9/11 好友力守24500關鍵位

港股高開低走, 秒殺小熊即回, 好淡通殺

9/11 周二恒指收24815, 升49點

熱錢流走.好友退守24500關鍵位

日前說過見港匯突然急跌, 港股多數反艇, 港股升跌關鍵在匯市及監管措施, 今日港匯進一步走弱, 熱錢加速流走, 破7.79水平，高見7.7910, 港股沽壓大增，惟好友力抗沽壓, 今早大幅高開189點後隨即掉頭向下, 要不是上證收升，港股就要倒跌了, 24500~25000等爆邊來擴大周波幅

昨日說港股醞釀反彈, 今日果然收升, 港匯急速走弱但好友仍能推升, 算係有誠意撐市, 昨日說港股技術上會有後抽, 彈上去擴大周波幅, 如仍受制於25000, 就要插穿周一低位24633殺肥牛, 大鱷或會扮守得住24500做頭肩底, 24800穿梭, 好淡通殺, 目前港股要等大插創新低後單日轉向, 就會重上25000

過去兩周恒指每星期只升1天, 弱到不得了, 但周日(7/11)轉節氣立冬, 本周有望轉勢向上, 昨日說估計本周不會只升1天這麼少, 正常市況每周升2~3天, 市弱升1~2天, 即係未來3天不會全跌, 最少都升多1~2天, 要看插穿24500後短炒淡友會否食胡, 只要明日港股收升, 就打破了只升一天的魔咒, 連升代表好友反擊力量增強, 又或者淡友食胡

回顧5/10恒指創今年新低23681後轉勢向上, 其後3天仍在25000樓下反覆, 第四天已重上25000, 今次恒指已連續3天收25000樓下, 預示後市仍有望彈上25000水平, 阿爺開六中全會或會有救市好消息,

回顧月初只係升一天就再插過(上次彈200點翌日嘔354點), 股民有戒心, 擔心明天再大插, 紛紛趁反彈走貨, 入貨意欲極低, 導致成交大幅縮減至$986億, 北水及基金都不願炒港股, 所以每當見反彈就走貨, 所以大鱷趁成交細就舞高弄低, 為所欲為, 好淡通殺

~~~~~~~~~~~~~~~~~~~~~~~~~~~~

成也QQ.敗也QQ

明日QQ公布業績, 港股會有大龍鳳, 要看淡友會否於揭盅前食胡回補空倉避險, 幫手推高大市, 今日恆指國指雖然冇破底，但科指卻創一個月低位，淡友仍未放手, 後市不妙, 老外大媽齊齊走鬼, 加深港股的下行壓力, 淡友等緊上証及美股反艇做殺跌助力, 港股月波幅仍未達標, 要插穿24633才能擴大波幅, 周三四五係創周高低位的時間窗口, 24500危危乎, 不過只要守得住, 就會有彈高吃

今日彈上24956, 今日貼價熊上天家, 熊死牛命危,  牛肥熊瘦拉住港股後腿, 牛多到爆燈, 要買定官才, 不過熊熊亦快高長大, 養多一陣才殺得, 牛熊分布係13305張牛 VS 8134張熊, 牛在24628 VS 熊在25000, 港股成交細, 操控易, 上攻下殺三四百點不難, 好友仍想守住24500扮跌唔落來做頭肩底, 但基金界估港股仍有可能插穿24000做雙底, 多隻測市指標股都反艇, 溫水煮蛙式派貨, 全靠生物科技股彈高高, 推動港股小幅收升,

上証重上3500水平, 收3507, 升8點, 後市如上証插穿前底3484/3477就會禍及港股, 明日內地公布CPI.PPI, 港股表現要看QQ及上証, QQ連升兩日, 走勢好轉, 全靠大媽入貨撐住, 可惜收陰燭, 幸好低見$459.6後拗腰收升, 報$464, 呢兩日QQ插穿$460都能收於其上, 可能係好友守關, 亦有可能係淡友擔心萬一公布業績挾淡就大鑊, 所以先行推低QQ食胡