古星輝 - 展現點子與創新的舞台｜乜都5G

特首施政報告中，緊扣國家《十四五規劃綱要》明確支持香港建設國際創新科技中心嘅定位。喺2023年新興初創生態系統排名入面，香港位列全球第二、亞洲第一，足證香港創科嘅實力。正如筆者於月初《香港經濟峰會》所講，要發展應用方案，三個「i」，即點子、想像力及創新不可缺一，初創等科研公司，也極需要一個舞台展現實力。

有見及此，公司開設一個數碼應用方案展館DigiBox，呢個位於總部嘅展館籌備經年，結合咗同事嘅唔少心血，喺今個星期初，我哋舉行咗開幕儀式，更邀請咗近百位來自不同行業嘅企業客戶出席及參觀，場面極之熱鬧。

七大展區逾40方案　適時更新

DigiBox共分為七大展區，以最熱門嘅智慧城市、智慧港口、智慧營銷、智慧教育、智慧醫護、人工智能與未來及智慧餐廳七大範疇為主題，展示5G結合ABCDE，即人工智能、區塊鏈、雲端運算、大數據及邊緣運算等嶄新科技嘅應用場景，分享科技成果及促進創新，為各行各業提供應用方案平台。館內現時一共展示咗超過40個嶄新5G應用方案，大家可以喺最短時間內，掌握本港創科嘅最新創意項目。

當中筆者認為「智慧港口」甚有特色，同事於面向9號貨櫃碼頭嘅位置，配合擴增實境（AR）技術模擬真實世界嘅互動體驗，以平板電腦示範透過5G網絡遙距操作龍門架吊機，讓各位可以親身體驗「智慧龍門架」嘅簡便操作，唔少當日出席嘅客戶都覺得好有新鮮感。

呢個展館有無敵嘅5G覆蓋，亦有龐大嘅展示場地，而展區主題及展示方案更會適時更新，我哋嘅企業部同事更可以就商品化提出意見，加速方案推出市面，令初創精英行少啲冤枉路，聽同事講，已經有唔少機構預約參觀，如果機構朋友有興趣嘅話，不妨電郵至3corpsales@hthk.com。

今天冬至，祝各位讀者團團圓圓，並預祝聖誕快樂。

和記電訊香港行政總裁

古星輝