8月上旬中港股市同步尋頂

2021/08/06 16:54:30 網誌分類: 經濟

06 Aug

港股回調整固, 消化沽壓, 儲力向上

6/8 周五恒指連跌兩日, 收26179, 跌25點

本周六(7/8)轉節氣立秋, 恒指已連跌兩天, 下周變盤, 去年立秋後係急跌急彈, 踏入8月份,每次插穿26000都彈上26150樓上收, 反映好友健在, 目前港股正處反彈勢頭,只係回調整固, 消化急升後的沽壓, 目前牛熊都非常貼價, 牛在26000, 熊在26340, 26600樓上熊熊愈養愈肥, 以千點周波幅來看, 貼價牛熊都要死

有分析指歷史數據顯示7及8月的月線多數係同一方向, 不過我認為由於今年7月出現股災跌過龍, 8月有可能唔跟歷史走勢收跌, 踏入8月份, 中港股市反覆上升, 上証咬住3450唔放, 撐起港股, 恒指亦連續5日收26000之上, 港股技術指標改善, 沽空比率已是連續5日縮減, 今日只得11.84%, 為兩周以來最低, 落到26000附近淡友縮手, 可能等彈上去26800再沽,

27/7見底24748後展開反彈浪, 底部上移走勢改變, 今日低見26002, 接連跌穿過去兩日低位26126及26009, 亦打破了本周日升日跌的回穩形態, 出現兩連跌, 向下突破, 代表淡友正在反擊, 不過如果未見大頂, 由高位26650嘔500~800點(見26150~25850)就要再沖頂, 以月波幅計, 如果大鱷唔想隊穿25500/25000, 就要上破26800來擴大月波幅

內地股市本周全面大幅反彈, 表現亮麗, 不過卻上証連跌兩天, 抹去部份升幅, 好友要等上証完成調整才會再出手推升, 上証今日收3458, 只要上証企穩3450的話, 恒指就不會深潛, 如上証突破昨日高位3486, 有助推恒指上26500水平

~~~~~~~~~~~~~~~~~~~~~~~~~~~~~

創新低後一周例彈

恒指上周二(27/7)創今年新低24748, 本周恒指跟隨慣性走勢, 暴跌創新低後的一周例牌出現反彈, 通常會反彈1或2個星期向上攻, 不過26/7下跌裂口26878~27222淡友會攔路, 要等上証飛天, 好友才有藉口殺上去, 向下仍有上升裂口25520~25857未全數回補, 如果今個月收升, 往後就會突破本周高位26650, 如果係收跌月, 就會再下試25500.25000水平,

本周大鱷一直力守26000, 令人有錯覺以為守得住, 引好友入局買上, 貼價牛紛紛入局, 以往呢種格局係托托下失驚無神縮手, 大市就會碌落山, 貼價牛命危, 能否守住25800非常關鍵, 如能穩守, 就要將今次回吐低位加1000~1500點作為下一個反彈浪

港股升跌由大媽話事, 自從加股票印花稅死線過後, 1/8起無需急於走鬼, 大媽不再單邊沽貨, 係抽高QQ/美團再沽, 全靠大媽掃QQ, 恒指才能以上企26000水平, 另外道指高企不下, 道指恒指差距的拉力, 亦令恒指跌唔落, 上周股災時差距高達10058點, 隨著恒指本周反彈, 兩地差距收窄至8885點, 港股目前正在追落後, 港股大幅跑輸美股主要受白宮的制裁措施, 以及阿爺的監管政策所拖累, 所以出現大折讓, 通常股市是不會長期於恐慌拋售的低水平徘徊, 因為價值投資者以及短炒投機客就趁低吸納, 所以當差距擴大至不合理水平, 大市就會作出報復性反彈, 回補股災時出現的下跌裂口, 好明顯7月插穿26000係跌過龍

淡友等緊壞消息做藉口就會殺跌, 美元急升挑戰93水平, 人仔港匯齊跌, 油價金價亦反艇, 美國十年期債息跌穿1.2%後拗腰重上1.3%水平, 利好金融股

${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$ ${#icono_72}$

港股急跌急彈, 單日轉向呈陽燭, 牛熊通殺

9/8 周一恒指結束兩連跌, 收26283, 升104點

立秋 = 立抽 (立即抽升)

恒指已是連續4日收10天線之上, 每次插穿, 即市都彈番上去收, 代表大市正在尋頂, 當收市失守10天線, 就代表反彈浪結束

今日港股一插即彈, 惟沖高回落, 收窄升幅, 遠牛食胡, 震牛引熊, 貼價熊飛撲入市, 愈養愈肥, 最多新增熊在26600樓上, 向上每百點都有肥熊, 過去三日恒指收市U盤都係走低, 港股就作出調整, 今日收市U盤再度踢高, 加上夜期收高水, 都係好友出手推升的訊號

上証表現亮麗, 大升36點收報3494, 創月內新高見3502, 3500關鍵位試水溫後就掉頭, 兩地股市同步尋頂, 後市只要上証破頂而上, 港股就有運行, QQ底頂上移尋頂格, 港股亦跟住尋頂, 今日QQ收$461.6, 為三星期以來首度收10天線之上, 內地指標股茅台不但結束連跌六日的大跌浪, 收升1.36%, 今日低見1650亦守得住昨日低位1646.6, 兩隻龍頭股齊齊釋出利好訊號, 預示明日兩地股市會更上一層樓

今早大幅低開插穿26000秒殺牛牛即彈上去屠熊, 貼價牛熊陣亡, 老外大媽齊掃貨, 推動中港股市向上, 1/8加印花稅死線過後, 大媽肯大手掃QQ, 有大媽護盤, 港股就借勢反彈, QQ淡友節節敗退, 今日內銀內險AH股急升, 弱勢金融股止跌回升, 反映有趁低吸納殘股的買盤進場, 上証似乎有阿爺睇場護盤, 只要上証不破底, 港股亦不會創新低

踏入8月份, 無論港股即市點插, 恒指每日都收26000及10天線之上, 穩住了市場信心, 內地股市反覆上升, 挑戰3500水平, 有助推動恒指上企26500, 阿爺好, 港股好, 港股何時見頂睇上証, 26/7龐大下跌裂口26878~27222阻力非輕, 要有強烈利好消息才能突破

如果今個月未見大頂, 由高位26650嘔500~800點(目標見25850~26150)就要再沖頂(上周高位26569.26650), 今日低見25920, 進入回吐目標範圍即急彈倒升, 不過卻在前頂26569關前卻步, 詐死, 俾時間淡友熊熊入局, 今日港股止跌回升, 守得住關鍵位25800重展升浪, 由今日低位25920+1000~1500點作為下一個反彈浪, 上望26800關鍵阻力大位

上周升到上26650就腳軟, 皆因7月股災嚇到人心虛怯, 但8月開局後反覆上升, 每次回吐插穿26000均見承接力, 股民信心開始恢復, 好了傷疤忘了痛, 入市意欲增加, 大鱷乘機於高位派貨

美元急升, 人仔港匯跌, 利淡, 但美國十年期債息重上1.3%, 利淡科企(跌到殘.沽壓已減輕), 卻利好金融等舊經濟股, 內地金融A股爆升推高相關H股, 港股好友力守25900水平, 低開一插即彈, 10天線失而復得, 再度挑戰26500來擴大周波幅, 不過高見26527即回, 於26300~26500阻力區爭持, 後市如能收26500之上利好, 本周恒指波幅仍未達標, 仍有上升空間, 向上阻力26650.26800

8月上旬中港股市同步尋頂

網誌分類

已關注

最新網誌

最新回應

月曆