一國一制的來臨

國安法快將實施，好多有錢人特別有物業的人相對敏感比如我。有移民公司指近日多了查詢移民申請，當然會做成一定的不安，回首當年文革就是打倒資本家，除異己。當然大把人相信政府相信黨的，咁就繼續留低啦。為保障自身財產，徹資可能也是遲早的事，但並非呢幾年。

但不代表我睇不好樓市，你見香港樓市一年的社會運動又疫情都只係跌左個10%左右，就知個剛性需求幾咁強，始終冇錢移民的，都仲係要留低生活，又比如我想移民呢班人，也會想用港樓去收租以抵消生活開支。因為去到外國都基本上冇人請你，都係做下生意，用港樓收租起碼回報不差又可以賺價。

2年冇寫BLOG，講番少少期間發生咩事，主要係先前車位炒得好勁，之後2019的社運和經濟不景等，車位價格回落，現時賣出必定只可以蝕賣。哈哈，我都有損手的一日。如不等錢洗可以收租擺下先。

及後，不久放賣了屯門單位，以套出利潤。又因為政府放寬了800萬可以九成按揭，下一步再睇下會唔會買自住樓。或者再有筍盤都可以入貨。我到而家都係覺得細價樓潛力仲係好大，有平的都會買。繼2015年我發表的"細價樓仲有2,3年玩" ，永遠上車盤都係受新婚夫婦，相對窮的人歡迎，無論首期、按揭、需求、租客對象，負擔都比較細。

長遠的公營房屋供應，政府公佈都係5年10萬個公居屋單位，究竟你又有冇份抽得到? 而團結香港基金報告於4月指出，私樓單位14000個，即是過去十年的供應不足之餘，來緊亦繼續不足，而且每年公私營房屋都唔達標，沒有龐大的供應量始終壓不下樓價。如果來緊會留係香港的你，都冇得唔買樓，一係挨貴租，雖知疫情下，業主都冇咩減過租價，最多減$1-2000，下年都會加番租。

今日中原城市指數178