貴精不貴多

2020/10/12 04:13:25 網誌分類: 生活

12 Oct

        　　身為馬迷，如學生一樣要做功課（度馬），做多，做少，更有人唔做，無論你是那一類，只要覺得適合就可以。

        　　慣做功課的，做多、做少都好，最重要是唔好做錯，方向一錯，做幾多都如白做。

        　　做得多，唔代表做得精，無論你係邊一派，都得提自己，唔好走火入魔，走到極端，睇法及結論便會歪掉，忽略一些可能是真正的敗因；太有自信，只信自己的一套，唔係唔好，最怕產生排外潛意識。

        　　記住，蝕步速、放唔出、走外疊、走不利場地輸，唔係大晒！同樣缺課、操得唔夠、體重跌，亦唔係大晒！做得唔全面，只做五、六成，點夠呢？唔夠時間？就要追求做得精，好似執中藥，樣樣都要些，缺一或加一，都會無效或出事，今日度馬前，先問問自己，有無執漏邊樣呢？

        子健