記錄
金曹 2009/7/6 上午 09:49:33 網友在此的回應 Persie、小兵卒，牆頭草大哥係全職炒手，對股票期權的玩法（short put接貨）有了解。沽出認沽期權最緊要係接貨價夠低，及隨時預留現金接貨，因為係美式，只要跌低過行使價，就有機會被行使認沽權，未必一定要等到月尾。而沽出認購期權就最高先在低位買貨，價外covered call賺息賺價。如果short put沒有足夠資金接貨，係好易輸大錢，就如accumlator玩大左的受害者。一個高水準的金融市場，應有一班有錢有貨的投資者，高位出貨、低位長線買入，讓股價在合理水平上落。股市炒得太高或插得太殘對小市民都不是好事，結果只係被大鱷上下其手。 //牆頭草 (一切隨風) 2009/7/4 下午 12:26:31 網友在此的回應 沽期權收期權金, 其實是對你的割捨功的最高考驗…因為除非你在最低/高位沽 (好難), 否則你一沽就會坐艇中, 只望到月尾沽的價是價外, 咁就收水, 否則要接貨或出貨…但既然月尾跌過$25先會真正輸, 好大誘惑你去守, 咁就大O樂. 佢日日跌, 按金日日加. 除非你唔介意月尾 2628 跌到 $23 時去用$25 去接. 又夠錢接.不過, 自問割捨功高強 + 本多 + 睇市準, 可以是定期收入. // 股票期權按金表可參考 http://www.hkex.com.hk/rulereg/futrsksys/mertc_seoch.htm 理解股票期權及風險 http://www.hkex.com.hk/invedu/booklet/Stock%20Option_c.pdf 港交所即日期權新聞 http://www.hkex.com.hk/tradinfo/predaynews/cnew.htm 小兵卒 2009/7/6 上午 02:44:51 網友在此的回應 Persie : 做長倉 (long) 不用按金 , 低至一百、數十元都可以有交易 , 不過經紀佣金就會好 "嗱脷" , 短倉 (short) 就會被扣押按金 , 一般係你成交合約的股份真實買賣金額的某個百分比 , 好似係10 - 15% , 唔太清楚 , 應該唔超過20% , 有冇網友 , 或者牆頭草兄、Cream 姐可以幫忙 , 提供比較準確數字 ? 但戶口內金額要預鬆動D , 以防加按金 , 若做三、四千元短倉合約 , 户口內準備有五萬元應已安全。若要追加按金而戶口又唔夠錢 , 經紀 (要係經紀行開戶口做的) 會 call 你入錢或問你要否斬倉。但若你想接貨 , 則又另當別論。 小兵卒 你話："股票期權的確係一種幾好的賺錢工具。每個月頭 , 找一兩隻大籃筹 , 而技術指標係高位的就做10 - 15%價外short call , 技術指標係低位的就做價外short put , 賺時間值 , 穏穏陣陣 , 唔太貪心的話 , 一個月三、五千真係好容易達到 , 個個月好似出糧咁 , 真係唔錯咖。若果真係唔對路 , 又可以揾位平倉 (因是10 - 15%價外) , 而且有時間值值消耗 , 對冲期權金變化 , 輸都唔會太多。所以強力建議各網友學習、使用呢種工具 , 穏穏陣陣賺錢。" 請問本金是多少？謝謝。
