一世英名
2009/04/17 17:12:15 網誌分類: 寫作
常言:不怕生壞命,最怕改壞名。可見名字的重要性。最近嘗試寫短篇小說,在設計男女主角的名字時,倒有點舉棋不定,不知怎樣的名字才能令主角的形象更易突出。早前電視劇「學警狙擊」的Laughing哥,正是一個獨特的名字配上不一樣的身份,旋即成為炙手可熱的電視紅人。設計名字的編劇人員確實應記一功。
作家之中,我最愛金庸先生,也常佩服他為小說人物所設計的名字,讓每位主角都能家傳戶曉。如「倚天屠龍記」的張無忌、趙敏、周芷若、張翠山、殷素素。「神鵰俠侶」的楊過、小龍女、李莫愁、陸無雙。「天龍八部」的喬峰、段譽、王語嫣等等。
有時改名要不落俗套,除了父母要有高深的學問外,還要配合當事人的命格。一個好聽的名字不代表適用於你,一個特別的名字又可能令你尷尬萬分。我從沒研究過姓名學,但深知一部成功的小說,男女主角的名字非常重要。像「張無忌」,用於武俠小說上,絕對響噹噹的一個大俠名字,但現實生活中,哪個敢用?又例如「王語嫣」,名字優雅脫俗,令人聯想出必然是位風姿綽約的美人兒。這就是作家最成功之處,英雄有英雄專用的名字,美人有美人才配得起的稱呼。
為人父母自當寄望兒女有一番成就,有時名字改得氣度不凡卻與真人不相符時,只能無奈地叫人掩咀竊笑。幸好我的名字是極度平凡的,就如張國榮,劉德華一般的普通,但平凡背後,卻是父母心目中的一顆巨星。
立冬妹妹,
我爸爸幫我改個好特別的名字, 攪到係人都以為我是男生。
看以前報章披露,如果沒有記錯,張國榮原名張發榮,劉德華原名劉福華。 型英帥靚正的名字個人會選於1934-1944年任新疆省政府主席的盛世才(1895-1970)
以前 d 人命名,好似仲要跟族譜。
羅賓哥,笑死人咩,我每日得幾百,人地每日幾千,一跳就多五百,我點會紅呀?哈哈哈哈。。。
哈!你都就快變頭條紅人,回應的博友愈來愈多,成功在望呀!
小女子,所以有時名字改得唔好,真係會俾人由細笑到大架。
人姐,國內有很多特別的姓氏和名字的,有時我聽電話最怕遇到,例如有人姓<菅>,草菅人命的<菅>,又有姓<蹇>,真係估佢唔到架。老闆說姓菅的,應該不是好人了。哈哈。。。
淺雪姐,係啊,<楚留香>又真係好經典,仲有<陸小鳳>同蛋哥最鍾意的<西門吹雪>呀,哈哈,差點唔記得添。<令狐沖>個名都幾特別,還有岳不群,何鐵手,好多特別的名字呢。金庸先生仲設計左好多武功招式,名字都好考腦筋架。
所以我真係好崇拜金庸先生,佢係我唯一的偶像!
古龍筆下,有個叫簫別離..一聽就好傷感.以前聽粵曲..有個男主角叫柳夢梅.同樣都好深刻...
我個人就幾鍾意楚留香.
可惜我的名字及我的姓氏由不得我選擇。
大臣哥,一聽此名,便知你俊朗不凡,人中之龍啊!
姓“钦”名“差”字“大臣”,不知此名如何?
蛋哥,我慢慢學人寫下咁啦,想到咩就寫咩啦。都唔知寫幾耐先至生得出呢。
鋅子,巨星個女呀?莫非你姓張?
我的名字本來也很普通的, 但自從某巨星的女兒改了我的名字後, 就變得響噹噹啦
立冬寫乜嘢小說呀?系咪鬼故事呀?
你呢個名已經夠曬古意,寫武俠小說其實唔使改。
大陸有個評論股市的經濟學家,名字叫“水皮”,但水平卻一D都唔水皮,比香港好多財經演員要犀利。
我女幼稚圓時有個同學,姓毛叫良,父母是大陸北方移民過黎的.
我的名字,也很普通。
心香兄,你個名咁有型,肯定花過心思啦,即係唔係隨便改個名就算啦。
哈哈,都唔知有無咁多時間寫,慢慢構思下先啦。至於題材,樣樣都有點啦。
路人哥,我最怕吃<口立濕>的,亦都好怕鍾意食<口立濕>的男人。
我認為,名字符號而已... ...
面圓圓,眼大大,成日响柜桶攞口立濕吃。
都市愛情故事
奇哥,梗係寫現代啦,古代留番俾蛋哥寫。
路人哥,立冬呢個名唔知你會聯想到我係點呢?
哈哈,有心人,你個名改得最好!讚!
巨星冬都幾好聽,kakaka
寫緊的小說係現代or古代?
叫 立冬 也不錯
唔怕生壞命
最怕改壞命
一啲都冇錯架
有個朋友姓吳....後面叫景得
攪到人人成日叫他吳得呀!