13~19/7 見頂回落續尋底

2021/07/13 19:13:38 網誌分類: 經濟
13 Jul

港股連升3天沽壓大增, 高處不勝寒, 不進則退

13/7 周二恒指收27963, 大升448點,

港股急升, 但成交只得$1557億, 並不配合升勢, 似係挾淡, 全民皆艇成手蟹, 股民入市意欲低, 基金經理都傾向炒大牛市的美股, 不過港股及美股齊齊上到關鍵阻力大位, 今晚美國公布CPI不利股市, 聯儲局主席今晚發表講話, 鮑叔每次開臭口股匯債都會大幅波動, 可能係好友急於連抽三棍上去28000食胡的原因之一,

以往出現大反彈浪, 當貼價牛出世並養肥, 大市就會突然掉頭向下, 今日27600牛新登場, 支持位在27500~27700, 如升浪未完, 落山食1~2口牛(或震倉)就要重拾升軌, 再上攻28000, 由於預期本周恒指收升, 所以待調整完就要再上, 未來三天(14~16/7)不應插穿27500, 如市強或未見頂, 好友就會力守27700, 如失守, 代表今次升浪結束, 27500就危

美元急升, 利淡人民幣, 通常人仔下跌, 老外就會沽A股, 今日恒指高見28052, 去到阻力大位, 通常第一次挑戰整數大位都係試水溫, 要回氣才能再上攻, 由低位累計大幅反彈約1200點, 周波幅已達標, 亦夠水位俾大鱷轉身, 屠熊575張, 再上去貼價熊唔算肥, 要再養下先, 牛牛大幅上移至屠殺範圍, 期指未平倉合約大減,

股神愛徒李祿減持比亞迪, 係利淡消息, QQ企唔穩$560, 收$555.5, 大鱷大媽推QQ上去挾淡, 以及掩護沽出其他股份, 要QQ上企$560才能推動港股更上一層樓, 滬大媽大手掃QQ美團小米中芯等科企, 係今日港股急升的原因之一, 但深大媽繼續沽QQ, 反映北水仍傾向推高走貨

上証收3566, 升18點, 雖然連升兩天, 但內銀A股走弱, 老外沽茅台, 壓住大市, 後市當上証失守3550大位, 港股就危, 因為中港股市係同步尋頂.同步見頂, 當上証連升斷纜就會拖低港股, 由於本周港股未跌過, 小心隨時會調整, 博反彈要睇位食胡, 大鱷大媽借降準消息來推高大市挾淡及紓緩超賣, 其實一眾利淡港股的因素仍在, 高位派貨及換馬手影明顯, 今年科指最長4~5連升就斷纜

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股三連升斷纜, 消化沽壓, 儲力向上

14/7 周三恒指收27787, 跌176

今日港股回吐, 消化連續三日急升的沽壓, 成交細, 乾跌, 低見27708(支持位27500~27700), 好友力守長方形橫行區底部27700(肥牛在27600水平), 28100樓上熊熊愈養愈肥, QQ走勢改善, 連升兩天, 不斷挑戰$560水平, 如能上企, 有助推動港股更上一層樓

上証急跌38點收3528, 內銀內險油企比亞迪A股急瀉, 內地股市整體下跌股份非常多, 沽壓沉重, 大鱷要等上証(或內銀內險A股)觸底反彈, 才有藉口再推港股上28000

美元急跌, 人民幣反彈, 利好中港股市, 上周已預測如跟慣性走勢, 本周恒指會收升, 升市日數會增加, 未來兩天會升穿28052創本周新高, 今日港股成交只得$1436億, 成交急降係大龍鳳先兆, 明日有水到, 今日港股回吐, 消化沽壓反而有利反彈,

QQ及阿里據報考慮逐步向對方開放各自服務, 但今年科指最長4~5連升就斷纜, 目前已經四連升, 預期明日科企獲利沽壓會增加, 大媽或會在高位走科企

{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}{#icono0_51}


港股急升秒殺肥熊即回, 高位獲利沽壓湧現, 收窄升幅

15/7 周四恒指收27996, 升208點

中港美三地股市都正在聚頂, 本周美股炒業績見光死, 納指連跌兩日, 科指今日高見7705, 頂部連續兩日下移, 今日先高後低, 單日轉向, 科指跟隨慣性走勢結束四連升, 以往科指連升斷纜多數跟住出現連跌, 預示明日科指會續跌, 港股升市成交縮, 挾淡夾硬推升, 科企腳軟拉番大市落山, 但資金換馬, 舊經濟股靚爆鏡, 推動港股向上, 擴大了周波幅及屠熊, 不過高位一瞬即逝, 唔靚仔

期指未平倉合約大減, 可能係短炒好友食胡, 空軍再出動, 沽空比率急增至14.73%, 近來累積沽空愈來愈多, 代表淡友早晚會再出手殺跌, 不過按照慣性走勢今個星期恒指周線會大升, 本周有好友睇場, 回吐也不會深, 下星期才是好淡角力的關鍵周, 上証今個星期周線亦收升, 與港股同步尋頂

