鄧達智 - 不理外Duck內Duck，至緊要得｜智智樂GO
2023/06/30 03:23:48
網誌分類:
生活
6月初在歐洲，時差未過旋即飛曼谷，所有開幕都錯過。6月中，生命有時，緣份有時，碰上星島集團參予寶蓮禪寺舉辦「盛世荷花福佑香江2023荷花展」⋯⋯荷花盛放吸引萬千，「無用盛世」、「福佑」俗艷點綴，猶幸跟周敦頣「出淤泥而不染」呼應，那天上昂坪時而烏雲密佈，時而豪雨揮去遊客群，予雨點水珠伴荷花，置身四千盆近萬朵荷花，老套一句「樂而忘返」感恩有關部門，期待年年荷花展。
大嶼山昂坪寶蓮禪寺，百分百本地Icon。荷花（蓮花），被中國並遠東人愛戴，文人墨客推崇千百載，既本地又國際。
巨型Rubber Duck浮遊維港，荷蘭藝術家Florentijn Hofman設計，非初次來港，吸引海內外萬千觀眾打卡，黃鴨仔登上水晶纜車，甚至5000隻集結昂坪360巿集，魅力四射，不同種族、膚色，大人細路巿民及遊客樂在其中，雨中霧中興致不減。
以上各式上山下海風景元素，包含本地、內地、海外文化及製作，渾然天成不分內外，為香港添姿彩。
大煞風景，有人質疑：塑膠黃鴨啫，使唔使用外國貨？點解唔同內地訂呢？「亞洲國際都會」呢句香港推廣口號從何而來？不理回歸前後，香港老早是國際都會，香港特質是本地內地區內國際兼容並蓄，維港打卡雙喜鴨，昂坪沉醉雨中荷，半點不牴觸，具發言權者，何故發聲：「黃鴨何不訂自內地？」
淘寶真係平！靚！正！但係香港有需要全面「淘寶化」嗎？
鄧達智
回應
(0)
我要發表