估不到的樓市~
今2016年剛剛完~好多樓評人都估錯市,包括我都唔例外...
年頭吹得好勁話會加息,業主確係驚左一下,但事實係佢地全都借好少錢,甚至係已供完。叫佢地平賣樓,最後佢地寧願唔賣收租,結果年中跌市2成後，平盤比用家買曬,持貨多的業主就賣走一兩件，發現原來個需求係咁強之時,又漸漸去番上年高位,今日中原指數:145, 平高位之餘,新界西更加係追落後，上年有2成的升幅，之前買左嘉湖的人賺不少。
而我係低位賣出新葵方花園之後,就一直升市，2房價去到500萬，我差不多賣平左100萬,新買家真係訓著都識笑。好在我都係冇全新部賣出，發現唔對路之後，我隨即係10月再次入市，今次買屯門3寶之1。細價樓$250萬，248',其實呎價一D都唔平，成$9600，但我睇好細價樓，而且屯門始終都尚係追落後的地方。收租市場大約7500左右，尚可接受。睇好將來300萬左右。始終現時或未來3年都係細價樓係皇道。
樓市跌不下都係因為租金有支持，亦反映左無論自住、新婚、投資對細價樓都好大需求。重點係個經濟都未算好差,失業率低，相比之下供款都係好過租。
1. 政府鎖死400萬按揭, 自住收租都係睇住呢口價
2. 年輕人上車資金有限
3. 印花稅相對比少D
但當個細價樓供應再多到一個點，或者政府終於醒覺改變政策之時，就應該係中價樓的世界，始終會生仔會想住大D，生活好D，最終都會買大單位，只係而家大家都知道未係時候，壓抑住個換樓需求。
* 近期得出一個新結論，發現全港只要有近MTR的地方，樓價都係一樣咁貴，以前可能會覺得新界一定會平少少，但其實近住MTR上蓋的物業，一舨都同市區棲睇齊，原因係:1.當區的新家庭和換樓客，要住近家人。2.由於SSD之後盤少，為左番工方便D，都唔介意住新界，只要MTR近就得。現時好似屯門、元朗咁，新樓舊樓的賣家都同市區冇分別，所以新界的細價又近MTR的物業，如果仲有有低水既，都唔怕買入收租。
