有感而發
2009/03/15 07:40:00
網誌分類:
未分類
最近收到區議員的單張, 運輸處竟然要取消及減少將軍澳南區的部分巴士路線, 而原有的路線也不過三數條,即係話, 如果閣下想出入任何地方, 除咗乘搭地鐵, 別無選擇. 而我就有如下經驗:-
08年冬天的某一天約7:30PM, 一如而往, 小兒致電回家, 從太子某補習社返家. 半小時過去了, 備好晚餐准備開飯, 門鈴未有依時响起, 過多十分鐘, 依然無任何消息. 終於在8:30收到佢的電話, 由於地鐵故障延誤, 現時身處九龍灣站, 正等候進一步廣播通知. 而佢並無電話在身, 只是借人啲電話. 我唯有囑咐佢見機行事, 並留意地鐵宣佈. 之後就是漫長的等待... 將近10:30PM, 我同佢爸爸已經焦急如熱锅上的螞蟻, 電視上也只是打出一行字, 無任何有用的信息. 嗰種無助的感覺, 真是永世難忘. 之後, 終於見到了仔仔, 滿頭大汗, 校服亦已濕透. 一見我們, 扑上來大哭.
原來他等咗好耐, 地鐵接載他們至觀塘站了事. 又無任何清晰指示. 出咗閘, 係條街揾咗好耐, 無任何交通工具可搭, 廖廖可數的的士全部满載, 最後在好心的姐姐幚助下同乘的士返來, 並幚佢俾埋車資. 至此先告一段落.
如今, 運輸署的官員如此做法, 有否體查過我啲一班小民的需求呢?
身 同 感 受 ! !