古星輝 - 5G寬頻撐起戶外潑水音樂派對｜乜都5G

全面復常，矚目盛事浪接浪，上周於中環海濱舉辦嘅《S2O亞洲潑水音樂節—香港站》，更係全港首個世界級的大型戶外濕身音樂派對，據說場地面積比泰國站更大！音樂節嘅型格舞台及360度強勁噴水系統，真係令所有入場觀眾耳目一新！單看近日社交平台上近乎洗版式嘅打卡相，就知道活動有幾受歡迎。

世界級盛事，當然要有世界級5G網絡支援，我哋公司旗下尊尚品牌SUPREME全力支持是次盛事，成為大會5G贊助夥伴，負責於場內提供覆蓋完善嘅5G服務，讓觀眾及商戶於場內進行電子交易及隨時上網打卡都可以暢順無阻。

逾萬人同時使用　5G仍流暢

我哋對中環海濱呢個場地可謂駕輕就熟，因為去年喺同一場地舉辦嘅Artaverse，我哋亦係大會嘅5G夥伴。

據技術部同事所講，今次嘅場地較Artaverse大一倍，加上大舞台設於中央，整體網絡部署上都有所考究。對於我哋身經百戰嘅技術部同事嚟講，呢啲當然唔係問題，經佢哋精密計算後，於場內添置一些器材，配合場外一啲微調，無論容量及覆蓋都可滿足全場需要。即使全場每日有超過一萬名工作人員及觀眾同時使用，一樣順暢唔塞車。

是次大會鼓勵觀眾於場內使用電子消費，希望令交易流程更便捷。就住呢個要求，負責有關方案嘅同事，喺場內規劃幾個小區5G寬頻網絡布局，方便大會喺入口辦理入場手續、商戶接駁至電子支付平台，以及工作人員間嘅聯絡，確保流程運作順暢。

5G寬頻戶外盛事盡展所長

喺戶外活動場合，要使用固網服務相當不便，拉線安裝時間甚長；相反5G比較簡單，安裝上極具彈性。今次我哋為S2O呢個咁大型嘅城中盛事特別設計咗小區5G寬頻應用，就好像為使用單位設立一條專線，令運作上特別順暢。

場內特設貴賓區域，供我哋服務嘅SUPREME用戶同一眾城中名人好友使用，仲紛紛大讚上網超快超順，打卡都快人一步！

5G寬頻嘅應用，唔單止喺屋企，就算喺戶外大型活動都可以盡展所長。

和記電訊香港行政總裁

古星輝