周二恒指高見28052, 當時睇本周已升到水尾, 因為細周波幅700~800點可見28100~28200, 今個星期不應上28400(大周波幅1000~1200點=28400~28600), 因為反彈跌幅的一半可見28128(今日高見28181), 但周一二升, 未跌過唔得, 所以估周三要跌及俾時間淡友入局, 但收升周要在周三四五創周高位, 所以昨日下跌, 今日就破頂收升屠熊, 結果今日創周高位見28181, 已升抵本周反彈目標範圍, 大鱷玩28000穿梭, 養牛熊

~~~~~~~~~~~~~~~~~~~~~~~~~~~~~~~~

後市如作出調整, 只要收市守得住27700水平, 反彈浪未完, 如插穿不妙, 28200再上就一步一驚心, 阻力非常大, 上周插穿28216及28300水平, 支持變阻力, 不過以大鱷的習性, 今次反彈浪仍有望閃上去挑戰阻力位, 港股能否再上攻就要看上証及科指何時完成調整, 如上証見頂, 港股亦難以獨自去偷歡, 要上証上破3570及3600, 港股上升動力才會增強

全靠老外大手掃A股, 加上今日降準生效有水到, 上証反彈收3564, 爆升36點, 差不多收復昨日所有失地, 表現亮麗, 不過今日內銀內險A股大幅急升, 以往升勢都係難以持續, 畢竟利淡內地金融股的因素仍在, 上証連日受制於3570關口, 後市能否破頂而上對港股升跌舉足輕重, 因中港兩地股市係同步尋頂, 同步見頂回落, 港股食粥食飯睇阿爺

QQ急升但受制於$572阻力大位, 要QQ上企$572才能推動港股更上一層樓, 今日QQ收$565, 如QQ守得住$560, 代表好友仍在, 如插穿$560就發出警號, 失守$550就代表港股反彈浪結束, 美元昨晚下跌, 老外掃A股, 刺激今日中港股市反彈, 但今日美元再度重上92.5, 人民幣回落, 不利中港股市, 要留意老外明日會否沽A股獲利,

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股急升秒殺肥熊即回, 高位獲利沽壓湧現

16/7 周五恒指收28004, 升8點

靜候下周爆邊.不進則退

過去一周恒指高低位27420~28218, 周波幅798點, 達標, 一做夠周波幅好友就散水, 昨日曾說下周27708~28181一定要爆邊來擴大恒指新一周的波幅, 由於美元急彈上92.7的高水平, 人民幣下跌, 老外沽A股獲利, 好友怕夜長夢多, 急不及待今日就破頂挾淡, 剛好去到阻力位28216, 高見28218秒殺肥熊即回

如果下周港股轉勢向下, 就會插穿低位27708(5月低位27715), 向27500進發(3月低位27505), 就可擴大新一周的波幅, 近來港股一路推升, 沽空就一路增加, 當空軍累積足夠淡倉, 港股就會大插插,

今日港股收市升跌幅度不大, 但下跌股份明顯多過升股, 托沽味濃, 由於是收升周, 好友撐市態度明顯, 全周恒指大升660點, 不過港股本周急彈係因為月初暴跌, 係超賣的技術性反彈, 升勢未必能持續, 28200向上阻力重重, 現水平買港股博上28500唔安樂

正路港股今日應收跌, 恒指3升2跌才合乎慣性走勢, 但最終恒指夾硬收升(全周恒指4升1跌.國指3升2跌), 本周恒指升得太多, 透支了升幅未必係好事, 點升上來就點落番去

~~~~~~~~~~~~~~~~~~~~~~~~~~

何時轉勢向下?

睇升跌日數估計下周初港股會轉勢向下, 今日午後上証碌落山, 恒指卻無啦啦夾硬衝上去創本周新高28218屠熊, 底頂上移向上推進, 符合本周由好友主導的形勢, 但QQ、國指及科指冇創新高, 與上証同步冇破頂, 反而係正路, 代表恒指係博大霧推升, 好友大鱷好趕時間, 想趙完鬆, 可能今晚外圍股匯出事,

早已說過玄學家預測6及7月都不是好月, 對港股後市不應過份樂觀, 日前已提醒大家博反彈要睇位食胡, 因為近日恒指大升已反彈跌幅的一半, 已經夠水位俾大鱷轉身,當反彈浪結束,就要繼續尋底之旅

本周由好友主導大市, 當然係忽視利淡消息, 見好消息就借勢推升挾淡, 相反, 假如好友本周已食胡, 下周淡友奪回主導權, 就會對利淡消息有強烈反應, 趁反彈減磅走貨, 港股升跌都好假, 操控味太濃, 散戶好蝕底, 本周唔少成份股都彈到上阻力位, 呢兩日高位見獲利沽壓加劇, 一彈上去就打回頭,

早前我說港股8連跌, 以升跌平衡來推斷, 不會升一兩天就收工, 閒閒地升一個星期, 如今全周5天反覆上升, 已升到水尾, 因為我哋一直假設今個月收跌,正路8連跌後反彈不應多過8天,加上恆指已反彈跌幅的一半,QQ於周四已見頂,底頂下移,並不配合今日恆指底頂上移創新高,代表港股反彈浪已屆尾聲,所以下周初理應掉頭向下,向前底26861進發

