2-6/11 港股首周升升升

2020/11/02 20:37:12 網誌分類: 經濟

02 Nov

11月開局首周(2~6/11) 升升升升

7/7創今年第三季大頂26782後展開尋底之旅, 累計下跌3658點, 25/9見今年下旬大底23124後止跌回升, 展開尋頂之旅, 10月份升勢凌厲, 累計反彈1846點, 不過於23/10高見24970後受美國總統大選前避險獲利沽壓拖累, 月尾回吐10月份大部份升幅, 收24107, 不過我認為10月壓低收, 淡友食胡反而有利11月市況, 有更大向上空間

11月首周開局前先假設本周中港股市都係收升，按照慣性走勢收升周多數在星期三四五(4~6/11)創本周高位，只要美國大選冇出事，中港股市仍會繼續尋頂, 最重要係債息及匯市形勢都利好股市，而且港股有大媽睇場，每次大跌都見大媽掃貨護盤手影

由今年1月中起, 恒指通常升1~2個星期就跌, 未見過連升超過2個星期, 但自從25/9見大底23124後, 就連升4周, 極為反常, 反映低見23124有大手買盤湧入掃貨, 形成強大支持力, 不斷推升仍有買盤跟入, 代表買家看好後市, 市場最怕不明朗, 待美國大選塵埃落定, 陰霾散去, 投資者就會用腳投票, 而10月的升市, 好明顯係偷步買盤趁低吸納

大媽的新經濟愛股頻頻破頂而上，大媽積極大手掃貨，反映港股由好友主導，每次略為突破25000 都打回頭, 係大鱷震牛養熊的手法，因為大頂是不會在整數關口邊(25048/25093）, 以月波幅計11月會見26500

港股未有見頂跡象，仍有上升空間, 11月開局以來一直都係由好友主導大市，每次大市沖高回落，引左淡友入局之後，大市又會彈返上去

11月開局順勢應做好友買上，如果包抝頸想造淡，出手前先要思考為何大媽用巨額資金日日掃QQ及美團等多隻大股，淡友唔信邪見股價連日上升造淡就死得, 大媽掃貨必有後著

~~~~~~~~~~~~~~~~~~~~~~~~~~~~~~

如拜登勝出利好中港股市

睇盤路近來資金係買上，因為民調顯示拜登一直領先, 德國杜莎夫人蠟像館早前已率先將侵侵的蠟像丟進垃圾桶, 經濟學人亦斷言侵侵不會連任,

其實民調反映支持拜登的選民領先幅度不算大, 皆因唔少選民本來支持侵侵連任, 除了喜歡他事事以美國優先, 亦因他兌現了當年競選承諾，例如搞好經濟、減稅、建圍牆、美國優先等政策, 教徒亦相信牧師所說上帝選擇了特朗普，這是神的安排，不過侵侵抗疫不力, 導致美國有近24萬人染上新冠肺炎死亡, 醫療系統不勝負荷, 所以部份侵侵的粉絲離棄侵侵, 換句話說, COVID-19將會是侵侵失去總統寶座的元兇, 怪不得他恨透中國

問題係侵侵是現任總統當權者，他必定會用盡卑鄙手段來保住皇位，侵侵已預先安插自己友做郵政局的局長，以及高院的大法官，萬一輸掉大選出現爭抝，侵侵就能在判決上處於優勢，侵侵一直說會勝出，抹黑郵寄選票做假〈拜登支持者郵寄居多〉，如敗選必定係選舉舞弊，亦呼籲支持者隨時上街抗爭，暴動一觸即發

我認為新冠肺炎係上天用來懲罰人類, 經濟發展及人類不注重環保, 大量碳排放導致全球暖化問題日益惡化, 科學家估計地球的氣温在2030年可能會上升約攝氏3度, 科學家發現一些對氣候敏感的物種已開始出現無法適應的現象,

究竟COVID-19是否因地球暖化而衍生出來的病毒呢? 傳染力強, 有隱形帶菌者, 患者死亡率不算高, 病毒具變種能力, 在在顯示地球病了, 人類係自作自受, 但侵侵不承認碳排放導致溫室效應, 反對採取減排等補救行動,

侵侵剛退出於2015年由全球超過200個國家簽署的「巴黎氣候協議」, 侵侵反悔皆因要討好美國的煤炭與石油業, 來增加競選籌碼, 爭取連任勝算, 老天爺憤怒了, 派COVID-19來處罰傷害地球的人類, 如今全球經濟及交通因新冠肺炎被逼停頓下來, 大幅紓緩了碳排放, 地球才到一絲喘息的機會，這是天意，人類如不改過自新，更惡的新型病毒陸續有來

投資者認為如拜登勝出利好中國股市，因拜登反對貿易戰, 早已明言如當上總統就會取消貿易戰新加徵的關稅，對全球來說係天大利好消息, 所以上周港股回吐時, 低位承接力強, 睇下道指10月尾一周暴跌1834點, 但恒指只係跌811點, 守得住24000大位, 國指亦僅跌365點, 10月份埋單中港股仍能收升, 扭轉9月份的跌勢, 確認向上趨勢

影響港股升跌主要係睇資金流及大媽手影, 如今這些指標都係向好，侵侵一直逼美國投資者沽出中國股票，甚至踢走已在美國上市的中資股, 如今華爾街大鱷認為侵侵會落台，所以就偷步買入中港股票博拜登勝出，中美貿易戰就會結束,

