梁家權
梁家權
梁家權

阿鴻小吃 愈等愈驚

2008/06/13 00:00:00 網誌分類: 寫作
13 Jun
在北角和富道阿鴻小吃(見圖)門外等位,真的是一秒一驚心!

   心裏不斷怪自己不早點放下手頭的工作出來先吃晚飯,只不過是八點鐘,放在當眼處的一大盤南乳炆齋所餘無多,我看得眼睛也瞪大了,老闆娘好心,說為我留下一碟,待我有枱時送上;一波未平一波又起,又看到掛在廚房內的一條靚到出汁的滷水豬腩肉,切剩半條,我嘩了一聲,老闆娘好心,又為我留下。

   終於有枱,便一輪機關槍式落柯打,因為等位時已預先籌謀,免得臨急亂章。有南乳炆齋打底,便將留起的滷水豬腩肉拼滷水鵝片和千層豬腸加一隻滷水蛋,芥茉雞腳筋不能不叫,蔡瀾撈麵也是一絕,怎可遺漏?侍應姐姐說今天鱲魚魚飯很靚,既然魚不會吃飽人,加一條又何妨。抬頭見牆上貼出告示,今天的老火湯是粟米甘筍雪身煲豬肉湯,標明絕無味精,飲一兩碗都無所謂啦。

   落單不久,後面的一枱有人語帶驚訝的高聲反問:「蒜香雞都賣晒?」之後咿咿哦哦的說豬腩肉冇、齋又冇……原來還幾款熱門菜都賣清光,聽落的確得人驚。

   其實我在門外等時,近門口的透明廚房,在十多二十分鐘內已斬掉兩隻大滷水鵝,連豆腐也切剩幾磚,滷水蛋要急忙製作新的一批出來才夠應付,鵝雜只有一條鵝腸和一副鵝腎,相信亦時日無多;唯有肥大的墨魚,還有完完整整的一大隻掛在櫥窗內。下次找阿鴻,我會提早出發。

  梁家權

  

回應 (6)
我要發表
梁家權
梁家權 2008/07/11 16:10:03 回覆

想不到這你的囡囡都古靈精怪。我去吃東西通常是失驚無神的。另,對不起,這麼遲才覆你。

則卷小雲
則卷小雲 2008/06/19 19:27:34 回覆

我覺得阮兆祥好鍾意呢條街的食肆, 今晚, 佢又同司棋姐去食啦!

古靈精怪係我囡囡黎, 只不過上次佢個id未log out, 我就用回應, 所以出了她的名字添~

下次你去果條街食就記得早d通知我啦! 等我黎碰下你嘛~

梁家權
梁家權 2008/06/16 16:54:38 回覆
Candy,好似好多名人和普通人去,難怪咁快賣晒好食的東西。
梁家權
梁家權 2008/06/16 16:53:27 回覆
古靈精怪,你更正得對,應該是雪耳,因為我用「大易」輸入法,「耳」和「身」用同一個「p」字鍵,但問題是我若要打「耳」毋須再選字,反而「身」字要揀,為何我會多手呢
則卷小雲
則卷小雲 2008/06/15 17:34:17 回覆

不過, 你一次過叫咁多, 若果全部有齊哂, 你能吃得下嗎?

我見過連阮兆祥都去幫襯買外賣呢~ 等我下次都同囡囡去食下先~

小霖
小霖 2008/06/13 18:46:51 回覆

粟米甘筍雪身煲豬肉湯

該是"雪耳"吧!

 

user