鄧達智 - 濃郁酒香白玉珍珠｜智智樂GO
2023/07/07 03:24:03
網誌分類:
生活
榴槤也是最佳Long Distance Lover，常人對遠距離戀愛再鍾情；也難抵長期分隔，久而久之慾火、愛火會漸熄！
地老天荒那年榴槤大造，從新加坡牛車水一頭吃到另一頭，吃7個，自此愛上馬來榴槤；戀棧深層，此後對其他地方出品都難過電，泰國榴槤吸引力熄滅，好幾年前泰國旅遊局Wanna在清邁請我吃過一個，水平之高，實為妙品；之後，再難遇上。
從檳城到靠近吉隆坡彭享州，從貴價黑刺（98馬幣一公斤），或鄉鎮路邊比較相宜Kampung或山巴品種，在下深愛之情不離不棄，一年一次猶如七夕，每年新曆7月必南飛淫食品嚐，間或12月執多一劑。
怡保好友告知，縱使生長赤道，也難頂今年酷熱；榴槤更慘，反常早熟，4、5月紛紛落地。7月2日到埗，飛去Lorong SuSu街邊檔，時至下午4、5時，檔口幾乎清光，150馬幣1個名種「黑刺」，一個稍平「牛奶」慰勞半年來相思之苦。誰知次天檳城著名蝴蝶王國Entopia園主Joseph夫婦帶我們上山尋園子，嘩！眼前品種豐盛，5個人吃了12個！
過一天，名廚朋友關照當地人帶我們到浮羅鎮，話說水尾，但供應不絕，一般游說：水尾囉，跌晒囉，食黑刺啦（因為最貴！），實情非如此慘淡，貴了一點，並非沒供應。這次吃到從未聽聞過的Capri，中文叫「白玉珍珠」，細細個，圓碌碌，珍珠白肉色，濃郁酒香四射，一吃愛上！
今次檳城榴槤行成績：冠軍，30年以上老樹「紅蝦」；亞軍：新寵「白玉珍珠」；季軍：「葫蘆」。性價比低，貴得離譜，肉質香氣似彭享州而非檳城道地生產：「黑刺」！
鄧達智
回應
(0)
我要發表