睇最新貼價牛熊分布, 瘦牛上移至27800, 而28200~28600有肥熊約1700張, 不過處於阻力大位28200~28500內, 整體牛熊分布卻是牛多熊少, 夾硬抽升都企唔穩高位, 下殺危機未除, 收市U盤恒指罕有地急挫85點, 創今年收市U盤最大跌幅, 該時段阿里成交急增, 大鱷為何急於走科企? 預示下周一不妙,

中美關係不斷惡化, 老美正趴街, 禁止荷蘭ASML公司售賣光刻機予中國, 美國晶片界亦有利淡消息, 科企捱沽, 市傳內房恒大資金遭凍結, 不利內地金融股

我已經寫過好多次提醒大家, 港股的慣性走勢係, 恒指出現反彈浪, 不斷上攻屠熊, 當貼價牛出世, 就係大市轉勢向下的時候, 一般來說, 恒指全周多數升2~3天, 但本周恒指4升1跌, 升市日數太多, 下周跌市日數理應增加

{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}{#icono_71}

港股見頂回落續尋底,繼續屠牛

19/7 恒指收27489, 大跌515點,

上周五彈上28218, 只係飛吻28300就掉頭回落, 係因為大鱷知道外圍股匯唔對路(美股見頂回落), 恆指由9/7低位26861已反彈逾跌幅的半,大升1357點已超標,好友快閃食胡鬆人,其實上周四科指已率先轉勢向下,今日港股低開低走,冇跟上証抝腰收復失地,反映淡友已奪回主導權, 大媽繼續走貨係跌市的幫兇

今日港股一跌到尾, 敗象已呈, 今日才是第一棍殺跌, 不會一棍到底, 博反彈係高危動作, 因為月初插穿27500係直落冇拗腰咖! 加上收跌周是不會在周一見底,預示大市未跌夠,要跌穿今日低位27397來擴大周波幅, 睇下好友會否力撐250天線27170, 幾時落27000.26861(前底).26500就要睇淡友大鱷的部署, 本周插幾深就要看大鱷想預留幾多下跌水位俾結算周以及8月份,

上周大反彈係窒窒步升, 引淡友入局, 本周反艇就係窒窒步跌, 今日恒指扮守得住27400, 冇直落27000~27200係俾時間好友入局, 結果大量牛牛飛撲入市, 27300樓下牛牛愈養愈肥, 一路排到落26500

內地股市表現唔算差, 茅台開市初段略為下跌, 半日收市前已轉跌為升, 午後一路攀升, 帶動上証收復所有失地, 上証收市僅跌不足1點, 內銀內險A股升跌幅度不大, 但石化雙雄A股反艇, 港股冇跟內地股市拗腰上, 係因為五大天王友邦匯控QQ美團阿里及一眾科企反艇, 英鎊愈跌愈有, 加上長債息大跌不利銀行股, 匯控就跟住瀉, 破位而下,

新冠變種病毒進一步肆虐, 全球疫情惡化, 避險貨幣美元強勢持續, 淡友可能等美元衝上93水平就會再推港股落山, 人民幣及港匯急跌, 資金流不利中港股市, 9/7恒指創新低26861, 今日恒指雖然冇破底, 但多隻成份股已跌穿9/7的低位,股份通常係先行,具啟示作用,預示港股將會破底, 不過恒指月波幅已進入達標範圍, 大鱷要預留下跌空間俾8月份

港股下跌步伐亦要睇A股, 要看上証能否守住3500水平, 今日低見3506即彈, 真係好神奇, 今個月每次落到3500附近例牌彈上3520樓上收, 如上証失守3500或內銀內險A股插水, 港股就危

最新回應

水滴石穿
水滴石穿 2021/09/24

上海微创医疗机器人(集团)股份有限公司-B通过港交所上市聆讯。

中国人民银行发布进一步防范和处置虚拟货币交易炒作风险的通知。通知指出,虚拟货币相关业务活动属于非法金融活动。

試下學下
試下學下 2021/09/24

中海油中移動。持倉。內銀內險要等壞帳的金額公開

QQ比亞迪次要

香港地產銀行避。樓價小跌/估值跌。長期不利。要為社會

個人支持有能人做業主。安居樂業。丫爺政策用心苦心

投資高手
投資高手 2021/09/24

各位高手

結算前下跌目標看多少?結算價看多少?

投資高手
投資高手 2021/09/24

恆大昨天沒有付債息,

週四(23日)需支付一筆20億美元海外債券的8,350萬美元利息,而下週還有一筆4,750萬美元的美元債利息到期,惟集團仍未公佈相關處理方法。假設集團逾期付息30天,該兩項境外債券將違約。消息指出,部分債券持有者已放棄週四獲得20億美元海外債券付息的希望,但期望恆大未來能夠提供更多資料。報道引述高盛亞洲新興市場信貸交易主管Connor Yuan認為,監於有30天的寬限期,估計恆大或試圖於期內完成付息。