至超殘價好心就唔好聽d小丑講。

咁持貨者又點？一返家鄉又係沽清，點知續升又追翻貨，都是逃不出高買低賣。

因此出出入入好無益。

下次想買貨時，睇下點解自己卻無貨，其實多數是沽貨好時機；下次想沽貨時，睇下點解自己成手貨卻無cash，其實多數是儲貨好時機。

除了揀股係好高深既學問，掌握timing不是真的那麼難，但卻次次被 貪婪 與 恐懼 主導了交易。

大家努力喇，後會有期 ~~