~~~~~~~~~~~~~~~~~~~~~~~~~~~~~~

資金流利好中港股市

27~30/10連跌4日, 11月開局首日升, 慣性走勢係連跌斷纜利好，試完底再冲頂，所以今次順利突破前頂24970，資金流已改善，人民幣強番，美國十年期債息守住0.8%再度上揚, 股市形勢大好

歐美疫情惡化, 經濟差, 散戶心理上會看淡, 其實不應預設立場看好或看淡，否則好易錯判形勢，忽略了市場的變化, 目前測市指標向好，港股升幅全面，唔係淨係升龍頭股，連細價股都爆上，係資金市的格局，數據顯示近來熱錢流入新與市場，唔排除已流入中港股市

今年1~9月份當中, 恒指有7個月的月波幅有1700~2300點, 10月份以月波幅計，恆指應要上25200~25500，但大鱷留力，上到24970就收手, 搞到10月份只得約1300點超細波幅，以大鱷的習性, 10月細波幅, 11月就會大波幅, 大鱷才夠水位做世界, 相信大鱷係想等埋3/11美國選舉, 選情明朗化才出手，今個月低位在24232，加一般1700~2300 點月波幅都要見25900~26500，如果資金市月波幅就會更大, 近年見過幾次3000~3500點超級大波幅, 11月高見27000也不是夢, 不過7月頂在26782, 技術上阻力極大

10月下旬上證走勢疲弱, 惟仍能力守3200大關抝腰向上，所以恆指就守得住24000唔使破底, 只要11月份上証再挑戰10月高位3371, 就可推動港股殺上25000.26000..., 港股走勢多數跟中美股市

散戶唔好淨係睇住港股幅走勢圖以為25000攔路，亦不要盡信疫情及經濟差等壞消息，因為9月份港股暴跌, 以及上周(10月尾)港股連跌4天已消化唔少沽壓及利淡因素，上周淡友亦已食糊，所以本周理應彈高，目前港股的格局好似十月初, 一開局就扯住上, 大漲小回的格局

${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$ ${#icono0_51}$

(5~6/11)周四五~中港美三地股市同步見底.同步尋頂

11月開局前建議逢跌買上，當時估計11月港股會收升, 即係月初見底, 11月下旬才見大頂, 因為當大選明朗化，資金就會入市，唔好估頂，過去幾日一直提醒大家做淡係高危，市場已作出部署買拜登勝，會取消貿易戰，所以資金流入中港股市

