「令炎反胃的文和感想」(下)
另一網友「小琳」評炎說得好,炎再就此文應之:
小 琳 2009/1/31 上午 01:28:14
炎兄講得好
炎澄魂:
謝謝。但炎只係個愛情愚者,唔係個d明女仔心理既「智者」,所以講既野對唔對真係要由大家自己判斷。
不過炎實在忍唔住再就呢篇「詮釋女性心理」既「浪漫偉文」作出補充:
坦白講炎覺得呢篇文充斥著美麗詞澡,糖衣包裝,的確能夠迷惑到「一D人」,特別係後生女,因為都抓到女仔對愛情個D「欲拒還迎」既「部分」心態。可對炎呢個愚者黎講,美麗包裝既背後,骨子裏,內容實在相當以偏概全,亦有誤導性,同太過將男仔妖魔化(可能咁樣先易引起女仔共鳴掛)。
講真,所謂「知人者智,自知者明」(老子第三十三章),「女人心,海底針」,有時女仔既心態你地自己都未必明啦,何況男人?但炎想指出幾樣野:「其實唔少男人對女方提出分手都會留,仲會唔要面咁留。最決絕既有時反而係女方。」
另外男人之所以唔挽留,原因有唔少,但好多時唔係因為上面篇文講個一大堆XYZ。而係因為「痛在心裏口難開」--男人傳統黎講係要強要面,面對女方突如其來咁提出分手,佢地好多時都會覺得不知所措,但行為上又未必做得出難過苦痛,反而會選擇壓抑,逃避以維護面子尊嚴,然後個晚就搵埋自己班兄弟劈酒訴苦。
又男人會諗:「反正咁愛你你都提出分手,咁無謂再係你面前哭哭啼啼俾自己個脆弱樣你睇自取其辱,走就走算。」
女人提分手要男人留,炎覺得實質上唔係好似上面篇「偉文」講得咁浪漫咁感人,好大程度上係要「面」啫。
但女人要面,男人都要面架。當然男人可以唔要面留女人,但要視乎佢覺得你值唔值。若果三日唔埋兩日就提分手然後要跪要氹咁鬼煩,再有耐性再愛你既男人都頂唔順,走硬!寧願搵過個好過!世上又唔係只有你一個女人,點解要同一個咁煩咁討厭既一齊?
請女方們將心俾己,假若有個自認為魅力驚人既男人,以為身邊既女人無左佢唔得成日借頭借路提分手要女方挽留(隨時仲以此作為去滾去玩既籌碼),咁作為女性既大家又頂唔頂得順呢D「X街契弟」?
尤甚既係,炎覺得上面個篇「偉文」唔單止誤導女人,以為男人真係咁衰,隨時仲誤導埋男方,等男人以為女人提出分手多數都係「流既」唔係真心,於是苦苦死纏,點知最後發現原來女方係「黎真」既時候,男人覺得感情既無,面又無埋,咁結果會點?
女人要分到手固然極難。男人方面,係炎呢個愚者既角度黎講「好」既,就睇得開當無事或只係傷自己就算。唔好既,就傷害女方或攬住一齊死--呢D咪就係悲劇!女人唔係下下提分手都流架!但造成呢D悲劇既責任炎覺得反而唔係男方,而係個D將「分手」兩字當兒戲賭注,成日提出要男人氹既麻煩女人。
「分手」係愛情上係一個「好重」既字眼,炎覺得唔應該拿來玩耍或做賭注成日掛係口邊。藉提分手要人留唔理係女或男都好,都係「愚昧」,「任性」、「無聊」、「戇居」、「麻煩」同「自以為是」既表現,弄假成真都係「犯賤自招」,毫不浪漫淒美。
就黎情人節啦各位讀友,炎在此苦口婆心囑大家一句:「想係佳節溫馨浪漫就請好好珍惜身邊愛侶,真係唔好俾個D『金玉奇外,敗絮其中』既『浪漫文字』誤導,對伴侶做出D比如『表面提分手,實際要挽留』,既愚苯行為。否則弄假成真或造出悲劇,到時就真係好無謂同非常唔好!
(感慨)能同相愛既人係埋一齊係福份,唔係個個都可以。有,就應該珍惜同愛護,唔好身在福中不知福當猴兒耍!尤其感情既野,有時無左就無左,無得返轉頭架。要自己用腦分析是非對錯,唔好俾D寫稿佬或寫稿婆誤導敗壞良緣呀!
二零零九年一月三十一日
中午一時十三分
炎澄魂字
小琳
謝謝讚賞 。炎都不過係將一D經歷同感受打出黎跟大家分享,不係教人做野架 (炎自己都週不時講錯野)不過各位若能從中獲益自然最好啦。
講得非常易明!
呢D咪就係「人生經驗」囉!各位網友學到嘢嘛?
我就袋晒落袋喇!多謝炎兄!
Suki妹
謝謝理解! 事實上因炎見你說對那篇文感動,所以有點怕自己那樣評之會令你不快--因炎自己也是讀者嘛.
但不說又忍不住,因快情人節了,炎想佳節臨近,隨時有不少類似的"浪漫Raymond(即"偉大文章""偉文")"出現,把像你這類入世未深的孩子誤導,或把其他良緣破壞,如恃著自己是"寫作人"有數滴文墨,見某些"獵物"陷入感情迷茫中,即用自己的一點淺薄文筆打類似的偏頗文字send之乘虛而入(可能還包括甚他如送花,送匿名心意咭等攻勢),騙獵物上床,滿足自己的獸欲,甚至還灌醉誘上床後拍照拿把柄,然後迫人家繼續和其上床,空留滿腔悔恨給那些一時迷失者,造成一件又一件感情悲劇.
因此,炎便按不住借你的題發揮,將自己的所知(有的是切身經歷)向大家公開,希望多少能避免這類,和留言中所提及的其他愛情悲劇發生.見Suki你見諒和別因炎的留言不再post喜歡的文.這是你的自由,無人要我炎澄魂去看的.
另外炎多口說句,請各位女性和男性別以為個個會舞弄一下文墨的寫作人,都是杉杉君子和窕淑女,有一些,真的好色淫蕩沒道德,為了一己私欲如騙女上床做愛,可以出盡胸中墨水和計謀,包括寫一些"金玉其外,敗絮其中"的浪漫文字.一時迷茫受惑,隨時萬劫不服,這是炎的"經驗之談".所以炎雖然自己也算是寫稿佬之一,可在上面那篇文末尾也忍不住寫"提防寫稿佬,寫稿婆"那句.
因為有些寫稿佬寫稿婆,其品德之差,實在連黑社會流氓也不如.
最後希望炎的文字沒為Suki你帶來麻煩吧.因炎也不知自己的文章有什麼影響力的.
"一時迷失做傻事不是罪過,但因一時迷失被人利用或乘虛而入造成終身悔恨,那就太不值,太無奈了!"
二零零九年二月一日
凌晨四時四十三分
炎澄魂酒後字
炎哥哥:
我冇嬲你呀^^我只係得閒先轉post..
估唔到引起咁大迴響=.="
不過我係個明白事理既人..我都明白你既諗法;)
唔洗咁介意喎;)
suki;)