古星輝 - 海中暢用5G打卡煲劇｜乜都5G

過去疫情期間，我們發現出海活動嘅人數上升，而此數字於復常過後仍然維持，成為後常後的新常態，呢個新趨勢就令我哋聯想到海中5G網絡覆蓋嘅重要性。記得喺年初喺維多利亞港完成全港首次郵輪5G網上直播，展示我哋海上覆蓋嘅技術優勢，成為業界當時一個創舉，最近我哋嘅5G海上覆蓋有另一突破性發展。

全港首用2大嶄新技術

於大海中心流動訊號穩定性較低彷彿係一個定律，茫茫大海難以找到位置興建發射站，技術團隊最近率先用咗2大技術，喺西環、西貢、鴨脷洲、赤柱和鶴咀對開嘅海面進行升級工程。到底呢2個技術點樣特別呢，首先係「8發8收」（8T8R）多輸入多輪出嘅天線，當天線用上呢個技術後，同以往使用「4發4收」（4T4R）比較，佢嘅輸出功率更大，大大增加流動訊號嘅傳輸速度和穩定性。第2個法寶就係相當嶄新嘅e-MIMO Pro技術，佢負責減低海上嘅電波干擾，令天線發放嘅訊號可以更強。

有以上2大嶄新技術都未夠，配合埋我哋滲透超強嘅700低頻段頻譜，簡直係如虎添翼，5G訊號覆蓋自然可以比平常去得更遠，令去到海中心都可以收到5G，遊住船河用電話上網煲劇打卡都不是夢，最難得嘅係整個升級唔算複雜，喺原有器材上加工升級即何，唔會浪費，符合現代ESG原則。

實測表現理想網速倍增

每次工程完成，工程團隊一定要實測表現先知龍與鳳。上個月工程團隊租咗隻船出去走一轉，試吓海上5G實戰表現，進行全面測試，期間嘅網速相當理想，上下速度較升級前分別提升5.5倍及1.6倍，而整條路線整體接收表現較前更有大幅提升，足以應付直播及煲4K片等應用。大海中心有5G，的確係一項重大突破。

和記電訊香港行政總裁

古星輝