30/10道指見底26143, 上証及港股於2/11亦見底3210/24232/9820, 其後同步急升扯住上, 中港美三地股市同步見底, 目前係同步尋頂中, 踏入11月第一天恒指創月內低位24232，其後每日都係底頂上移尋頂，以月波幅計可見25900~26500, 甚至更高

港股已收復所有平均線均線，人民幣強爆連升兩天，後市隱憂是日圓走強(幸好美元弱), 港匯轉弱, 以及港股於25093~25343/10173/10299有上升裂口, 不過市強不應全數回補裂口, 應先行尋頂, 攻上26000

一直瘋狂打壓中國的總統侵侵下台的話，市場可以有很大的想像空間，順勢應做好，唔好立亂做淡住, 目前拜登領先符合華爾街大鱷的部署，所以大鱷唔使換碼，全球股市就炒高

如果11月係收升月，就不會在月初見大頂, 11月第一週，周五(6/11)已高見25799，由於本周波幅1567點已超標，加上大市超買要消化沽壓, 大鱷刻意在25800關鍵位前卻步，預留多些向上空間畀下周，順道引熊入局, 今日即市完成調整, 係好友主導大市的格局, 市強多數係即市調整或小幅收跌, 跌幅少過200點, 亦不會連日大跌, 回吐完就會破頂, 只要中美股市冇破底, 港股亦不會獨自破底

~~~~~~~~~~~~~~~~~~~~~~~~~~~~~~

尋頂市每周創新高

尋頂市每周都創新高的話，以週波幅計，下周就會上破26000，甚至更高，一般來說，恆指月波幅有1700~2300點，如果大龍鳳就會更多，10月超細波幅，會谷大11月波幅, 500點一級上就會見26000.26500.27000……

我已經講咗好多次，如果成日諗住做淡，就會忽視利好信號，過去幾日已證明淡友睇錯市, 港股已突破重大阻力位, 上周我已經說大媽在高位大手掃貨必有後著，如今證明大媽係大好友，賺到笑

一直擔心侵侵敗選會引起暴動會拖累金融市場，不過上周睇滙市及債市，資金流向新興市場及中港股市，即係投資者驚侵侵發癲反而益咗中港股市，熱錢流入，所以本周就向上炒, 突發的資金市，見港股大升，破位而上, 後知後覺的投資者貨少, 見回吐就會追貨，加強港股低位的承接力

睇過去幾週港股的表現，當美股暴跌時港股反應溫和，道指及恆指的差距大幅收窄，顯示今次港股升浪係跟上證而唔係跟美股，因為熱錢係擔心美國出現動亂，所以流入新興市場及中港

只要中美股市繼續尋頂，港股亦會跟住上，齊齊破頂，淡友回補空倉及投資者追貨的話，大市就會超買再超買，繼續底頂上移尋頂, 如果由好友主導大市, 見沽壓大, 大鱷就會踢高大市, 再回吐部份升幅, 如此一來, 就可收升, 唔使跌入肉及跌穿前底, 維持底部上移的走勢, 亦可用輪動的方式來推高大市, 急升股回氣, 落後股接力推升, 所以未收復平均線的落後優質股仍有上升空間

9/11周一恒指連續2日收陰燭, 收報26016, 升303點, 高位沽壓加劇

港股跟隨美期急升, 預示今晚美股會彈高, 不過近日港股升勢過急，我傾向減磅，唔少股份都升過龍，如果明日再伸多一腳上去, 港股超買情況會更嚴重, 獲利沽壓會加劇, 目前牛熊分布為牛58% VS 熊41%, 如果明日再沖上去屠熊, 熊熊就死得七七八八, 小心大市會掉頭向下

公布業績:

周三(11/11) 港交所
周四(12/11) 騰訊
周五(13/11) 京東
周五(13/11) 恒指季度檢討(市傳美團大熱入恒指)

${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$ ${#icono_64}$