林月庭 - 逗人開心的甜品 | 甘美人生

　　上周本欄提到卅二公館推出了春夏新菜單，幾道佳餚，吃得滿意，還有幾味值得推介。Mott 32招牌菜：蘋果木燒42天飼養北京片皮鴨，不論春夏秋冬，都咁啱食，鴨皮薄如脆薯片，鴨肉香嫩多汁，李文星大廚叫大家不要掛住打卡，快手吃，怕蒸薄餅冷了，包鴨吃不過癮。潮式炒花膠條，把花膠、炆冬菇切幼條，加入自家製XO醬，大火落鑊拋炒至乾身，夠鑊氣又好味。龍穿鳳翼，以爽脆大蝦球炒雞上半翼，飽滿多汁，清新又鮮味。香辣脆米雞，不知大廚怎樣把米粒「貼」在雞皮之上，落鑊油炸，每塊雞件炸得透，雞貼上的米粒入口卜卜脆，口感好特別，皮的脂肪炸出，薄脆好吃，雞肉保持幼嫩，蘸大廚自家製的醬汁，滋味一流。

　　雲南水果芹菜，第一次吃，來自雲南的水果芹菜，細細條，有芹菜的咬口，卻沒有太大的「青綠」味，反而滲出淡淡清甜，一吃難忘。內地食材比香港多樣化，香港飲食業不要故步自封，應向內地引入更多食材，才能滿足港人口福。竹炭黑椒脆法國羊鞍，把麵包糠加入磨碎的竹炭，鋪在靚羊扒上，熱油煎香，竹炭包着羊肉，外脆內爆汁，人人點頭讚好。

　　李文星大廚要大家難忘這一晚，一口氣推出5款甜品，包括綠茶青檸乳酪蛋糕、青檸海鹽芝麻撻、雪糕龍鬚糖、菠蘿杞子蛋白脆和鐵觀音朱古力小籠包，大家都話「我愛文星師傅！」

林月庭