古星輝 - AI＋5G與二創版《一人之境》｜乜都5G

人工智能（AI）去年席捲全球，有人話2024年係AI之年，有關技術嘅不斷發展及越來越廣泛嘅應用，定必為各行各業帶來嶄新嘅機遇。麥肯錫全球研究院就曾指出，2030年全球AI產值可高達13萬億至15萬億美元。

AI由原生時代嘅人面辨識功能，發展至今日嘅生成式AI、機械及深度學習，有助企業設定自動化工作流程。據聞AI亦即將應用於智能手機，可望加強聊天機械人、拍攝、翻譯、筆記，以至整理文本嘅功能，AI手機指日可待。有消息指，巿場上已有公司就「AI smartphone」及「AI phone」等字眼申請註冊商標。

唱出家中爭寬頻之糾結無奈

人工智能近年喺香港亦造就咗有趣嘅AI藝人及歌曲熱潮，由AI尹光（光B）翻唱嘅《一人之境》，由於唱腔像真度高，巿井得來卻有着先進科技的光環，因而熱爆社交平台，本地樂壇更隨即有首個「註冊AI聲音藝人」出現。

公司最近乘AI《一人之境》嘅聲勢，邀請咗光B為宣傳5G家居寬頻拍攝全新MV，並由佢真人演繹《一人之境》嘅二創歌曲《一人之境之人人自肥版》。「5G光B」以獨特情懷，唱出喺屋企要同自己人「競爭」寬頻嘅糾結同無奈；歌詞輕鬆貼地，爆笑又有新鮮感，難怪有網民話係近年難得會足本睇晒嘅廣告歌：

「廁格裏凝望 玩玩吓game chok吓窒吓

戰友也嫌慢 quit晒隊好絕望

索爆派糧夜 努力開live偏偏load空氣

想擘面跟你死過 獨佔高速上網」

鏡頭一轉，光B攞住5G神器出現，溫情唱出5G家居寬頻嘅好處，「一個人無窮broadband至盡興，經已無用再爭先高興 」、「全憑自己電線Sim卡插上，便已經可上網 」，凸顯有5G寬頻加持，屋企人就可以各自擁有「一人之境」，盡情無憂釋放自己，上網享受me time，體會一個人獨處嘅自在時光。

自肥版MV已經喺網上瘋傳，仲未睇過？快啲去3香港YouTube、facebook及IG頻道收睇。

和記電訊香港行政總裁

古星輝